කාබනික ගොවිතැන්කරණය

කාබනික ගොවිතැන්කරණය

අද ශ්‍රී ලංකාවේ විශාල වශයෙන් කථා කරන මාතෘකාවක් ලෙස කාබනික ගොවිතැන සැලකිය හැකිය. එම නිසා මේ පිළිබඳව වැඩිදුර අධ්‍යයනය කරමින් මේ පිළිබඳව උනන්දුවක් දක්වන පිරිස දැනුවත් කිරීම මෙම ලිපියෙහි අරමුණ වේ.

කාබනික ගොවිතැන්කරණයෙහි අරමුණ

“ගොවිතැන්කරණයේ දී, සැකසීමේ දී, බෙදා හැරීමේ දී හෝ පරිභෝජනයේ දී කාබනික කෘෂිකර්මාන්තයේ ක්‍රියාව වන්නේ පසෙහි සිටිනා කුඩාම ජීවියාගේ සිට මනුෂ්‍යයා දක්වා ජෛව පද්ධති හා ජීවීන්ගේ සෞඛ්‍ය වැඩි දියුණු කිරීමයි”

කාබනික ගොවිතැන්කරණය යනු කුමක්ද?

කෘෂිකර්මාන්තයේ එක් ආකාරයක් වන අතර එහිදී,

•  කෘතීම පොහොර හා පලිබෝධනාශක,
• ශාක වැඩීම් පාලක,
• පශු සම්පත් පෝෂණ ආකලන හා
• ජානමය වශයෙන් නවීකරණය කරන ලද පටක භාවිතා නොකරයි.

කාබනික වගාකරුවන් විසින් පාංශු නිෂ්පාදිතය පවත්වා ගැනීමට හා පලිබෝධකයන් පාලනය කිරීම සඳහා හැකිතාක් දුරට

• වගා භ්‍රමණය,
• හරිත පොහොර,
• කොම්පෝස්ට්,
• ජීව විද්‍යාත්මක පලිබෝධ පාලනය හා
• යාන්ත්‍රික වගා කිරීම භාවිතා කරයි. 

කාබනික නිෂ්පාදන සඳහා වූ වෙළඳ පොළ

• 1990 සිට කාබනික නිෂ්පාදන සඳහා වූ වෙළඳ පොළ සීඝ්‍ර වේගයකින් වර්ධනය වී ඇති අතර එය වාර්ෂිකව 20- 25% ට පමණ වේ.
• තවද මෙමඟින් කාබනික වශයෙන් කළමණාකරණය වන ගොවිතැන් පළවල මේ හා සමානව දියුණු වීමක් ඇති කර ඇත.
• ලොව පුරා දළ වශයෙන් වර්ග කිලෝ මීටර 306000 පමණ (හෙක්ටයාර මිලියන 30.6) කාබනිකව වගා කරනු ලැබේ.
• මීට අමතරව 2005 දී කාබනික කැලෑ නිෂ්පාදන දළ වශයෙන් හෙක්ටයාර මිලියන 62ක පමණ වගා කොට තිබුණි. (IFOAM 2007:10)

ප්‍රධාන පෝෂණ පදාර්ථ

මෙම පොහොර මගින් ශාකවලට අවශ්‍ය ප්‍රධාන පෝෂණ පදාර්ථ තුනක් ලබාදේ. එනම්,

• නයිට්‍රජන්
• පොස්පරස්, 
• පොටෑසියම් 

එසේම දෙවන වශයෙන් වැදගත් වන

• කැල්සියම්,
• මැග්නීසියම්, 
• ගෙන්දගම් 

අංශුමය පෝෂණ පදාර්ථ ලෙස

• බොරෙන්,
• ක්ලෝරීන්,
• මැග්නීසියම් ,
• යකඩ ,
• සින්ක් (තුත්තනාගම්)
• තඹ,
• මොලිබිඩෙනියම් ද ලබා දේ.