සාමාන්‍ය පෙළ පහසුවෙන් ගොඩදාගමු.
සා/පෙළ ලියන නංගිලා, මල්ලිලාට ගොඩක් වැදගත් වෙයි..
සා/පෙළ ට කොහොමද කලින් ඉඳන්ම කාල කළමනාකරණය කරගෙනම වැඩ ටික කරගන්නේ කියලා , මගේ සා/පෙළ අත්දැකීම්වලින් ම කියලා දෙන්නම් කෝ.....
ඔයා 10 වසරට ගිය පළවෙනි දවසෙම , "මං o/l කොහොමහරි හොඳ ප්‍රතිඵලයක් අරගෙන ගොඩදාගන්නවා " කියන අරමුණ හිතට ගන්න.අවුරුදු දෙකයි o/l වෙනුවෙන් මහන්සි වෙන්න තියෙන්නේ.
වෙන වෙන බාහිර ,වැඩකට නැති හැම දේම අතඇරලා පිරිසිඳු සිතින් මුල් දවසේ ඉඳන් ම වැඩේට බහින්න.
සා/පෙළ '' මහා දරුණු විභාගයක් ,අනේ මට බෑ," කියන දේවල් නම් හිතට ගන්නවත් එපා.
හැමදාම හිතන්න "ඔව් මට පුලුවන්,මං කොහොමහරි විභාගේ හොඳට පාස්වෙනවා"
පොඩ්ඩක් හිතන්න...
ඔයාට හොඳට උගන්නලා,ඔයාව හොඳ තැනකට ගන්න ඔයාගේ අම්මයි තාත්තයි කොච්චර මහන්සි වෙනවද ? ඉතිං ඔයාලා එයාලගේ මහන්සිය අපතේ හැරියොත් පව් නේද...
ඔයාගේ හිතට පොඩි හරි negative සිතිවිල්ලක් ආපු ගමන් ම අම්මා,තාත්තා ගැන හිතලා හරි ටක් ගාලා ඔයාගේ මනස වෙනස් කර ගන්න බලන්න.හරිද ?
ම්ම්....මේ o/l කියලා මහා ලොකුවට මහන්සි වෙන්න දෙයක් නෑ.
- එදාට දෙන වැඩ එදාටම කරලා ඉවර කරන්න.
ඉස්කෝලේ h/w දුන්නා නම් ඒවා period එකක් හම්බුන වෙලාවක ටක් ගාලා කරලා දාන්න.එතකොට ගෙදර ඇවිල්ලා ඒ hw එක කරන්න තියෙන වෙලාවේ පාඩක් කරගන්න පුලුවන් නෙ.
තව... අමතර පංති කියලා මහා ගොඩකට යන්නත් එපා.රැල්ලට යන්නත් එපා.
ඉස්කෝලෙන් ටිකක් කෙරෙනවා මදිවගේ දැනෙන විශයන්වලට විතරක් clz ගියාම හොඳටම ඇති.සතියේ දවස් හතේම පංති යන්න ගත්තොත් ඔයාට ඉගෙනීම විතරක් නෙමී ජීවිතෙත් එපා වෙයි ; D
ඉතිං පුලුවන් තරම් සැහැල්ලුවෙන් මේ විභාගේ ගොඩදාගන්න එක තමා අපි කරන්න ඕනි.
- මොන වැඩේ කරන්නත් මනස නිදහස් ව තියෙන්න එපැයි.ඉතින්.....
ඉස්කෝලේ යන දවස්වල නම්, පන්ති මුකුත් එදාට නැත්තම් , වැඩ ගොඩා....ක් නැත්තම් හවස්වරුවේ පොඩි නින්දක් දාන්න.පොඩි කිව්වේ පැයක වගේ.(මං නම් ඉතිං වැඩ තිබ්බත් නැතත් ඒ කාලේ අන්න ඒ වගේ නින්දක් දැම්මා)එතකොට සැහැල්ලු මනසකින් ඔයාට පාඩම් වැඩ ටික කරගන්න පුලුවන් අනිවා.
- මං නම් කියන්නේ සතියට ම හරියන්න එක ම කාලසටහනක් තියාගන්න එක බොරු වැඩක්.
මගේ අත්දැකීම්වලට අනුව නම්, කාල කළමනාකරණය කියන්නේ දිනපතා කරන්න ඕනි දෙයක්..මං නම් ඒ කාලේ රෑට නිදාගන්න කලින් පහුවදාට කරන්න තියෙන වැඩවලට අනුව එදාට එදාට කාලසටහන් හදපු කෙනෙක්.ඇත්තට ම ඒ වැඩේ හරිම කාර්යක්ෂම යි.
තව....
- පාඩම් කරන ගමන් ම කෙටි සටහන් හදාගෙන තියාගන්න එකත් විභාගෙට ඔන්න මෙන්න තියෙද්දි ටක් ගාලා බලාගන්න ලොකු උදව්වක් වෙයි.
අවශ්‍ය තැන්වලදී highlight වෙලා පේන්න ඕන කරුණක් තියෙනවනම් ඒවා පැහැදිලිව පාට පෑන් පාවිච්චි කරලා ලියන්න.
සංකීර්ණ පාඩම් කොටස් තියෙනවනම් දළ රූප සටහන් ඇඳ,ඇඳ පාඩම් කරන්න.
තව, අමාරු සූත්‍ර වගේ දේවල් තියෙනවනම් ලොකුවට ලියලා ඔයා පාඩම් කරන මේසේ ගාව බිත්තියේ අලවගන්න.
ගොඩක් වෙලාවට අපි පාඩම් කරන කාමරේම නේ අපේ නිදන ඇඳත් තියෙන්නේ.නිදාගන්න කලින් හැමදාම අර අපි බිත්තියේ ගහපු කෙටි සටහන් ටික කියවලා නිදාගත්තා නම් තවත් හොඳයි.
තමන්ට සුදුසු පාඩම් කරන වෙලාවක් තෝර ගන්න එකත් කරන්න ම ඕනි දෙයක්..
මං නම් පාඩම් කරේ රෑට.සමහර අය පාඩම් කරන්නේ උදේ පාන්දර ම නැගිටලා.
ඒක ඉතිං ඔයාගේ කැමැත්ත අනුව තමා.
ඔය තියරි පාඩම් එහෙම දිගට පාඩම් කරනකොට නිදිමතක් එනවා නේද.ඒක සාමාන්‍ය දෙයක්.
අන්න ඒ වෙලාවට ,
- ගානක් දෙකක් හදන්න.
- නැත්තම් සිංදුවක් දෙකක් අහන්න.
- ගෙදර කාත් එක්ක හරි පොඩි chat එකක් දාන එක
වගේ ඒකාකාරීබවෙන් මිදෙන්න පුලුවන් ගොඩක් ක්‍රම තියෙනවා.
විභාගේ,විභාගේ කියලා හැමතිස්සෙම පොතේම ඉන්නත් එපා.
කොයි දේත් ඕනවට වඩා හොඳ නෑ නේ.සෙල්ලම් කරන්න , ටීවි එක චුට්ටක් බලන්න , සිංදුවක් දාගෙන නැටුවත් කමක් නෑ. : D
කොහොමහරි පුලුවන් තරම් නිදහස් මනසකින් යුක්තව මේ විභාගේ ගොඩදාගන්න එකයි කරන්න ඕනි.
Phone එකත් පාලනයකින් යුතුව පාවිච්චි කරන්න ඕනි.
මං කියන් නෑ,phone එක පවිච්චි කරන්න එපා ම කියලා.දියුණු වෙන තාක්ෂණයත් එක්කම අපිත් හොඳ විදිහට ඉස්සරහට යන්න එපැයි.
දවසකට පොඩි වෙලාවක් වෙන් කරගන්න ඕනි නම්, phone එක use කරන්නත් .වැදගත් දේකට හැබැයි.
ඉස්කෝලේ බාහිර වැඩත් කරන්න ඕනි හොඳේ,ඉගෙනගන්න එක විතරක් ම කරලා සමාජෙට යන්න බෑ අපිට.
ක්‍රීඩාවක් දෙකක් කරලා හොඳ fit එකේ ඉන්න ඕනි අපි.තව නැටුම්,ගැයුම් තරඟ වලටත් ඉදිරිපත් වෙලා ඒවයිනුත් ජයග්‍රහණය කරන්න ඕනි.අන්න එතකොටයි අපිට allrounder කෙනෙක් වෙන්න පුලුවන් වෙන්නේ.
ඔන්න මං මගේ අත් දැකීම්වලින් ඔයාලට සා/පෙළත් එක්කම ජීවිතෙත් ටිකක් ගොඩදාගන්න හැටි කිව්වා.මේ දේවල් අනුගමනය කරපු නිසා මටත් ඉහළ ප්‍රතිඵලයක් ගන්න පුලුවන් උනා.ඒකයි මෙහෙම බය නැතිව අනිත් අයටත් මං පාඩම් කරපු විදිහ ගැන කියන්නේ.
O/l හරි ලේසියි,සැහැල්ලු මනසකින් ඉගෙනීම් කටයුතු කරනවනම්.
අදහස්/උපදෙස් : නෙත්මි හසාරා
සම්බන්ධ කරගැනීමට :-
