වෙන්‌ වෙන්‌ වශයෙන්‌ ගත්‌ කල අර්ථයක්‌ දීමට නොහැකි අංක, චචන සහ සලකුණු දත්ත (Data) ලෙස හැඳින්වේ. දත්ත ගොනු කිරීමෙන්‌ සහ සකස්‌ කිරීමෙන්‌ අර්ථවත්‌ තොරතුරු (Information) ලබා ගත හැකි වන අතර එම තොරතුරු, තීරණ ගැනීම සඳහා අපට උපකාරී චනු ඇත.
දත්ත සකස්‌ කිරීමට යොම කිරීම ආදානය (Input) ලෙසත්‌ සකස්‌ වූ තොරතුරු ලබා ගැනීම ප්‍රතිදානය (Output) ලෙසත්‌ හැඳින්වේ. මේ සියල්ලේ එකතුව පද්ධතියක්‌ ලෙස හැඳින්විය හැකි ය.
එසේ නම්‌ පද්ධතියක ප්‍රධාන කාර්යය වන්නේ දත්ත ලබා ගැනීමත්‌, ඒවා සකස්‌ කිරිම සහ සුරැකීමත්‌, අවශ්‍ය වූ විට අවශ්‍ය තොරතුරු ලබා දීමත්‌ වේ.
උදාහරණ 1
පාසල්‌ වාර විභාගය අවසානයේ දී පන්තියේ ළමයින්ගේ නම්‌ සහ ලකුණු වෙන වෙන ම සටහන්‌ කළහොත්‌ ඉන්‌ එක්වර විෂය හා ලකුණු පිළිබඳ අදහසක්‌ ලබා ගැනීමට නොහැකි වේ.
රවී 78, 90, 79, 67, 76, 78 රිස්වාන්‌ 87, 70, 80, 75, 80,80 ක්‍රිෂාන්‌ 76, 78, 67, 80, 79, 76 එහෙත්‌ මෙම ලකුණු පහත ආකාරයෙන්‌ වගු ගත කළ හැකි ය.