සාමාන්‍ය පෙළ විභාගයට සූදානම් වීම.

සාමාන්‍ය පෙළ විභාගයට සූදානම් වීම.

විභාගයකට සූදානම් වීමක් කිව්වාම අපේ හුගාක් ළමුන් කරන්නේ රැට නිදා ගන්නනේත් නැතුව පාඩම් කරන එකයි. එසේ කරපු සමහර ළමුන් විභාග දිනයේදී අසනීප වී රෝහල් ගත කළ සිද්ධීන් ඔබ අසා ඇති. එවැනි අවස්ථාවලදී සිසුන් මෙන්ම ඔවුන්ගේ දෙමාපියන්ද ඉතා අපහසුතාවයකට පත්වනවා නොඅනුමානයි. එලෙස පාඩම් කිරීමෙන් සිදුවන්නේ ඔබගේ සෞඛ්‍ය තත්ත්වය පිරිහීමයි. විභාගයකට සූදානම් වීමේදී ඔබේ යහපත් සෞඛ්‍ය තත්ත්වය එය ජය ගැනීමට බොහෝ සේ උපකාරී වේ. සාමාන්‍ය පෙළ විභාගයට සූදානම් වන ළමයෙක් අවසන් මාස හයේ තමාගේ සටහන් නැවත කියවීම සහ අලුත් පාඩම් අධ්‍යයනය කිරීම සහ නිසි ලෙස තම කාර්යයන් කළමණාකරනය කරගන්නේ නම් සාමාන්‍ය පෙළ විභාගය ජය ගැනීම අපහසු කාර්යයක් වෙන්නේ නෑ.

 තම කාර්යයන් කළමණාකරනය කරගැනීම පහසු කාර්යයක් වන නමුත් ඒ සදහා සුලු සුලු කැපකිරීම් සිදු කරන්නට ඔබට සිදුවේවි. ක්‍රීඩා කරන කාලය අඩු කිරීම, අනවශ්‍ය ගමන් බිමන් වලින් වැළකී සිටීම සහ රූපවාහිනිය නැරඹීම විනාඩි 30 කට පමණක් සීමා කිරීම මේ අතර ප්‍රධාන කාරණා වේ. රූපවාහිනිය විනාඩි 30 කට සීමා කිරීම යනු එම කාලය ප්‍රවෘත්ති නැරඹීම සදහා පමණක් යොදා ගැනීමට ඔබ වගබලාගත යුතුයි.

මෙම කාලය තුළදී ඔබට අවශ්‍ය වන පාඩම් වල සටහන් එක් රැස්කර ගැනීමද කරගත යුතු වේ. අදාළ සටහන් පිළිවෙලට තබාගැනීම සහ එම සටහන් අවශ්‍ය වේලාවට ඉක්මනින් ලබා ගැනීමට හැකිවන අයුරින් තබාගත යුතුය. ඔබට කිසියම් පාඩමක සටහන් නොමැතිනම් අදාළ සටහන්වල පිටපත් ඔබේ මිතුරෙකුගෙන් හෝ අදාළ ගුරැවරයාට දැනුම් දී හෝ ලබා ගැනීමට ලැජ්ජා නොවන්න. විභාගයට සූදානම් වීම යනු විශාල ක්‍රියාවලියක් නොවේ. එය සුලුවෙන් පටන්ගත හැකි ක්‍රියාවලියකි. එම ක්‍රියාවලිය ඔබේ මෙන්ම සමාජයේ යහපතටද දායක වනු නොඅනුමානයි. මෙම කාරණා සුලුවශයෙන් හෝ පිළිපැදීමට අද ඔබ සිතා ගන්නේ නම් එය අද දිනයේ අප ලබන විශාල ජයග්‍රහනයක් වේවි.

#Preparation for O / L Examination


කතෘ : ගයාන් සංජය
ලිපිය : අවවාද
කියවූ ගණන : 2,812
කැමති ගණන : 2