ආර්ථික විද්‍යා සාමාන්‍ය දැනීම ප්‍රශ්න 2
ආර්ථික විද්‍යාව පිළිබද සාමාන්‍ය දැනීම් ප්‍රශ්න මාලාවක් මෙම ලිපිය මගින් ඔබට සැපයේ.මෙය ඔබගේ ආර්ථික විද්‍යා දැනුම වැඩි කර ගැනීමටත්,කාලීන සාමාන්‍ය දැනුම වැඩි කර ගැනීමටත් ඉවහල් වන බව මාගේ විශ්වාසයයි. ආර්ථික විද්‍යාව පිළිබද සාමාන්‍ය දැනීම් ප්‍රශ්න 1 කොටස මෙතැනින් කියවන්න.
- බ්‍රෙට්න්වුඞ්ස් සිටර්ස් නමින් හදුන්වන ජාත්‍යන්තර සංවිධාන දෙක මොනවා ද?
- යුරෝ මුදල් භාවිතා කරන රටවල් 5ක් නම් කරන්න
- OPEC සංවිධානයේ මූලස්ථානය ඇත්තේ කුමන රටක කුමන නගරයේ ද?
- ලෝකයේ වැඩිම ජාතික ආදායමක් වාර්තා වන රට කුමක් ද?
- රැකියා නියුක්තියල පොලී අනුපාත හා මුදල් පිළිබද පොදු න්‍යාය නම් ලෝක ප‍්‍රසිද්ධ ග‍්‍රන්ථය ලියු ආර්ථික විද්‍යාඥයා කවුද?
- ලෝකයේ විශාලතම අපනයනකරු වශයෙන් හැදින්විය රාජ්‍ය කුමක් ද?
- ශ්රී ලංකාව තුළ ක‍්‍රියාත්මක වන ආයතනයකට මුදල් සමාගමක් ලෙස කටයුතු කිරීම සදහා බලපත‍්‍රයක් ලබා ගත යුත්තේ කුමන පනත යටතේ ද?
- රජයේ සුරුකුම්පත් නිකුත් කිරීමේ දී අනුගමනය කරනු ලබන ”ටැප් ක‍්‍රමය” යනු කුමක් ද?
- කේන්ස්ට අනුව මුදල්වලට ඇති ඉල්ලූම තීරණය කරන ප‍්‍රධාන සාධක දෙක මොනවා ද?
- ලෝකයේ පළමු මහ බැංකුව වශයෙන් සැලකෙන්නේ කුමක් ද?
- ශ්රී ලංකාවේ ආයෝජන ප‍්‍රවර්ධන කටයුතු මෙහෙය වන ආයතනය කුමක් ද?
- 2012 සංගණනයට අනුව ශ්රී ලංකාවේ අඩුම ජනගහනයක් වාර්තා වන පළාත කුමක් ද?
- පොදු රාජ්‍ය මණ්ඩලයේ සාමාජික රටවලින් වැඩිම ජනගහනයක් ඇති රට කුමක් ද?
- බලපත‍්‍රලාභී වානිජ බැංකු බලපත‍්‍රලාභී විශේෂිත බැංකුවලින් වෙනස්වන ප‍්‍රධාන ලක්ෂණය කුමක් ද?
- රජයේ භාණ්ඩාගාර බැදුම්කර සදහා පොලී ගෙවනු ලබන්නේ කුමන කාල පරිච්ජේදයකයට වරක් ද?
- අධිබලැති මුදල්වලට අයත් වන්නේ මොනවා ද?
- භාණ්ඩ හුවමාරු ක‍්‍රමයක තිබෙන ගැටලූවක් දක්වන්න
- යෙදවුම් මිල ඉහළ යෑම නිසා නිෂ්පාදන පිරිවැය වැඩිවීමෙන් භාණ්ඩ හා සේවාවල මිල ඉහළ යෑමක් හදුන්වන්නේ කෙසේ ද?
- පුද්ගල ආදායම් ප‍්‍රමාණය හා ගනුදෙනු චේතනාව මත මුදලට ඇති ඉල්ුලමේ තිබෙනුයේ කුමන සම්බන්ධයක් ද?
- යම් භාණ්ඩයක සැපයුම නොවෙනස්ව පවතින අවස්ථාවක එම භාණ්ඩයේ ඉල්ලූමේ වැඩිවීමක් නිසා ඇතිවිය හැකි සෘජු ප‍්‍රතිඵලය කුමක් ද?
- ශ්රී ලංකාවේ ජාතික ආදායම ගණනය කරනු ලබන ආයතනය කුමක් ද?
- ප‍්‍රාමාණික ලාභ යන්නෙහි අදහස කුමක් ද?
- කිසියම් භාණ්ඩ දෙකක් අතර හරස් මිල ඉල්ලූම් නම්‍යතාවය +2.5 ක් නම් එම භාණ්ඩ දෙක සම්බන්ධයෙන් නිගමනය කුමක් ද?
පිළිතුරු
- ලෝක බැංකුව හා ජාත්‍යන්තර මූල්‍ය අරමුදල
- ඔස්ට්‍රියාව/බෙල්ජියම/ සයිප‍්‍රස්/ එස්ටෝනියෝ/ ෆින්ලන්තය/ ජර්මනි/ ප‍්‍රංශය/ ග්‍රීසිය/ අයර්ලන්තය/ ඉතාලිය/ ලැට්වියා/ ලක්සම්බර්ග්/ මෝල්ටා/ නෙදර්ලන්තය/ පෘතුගාලය/ ස්ලෝවැකියාව/ ස්ලොවෙනියා සහ ස්පාඤ්ඤ
- ඔස්ට්‍රියාවේ වියානා නුවර
- ඇමරිකා එක්සත් ජනපදය
- ජෝන් මේනාඞ් කේන්ස්
- චීනය
- 2011 අංක 42 දරන මුදල් ව්‍යාපාර පනත යටතේ
- සුරැකුම්පත් නිකුත් කිරීමෙන් අනතුරුව අපේක්ෂිත මුළු වටිනාකම ලැබෙන තුරු වෙන්දේසිය විවෘතව තැබීම . වෙන්දේසි ක‍්‍රමයේ දී මෙන් ටෙන්ඩර් භාර ගැනීමේ අවසන් දිනය හා වේලාව නියම කර නැත.
- පුද්ගල ආදායම හා පොලී අනුපාතය
- ස්වීඩනයේ රික්ස් බැංකුව
- ශ්රී ලංකා ආයෝජන මණ්ඩලය
- උතුරු පළාත
- ඉන්දියාව
- වාණිජ බැංකුවලට ජංගම ගිණූම් පවත්වා ගෙන යෑමේ අයිතිය හිමි වීම.
- මාස 06කට වරක්
- මහජනයා සහ බැංකු සතු මුදල් (කාසි හා නෝට්ටු +බැංකු විසින් මහ බැකුවේ පවත්වාගෙන යන සංචිත)
- ද්වික සම්පාතයක් තිබිය යුතු ය.සමහර භාණ්ඩ නෂ්‍යවන සුළු බව, විශාල ගනුදෙනු සිදු කිරීමේ දී ඒවායේ ප‍්‍රමාණ තිරණය කිරීම, අපහසුව, ගෙනයෑමේ අපහසුව
- පිරිවැයෙන් තල්ලූවන උද්ධමනයක් ලෙස
- අනුලෝම සම්බන්ධයක්
- එම භාණ්ඩ මිල ඉහළ යෑම
- ජනලේඛන හා සංඛ්‍යාලේඛන දෙපාර්තමේන්තුව
- ප‍්‍රමාණික ලාභය යනු ලාභය ශූන්‍ය වන අවස්ථාවයි. නමුත් ආවස්ථික පිරිවැය ආවරණය වන බැවින් නිෂ්පාදකයාට තවදුරටත් වෙළෙදපොළේ රැදී සිටිය හැකි ය.
- එම භාණ්ඩ දෙක ආදේශක භාණ්ඩ වේ.
