ප්‍රස්ථාපිරුළු
- පරංගියා කෝට්ටේ ගියා වාගෙයි - පහසු මඟක් තිබියදී එය අපහසුවෙන් කිරීම.
- හැදෙන ගහ දෙපැත්තෙන් දැනේ - යම් කෙනෙකු හොද කෙනෙකු නරක කෙනෙකු වේද කියා කළ ගතිගුණ වලින් දැනගන්න පුළුවන්.
- හොරාගෙ අම්මගෙන් පේන ඇසුවා වාගේ - වැරදි වසන් කරන අයගෙන්ම වැරැද්දක් ගැන ඇසුවා වාගේ.
- වක්කඩේ හකුරු හැංගුවා වාගෙයි - ආරක්ෂාවට තැබූ දෙයක් විනාශ වීම.
- කටුස්සාගේ කරේ රත්තරං බැන්දා වාගෙයි - ළගඳි යම්කිසි වස්තුවක් ලැබී ඉතා අඩම්බර වීම.
- ගහේ කටු උල්කරන්න ඔනේ නෑ - ළමයින්ට දෙමාපියන්ගේ නරක ගති ඉබේ පුරුදු වේ.
- ආඩි හත්දෙනාගේ කැඳ හැලිය වගේ - යම් දෙයකට සම්බන්ධ වී ඇති සියළු දෙනාම කපටි ලෝබ අය නිසා ඒ දෙය හරි හැටි සිදු නොවීම.
- පිස්සිගේ පලා මල්ල වගේ - යමක් ඉතා අවුල් සහගත ලෙස තිබිම.
- පනින රිලවුන්ට ඉනිමං තැබුවා වාගේ - වැරදි කරන අයට වැරදි කිරීමට පහසුවන ලෙස කටයුතු කිරීම.
- අඟේ ඉඳන් කන කනවා වාගෙයි - මිතුරෙකු වාගේ ළඟින් ඉඳන් හතුරුකම් කිරීම.
- ගොනයි මීමයි වගෙයි - යම්කිසි දේවල් දෙකක් හෝ දෙදෙනෙකු කිසිසේත් නොගැළපෙන බව.
- අශ්වයාට අං ආවා වගෙයි - නුසුදුසු කෙනෙකුට යම් බලයක් ලැබුන විට ඔහු එයින් ආඩම්බර වී අනුන්ට කරදර කිරීමට බලයි.
- රයිගමයයි ගම්පලයයි වගේ - නූගත් දෙදෙනෙකුගේ දැඩි මිතුරු බව.
- බැද්දට පායපු හඳ වගෙයි - වටිනා දෙයකින් කිසිවෙකුට ප්‍රෙයෝජනයක් නැති වීම.
- කලුවා මාරපන් ගියා වගෙයි - අවබෝධයකින් තොරව වැඩ කිරීම.
- බල්ලන්ට ලෙලි පොල් දුන්න වගෙ - නොගැලපෙන අයෙකුට යමක් දීම.
- අටුව කඩා පුටුව හැදුවා වගෙ - වඩා වටිනා දෙයක් විනාශ කර ඊට අඩු දෙයක් කිරිම.
- කිරි කළයටගොම මුසු කලා වගෙයි - යහපත් වැඩ ගොඩක් කර අවසානයේ අයහපත් වැඩක් කිරීම.
- මිටි තැනින් වතුර බහිනවා වගේ - යම් වැරැද්දක් වූ විට එය අහිංසකයින් පිටින් යැවීම.
- එළිපත්ත උඩ ඉන්න බල්ලා වාගේ - තීරණයක් නොගෙන සිටීම.
- ඉස්සර ආ කනට වඩා පස්සෙ ආව අණ ලොකුයි - පළමුව හිතවත්ව සිටි අය ඉවත් කර පසුව හිතවත් වූ අය ඇසුරු කිරීම.
- ලැජ්ජා නැතිකම මහමුදළිකමට වඩා ලොකුයි - තමාගේ තත්ත්වයට නොගැලපෙන වැඩ කිරීම.
- වදින්න ගිය දේවාලේ ඉහේ කඩා වැටුනා වගෙයි - යහපත් වැඩක් කිරීමට ගොස් කරදරයක වැටීම.
- හිසේ ඇම්මට කොට්ටය මාරු කළා වගෙයි - ගැටළුවකට සුදුසු විසදුමක් නොදී වෙන දේවල් කිරීම.
- ගඟට ඉනි කැපුවා වාගෙයි - වෙහෙස වී කළ වැඩෙන් ප්‍රතිඵලයක් නොමැති වීම.
- වංසෙ කබල් ගෑම - කිසි හැකියාවක් නැති අයෙකු පරම්පරාව ගැන ආඩම්බර වීම.
- ඉබ්බා දියට දැම්මා වාගෙයි - තමාට උවමනා ලෙස කටයුතු කිරීමට අවස්ථාව ලැබීම.
- කැකිල්ලේ රජ්ජුරුවන්ගෙ නඩු තීන්දුව වගෙ - වැරදි විනිශ්චය නිසා අහිංසකයින් දඩුවම් ලැබීම.
- ගහෙන් වැටුණු මිනිහට ගොනා ඇන්නා වාගේ - කරදරයක් වී සිටින විට තවත් කරදරයක් වීම.
- හතර බීරි කතාව වගෙයි - යම් දෙයක් ගැන සම්බන්ධ අය විවිධ අදහස් ප්‍රකාශ කිරීම.
- ආච්චි මළ දා වගෙයි - ප්‍රීතිමත් දවසක්.
- ඇතා ගිලපු දිවුල් ගෙඩිය වගෙයි - බාහිර ඔපේ ඇතත් ඇතුලත හිස්ය.
- ඇවිලෙන ගින්නට පිදුරු දැම්මා වාගෙයි - අවුලක් ඇති වූ විට එය තවත් අවුල් කිරීම.
- ඉබ්බාගෙන් පිහාටු ඉල්ලන්නා වගෙයි - නැති දෙයක් ඉල්ලීම.
- උරුලෑවා ගිය පාර වගෙයි - අසත්පුරුෂයින්ගේ වැඩ අප්‍රසන්න බව.
- එක ගලකින් කුරුල්ලො දෙන්නෙක් දඩයම් කලා වගෙයි - එක් උත්සහයකින් අරමුණු දෙකක් ඉටු කර ගැනීම.
- එපා වාහෙට හොදි බෙදන්නා වාගෙ - නොසැලකිළාමත් ලෙස කරන සංග්‍රහය.
- කකුළුවා පුතාට කෙලින් යන්න කීවා වගෙයි - තමා වැරදි කරමින් අනුන්ට අවවාද කිරීම.
- වැඳි බණ වගෙයි - වැරදි කරන්නන් අන් අයට අවවාද දීම.
- ඉත්තෑවගෙ ගෙට කබල්ලෑවා රිංගුවා වගෙයි - කපටි කමින් අනුන්ගෙ දේවල් අයිති කර ගැනීම.
