අ.පො.ස සා.පෙළ 2015 විභාග අත්වැල - ප්‍රශ්න මාලාව 05

21. පරිගණකයේ පරිනාමය සමග අඩුවනුයේ,

1. වේගය (Speed)                                                                     
2. මතක ධාරිතාවය (Memory Capacity)
3. ප්‍රමාණය (Size)                                                                     
4. නිවැරදි බව (Accuracy)

පිළිතුරු : 3
මුල් කාලයේ පරිගණක ප්‍රමාණයෙන් විශාල වූ අතර අඩු මතක ධාරිතාවයක්, වේගයක් සහ කාර්‍යක්ෂමතාවයකින් යුක්ත විය. නමුත් තාක්ෂණයේ දියුණුවත් සමග රික්තක නල වලින් පසු ට්‍රාන්සිස්ටර ද ට්‍රාන්සිස්ටර වලින් පසු අනුකලිත පරිපථ ද එන් පසු ක්ෂුද්‍ර සකසන ද පැමිණීමත් සමග පරිගණක වල ප්‍රමාණය ඉතාමත්ම කුඩා වූ අතර ඒවා සාක්කුවේ දමාගෙන යා හැකි ආකාරයට පත්විය. එම නිසා පරිගණකයේ පරිනාමය සමග අඩු වනුයේ එහි ප්‍රමාණයයි.    

22. ලැප්ටොප් පරිගණකය (Laptop Computer) අයත් වනුයේ කවර පරිගණක වර්ගයටද,

1. මධ්‍ය පරිගණකය (Mini Computer)                                        
2. මහා පරිගණකය (Mainframe Computer)
3. ක්ෂුද්‍ර පරිගණකය (Micro Computer)                                      
4. සුපිරි පරිගණකය (Super Computer)

පිළිතුරු : 3
ප්‍රමාණය අනුව පරිගනක වර්ගීකරණය කල හැක්කේ සුපිරි පරිගණක (Super Computer), මහා පරිගණක (Mainframe Computer), මධ්‍ය පරිගණක (Mini Computer) සහ ක්ෂුද්‍ර පරිගණක (micro Computer) ලෙසටයි. වර්ථමානයේ භාවිතා කරනු ලබන පුද්ගල පරිගණක (Personal Computer), උකුළු පරිගණක (Laptop Computer), අත්ල පරිගණක (palmtop Computer), වැඩ නිකේතන පරිගණක (Workstations), ක්ෂුද්‍ර පරිගණක යටතට ගැනේ. 

23. පහත සඳහන් ප්‍රකාශ සලකා බලන්න,

a. Analytical Engine චාල්ස් බැබේජ්ගේ නිපැයුමකි.
b. Analytical Engine විශේෂත්වය වනුයේ එහි දත්ත ගබඩා කිරීමට ඇති හැකියාවයි.
c. Analytical Engine ට්‍රාන්සිස්ටර භාවිතා කර තැනූ මුල්ම පරිගණකයයි.

ඉහත ප්‍රකාශ වලින් සත්‍ය වනුයේ,

1. a පමනි                     
2. a හා b පමනි                         
3. b හා c පමනි             
4. a, b, c පමනි

පිළිතුරු : 2
ලොව පළමු යාන්ත්‍රික පරිගණකය ලෙස සැලකෙන්නේ 1822 දී චාල්ස් බැබේජ් විසින් නිර්මානය කල "ඩිෆරන්ස් එන්ජිම (Difference Engine) " ය. චාල්ස් බැබේජ් විසින් 1833 දී පමණ නිර්මාණය කල ඇනලිටිකල් යන්ත්‍රය ( Analytical Engine ) සඳහා මුලිකම අඩිතාලම වුනේ සිදුරු පත් හෙවත් Punch Cards ය. මෙම ඇනලිටිකල් යන්ත්‍රයේ විශේෂ ලක්ෂණයක් වන්නේ එහි දත්ත ආදානය, තැන්පත් කිරීම , සකස් කිරීම සහ ප්‍රතිදානය සඳහා අවශ්‍යය කරන උපාංග ඒ තුලම නිර්මාණය වී තිබීමයි.පසුව නිර්මාණය වුනු පරිගණක සඳහා මෙම සංකල්පය ඉවහල් වූ නිසා චාල්ස් බැබේජ් පරිගණකයේ පියා නමින් සැලකේ.

24. පරිගණක ඇසුරෙහි කෙටිකාලීන වශයෙන් වැරදි හෝ යෝග්‍ය නොවන ඉරියව්වෙන් සිටීමේ ප%ථිඵලය විය නොහැක්කේ,           

1. ඔක්කාරය                 
2. කොන්දේ වේදනාව               
3. මානසික ආතතිය       
4. දෘශ්ඨි ගැටළුයි.    

පිළිතුරු : 1
එකම කාර්යයේ බොහෝ වේලා ගත කිරීම නිසා ශරීරයේ ඇති වන වේදනාකාරී තත්තවයන් පුනරාවර්තී ආතති පීඩා (RSI) ලෙස හඳුන්වයි. පරිගණක භාවිතයේ දී වැඩිපුරම දක්නට ලැබෙනුයේ,
අත්ලේ සහ මැණික් කටුවේ ඇතිවන වේදනාකාරී තත්ත්වය, කොන්දේ වේදනාව සහ බෙල්ලේ වේදනාව, ඇස් ආශ්‍රිතව ඇතිවන ගැටළු සහගත තත්ත්වයන් වේ.  එමන්ම මානසික ආතතිය ද පරිගණක දීර්ඝ කාලීනව භාවිතය නිසා ඇතිවිය හැකි තවත් රෝගී තත්ත්වයකි.

25. පහත දැක්වෙන ඒවායින් අමු දත්ත (Row data) ලෙස සැලකෙන්නේ,

1. සේවකයින්ගේ ශුද්ධ වැටුප (Net Salary)                                              
2. සේවකයින්ගේ නම (Employee Name)
3. විකුණූ භාණ්ඩ වල පිරිවැය (Cost)                                           
4. ආයතනයේ ශුද්ධ ලාභය (Net Profit)

පිළිතුරු : 2
ශුද්ධ වැටුප (Net Salary ) යනු පුද්ගලයෙකු හට මාසිකව අතට ලැබෙන සැබෑ මුදලයි. අනෙකුත් දීමනා එකතු වී, අඩුවිය යුතු මුදල් අඩුවී අවසානයේ දී වැටුප් පතෙහි (Pay slip) බැංකුවට යැවෙන හෝ අතට ලැබෙනුයේ ශුද්ධ වැටුපයි. මෙය සැකසීමේ ක්‍රියාවලියකින් පසුව ලැබෙන තොරතුරකි. විකිණූ භාණ්ඩ වල පිරිවැය (Cost) ලෙස හඳුන්වනුයේ භාණ්ඩ ගත් මිලෙන් විකිණූ මිල අඩු කර ලැබෙන මුදල් ප්‍රමාණයයි. මෙය ද යම්කිසි සකස් කිරීමකින් පසුව ලැබෙන තොරතුරකි. ආයතනයක ශුද්ධ ලාභය (Net Profit) සාමාන්‍යයෙන් සොයනු ලබනුයේ මාසිකව හෝ වාර්ෂිකවයි. මෙසේ සිදුකරනු ලබන්නේ දීර්ඝ කාලීනව සිදු කරනු ලබන අධ්‍යයනයකින් පසුවයි. එනම් එය ද තොරතුරකි. නමුත්සේවකයින්ගේ නම් යනු සැකසීමකට ලක් නොකල දත්ත සමූහයකි.      


තවත් කොටසක් බලාපොරොත්තුවන්න.