උසස්පෙළ තොරතුරු හා සන්නිවේදන තාක්ෂණය

අ.පො.ස සා.පෙළ 2015 විභාග අත්වැල - ප්‍රශ්න මාලාව 19

01. ඉගෙනුම් සඳහා පෞද්ගලික පරිගණකයක් (Personal Computer) භාවිතා කිරීමේ වාසි මොනවාද?

  • අවශ්‍ය වේලාවට අවශ්‍ය ස්ථානයක සිට පරිගණකය ආශ්‍රයෙන් ඉගෙන ගත හැකිය.
  • පාසලේ දී උගන්වනු ලබන විෂය කරුණු වලට අමතරව වැඩි දුර කරුණු අන්තර්ජාලය මගින් සොයාගත හැකිය.
  • අධ්‍යාපනික සංයුක්ත තැටි භාවිතය මගින් ඉතාමත්ම සරලව සහ ප්‍රායෝගිකව ඉගෙනගත හැකි වීම. (උදා: කැන්ඩෙලා - Candela )
  • අධ්‍යාපනික වෙබ් අඩවි සහ ඉගෙනුම් කළමනාකරණ පද්ධති මගින් පාසලේ දී ඉගෙන ගන්නා විෂයයන්ට අදාලව පුණරීක්ෂණ සහ ප්‍රශ්න ආදිය කිරීමේ හැකියාව ඇත. www.ethaksalawa.lk
  • මාර්ග ගත පරීක්ෂණ (Online Test) වලට මුහුණ දීමේ හැකියාව ඇති අතර වැරදි නිවැරදි කිරීම් සහ ලකුණු ලබාදීම් එම වේලාවේ දී ම සිදුවේ. කාලය ඉතුරු වේ.
  • බහුමාධ්‍ය තාක්ෂණයෙන්(Multimedia Technology) සැකසූ පාඩම් වලට පිවිසීමේ හැකියාව ලැබේ.

 

02. සාම්ප්‍රධායික තැපෑලට වඩා විද්‍යුත් තැපෑලේ (E Mail) වාසි මොනවාද?

  • සාම්ප්‍රධායික තැපැල් ක්‍රමයට වඩා වේගවත් වීම . සාමාන්‍යයෙන් සාම්ප්‍රධායික තැපෑලෙන් ලිපියක් යාමට දිනයක් දෙකක් හෝ යම් කිසි කාලයක් ගතවේ. නමුත් විද්‍යුත් තැපෑල මගින් ක්ෂණිකවම ලිපිය යැවිය හැකිය.
  • මුදලක් වැය වන්නේ නැත.
  • භූගෝලීය සීමා නැති අතර ලෝකයේ ඕනෑම ස්ථානයකට යැවීමේ හැකියාව ඇත.
  • සාමාන්‍ය තැපෑලක යැවිය නොහැකි ශ්‍රව්‍ය (Audio) , දෘශ්‍ය (Video) , රූපක (Images) සහ සජීවිකරණ(Animation) ගොනු ද ඈඳා යැවිය හැකි වීම. මේවා ඈඳුතු (Attachments) ලෙස යැවිය හැකිය.
  • යවනු ලබන මූලාශ්‍ර ලේඛන තවත් අයෙකුට සංස්කරණය කිරීමේ හැකියාව ඇත. සාමාන්‍ය තැපැලේ යවනු ලබන ගොනු මේ ආකාරයට සංස්කරණය කිරීමට නොහැකිය.
  • යම් හේතුවක් නිසා ලිපිය අදාල පුද්ගලයාට යොමු කිරීමට නොහැකි වූ විට එය නැවත අප වෙතට අදාළ දෝෂය ද සමගින් ලැබීම.
  • ලිපි අස්ථාන ගත වීමක් නැත.
  • ස්වාභාවික විපත් මගින් වන හානි සහ සතුන්ගෙන් වන හානි වලට බලපෑමක් නැත.

 

03. අන්තර්ජාලයේ (Internet) අවාසි මොනවා ද?

  • මූලික වියදම් ලෙස පවතින පරිගණක යන්ත්‍ර සහ අන්තර්ජාල පැකේජයන් ට වැයවන මුදල අධිකයි.
  • ඇතැම් ග්‍රාමීය පෙදෙස් වලට අන්තර්ජාල පහසුකම ලබා ගැනීමේ දී ඇතිවන ගැටළු.
  • සමාජ ජාලා වෙබ් (Facebook )අඩවි වලට පාසල් සිසු සිසුවියන් යොමු වීම නිසා ඔවුනගේ අධ්‍යාපනය අඩාල වීම.
  • අසභ්‍ය වෙබ් අඩවි වලට වයස අවුරුදු 18 ට අඩු පුද්ගලයින් යොමු වීම වර්ථමානයේ දැකිය හැකිය. මේවා මගින් ඔවුන්ගේ මනස විකෘති වන අතර සාමාන්‍ය ජීවිතය අවුල් සහගත තත්ත්වයට පත් වේ.
  • පාසල් ලමුන් අන්තර්ජාලය මගින් ක්‍රීඩා භාගත කර (Download) ක්‍රීඩා කිරීමෙන් ඔවුනගේ අධ්‍යාපනික කටයුතු අඩාල වීම.
  • වැරදි ප්‍රකාශ සමාජ ජාලා වෙබ් අඩවි (Facebook) වල ප්‍රසිද්ධ කිරීමෙන් ඛේදජනක සිදුවීම් සිදුවීම.

 

04. තොරතුරු සන්නිවේදන තාක්ෂණය මගින් ශ්‍රී ලාංකීය ශ්‍රම බලකායෙහි කාර්‍යක්ෂමතාවය ඉහළ නැංවීමට ගත හැකි ක්‍රියාමාර්ග මොනවාද?

  • තොරතුරු සන්නිවේදන තාක්ෂණය අනිවාර්යය විෂයයක් ලෙස පාසල් වලට හඳුන්වා දීම.
  • ප්‍රාථමික පංති වලට විෂයයක් ලෙස ඉගෙන්වීම.
  • තොරතුරු සන්නිවේදන තාක්ෂණය පිළිබඳව සිංහලෙන් පොත් පත් නිකුත් කිරීමට අවස්ථාව ලබා දීම.
  • පරිගණක සහ අන්තර්ජාල පහසුකම් පහසු ගෙවීමේ ක්‍රමයට පුද්ගලයින් හට ලබා දීම.
  • පරිගණක යන්ත්‍ර පාසල් වලට ලබා දීම.
  • තොරතුරු සන්නිවේදන තාක්ෂණය විෂය ක්ෂේත්‍රයට අදාලව රැකියා අවස්ථා වැඩි කරවීම.
  • තොරතුරු තාක්ෂණික ගම්මාන හෝ කලාප රට පුරා නිර්මාණය කිරීම.
  • වාර්ෂිකව තොරතුරු තාක්ෂණික වැඩමුළු හෝ සම්මන්ත්‍රණ පැවැත්වීම.

 

05. පරිගණක ක්‍රීඩා වල ඇති අවාසි මොනවා ද?

  • පාසල් ළමුන් පරිගණක ක්‍රීඩා වලට ඇබ්බැහි වීම නිසා ඔවුනගේ අධ්‍යාපනය කඩාකප්පල් වීම.
  • මනස වෙහෙසීම.
  • පුනරාවර්ථති ආතති පීඩා (ඇස්වල අමාරුව, අත්ලේ අමාරුව සහ කොන්දේ අමාරුවා වැනි රෝගී තත්ත්වයන් ඇති වීම.
  • ඇතැම් ළමුන් පරිගණක ක්‍රීඩා වල විවිධ දර්ශණ අනුකරනය කිරීම මගින් භයානක තත්ත්වයන්ට මුහුණ දී ඇත.
  • ඇතැම් ක්‍රීඩා මගින් පාසල් සිසුන්ගේ මනස විකෘති වීම.





    තවත් කොටසක් පසුව බලාපොරොත්තු වන්න.

ලිපිය නිර්මාණය කලේ,
රසික අත්තනායක


MEMBER

අදාල තවත් ලිපි,



රසික අත්තනායක

සාමාන්‍යපෙළ තොරතුරු හා සන්නිවේදන තාක්ෂණය

අනෙකුත් ලිපි