සාමාන්‍යපෙළ තොරතුරු හා සන්නිවේදන තාක්ෂණය

බහු මාධ්‍ය තාක්ෂණය යොදා ගනිමින් සරල වෙබ් අඩවි නිර්මාණය 3 වන කොටස

බහු මාධ්‍ය තාක්ෂණය යොදා ගනිමින් සරල වෙබ් අඩවි නිර්මාණය

3 වන කොටස

මාධ්‍ය සම්පත් තොරා ගැනීම

      වෙබ් අඩවියකට ඇතුළත් කිරීම සඳහා විවිධ රූප, ශබ්ද, වීඩියෝ, සජීවීකරණය වැනි ඕනෑම වර්ගයක මාධ්‍ය සම්පත් තෝරා ගැනීමේදී සැලකිලිමත් විය යුතු කරුණු මෙමගින් අදහස් වේ.

ධාරිතාව

    වෙබ් පිටුවකට ඇතුළත් කරන මාධ්‍ය සම්පත්වල ධාරිතාව සහ එම වෙබ් පිටුව විවෘත වීමට ගතවන කාලය අතර දැඩි සම්බන්දයක් තිබේ. එවිට ඒවායේ ධාරිතාව වැඩි වූ විට වෙබ් සේවාදායකයේ සිට ග්‍රාහක පරිගණකය වෙත වැඩි දත්ත ප්‍රමාණයක් බාගත විය යුතු නිසා වෙබ් පිටුව විවෘත වීමට සාපේක්ෂව වැඩි කාලයක් ගත විය හැකිය.

   ඒ අනුව වෙබ් පිටුව පරිශීලනය කිරීම සඳහා බොහෝ වෙලාවක් රැදී සිටීමට සිදුවීමෙන් ග්‍රාහකයන් එය හැර යාමට ඉඩ ඇත. එමනිසා මාධ්‍ය වර්ගය අනුව මේ සඳහා විවිධ ක්‍රම අනුගමනය කිරීමට සිදුවෙයි.

ඒ සඳහා අනුගමනය කළ හැකි ක්‍රම කිහිපයක් පහත දැක්වේ.

ග්‍රැපිකය

- ග්‍රැපික සංකෝචන (Graphic Compression)

- ග්‍රැපික (Graphic) මෘදුකාංග වල crop / trim භාවිතයෙන් අනවශ්‍ය කොටස් ඉවත් කර පික්සල ප්‍රමාණය අඩු කිරීම

වීඩියෝ ගොනුවක

- රාමුවක ප්‍රමාණය (Frame Size) අඩු කිරීම.

- රාමු වේගය (Frame Rate) අඩු කිරීම.

- අනවශ්‍ය රාමු සහ අනවශ්‍ය ශබ්ද ඉවත් කිරීම.

- තිර විභජනය (Resolution) අඩු කිරීම.

ශ්‍රව්‍ය ගොනුවක

- බිටු වේගය  (Bit Rate) අඩු කිරීම.

- සාම්පල වේගය  (Sample Rate) අඩු කිරීම.

- නාලිකා (Channel) සංඛ්‍යාව අඩු කිරීම.

- අනවශ්‍ය ශබ්ද ඉවත් කිරීම.

හිමිකම් නීතියට අනුකූලව මාධ්‍ය සම්පත් ඇතුළත් කිරීම.

            වෙනත් අයෙකු විසින් නිර්මණය කරන ලද මාධ්‍ය සම්පත් යොදා ගන්නේ නම් නිසි අවසර ලබා ගත යුතුය. එසේ නොවුනහොත් එය සදාචාර විරෝධී ක්‍රියාවක් වන අතර නීතිමය ගැටලු වලට මුහුණ දීමටද සිදුවිය හැකිය.

        එහෙත් සාධාරණ භාවිත ප්‍රතිපත්තියට අනුව ප්‍රවෘත්ති වාර්තාකරණය, විද්‍යුත් ක්‍රියා, විවරණ ආදිය සඳහා මෙවැනි මාධ්‍ය සම්පත් අවසරයකින් තොරව භාවිතා කිරීමේ හැකියාව තිබේ.

වෙබ් පිටු නිර්මාණය

        වෙබ් පිටුවක් (Web Page) යනු අන්තර්ජාලය මගින් දර්ශනය කිරීම සඳහා සකස් කරනු ලබන ලේඛණයකි. මේ සඳහා අක්ෂර මෙන්ම ග්‍රැපික්, පින්තූර හා චලන රූප වැනි බොහෝ දේ ඇතුළත් කරනු ලබයි. මෙවැනි ලේඛනයක් නිර්මාණයකිරීම සඳහා යොදාගනු ලබන්නේ පරිගණක භාෂාවකි. මෙම පරිගණක භාෂාව HTML (Hyper Text Markup Language) යනුවෙන් හදුන්වයි. මේ සඳහා වූ ගොනු (Files) සකස් කරනු ලබන්නේ මෙම HTML ආකෘතිය (Format) භාවිතයෙනි. ඕනෑම වෙබ් පිටුවක් නිර්මාණය වී ඇත්තේ මෙම භාෂාව පදනම්කොට ගනිමින් වුවද, අන්තර්ජාලයෙන් අපට පෙන්වන්නේ එම භාෂාව භාවිතයෙන් සපයනු ලැබූ උපදෙස් අනුව ක්‍රියාත්මක වන ආකර්ශණීය විචිත්‍රවත් පිටුවකි.

            එහෙත් මෙය සකස්වී ඇති අයුරු, එනම් ඒ සඳහා ලබා දී ඇති උපදෙස් වුවද අවශ්‍ය වන්නේ නම් නිරීක්ෂණය කිරීමේ හැකියාව ඇති අතර, ඒ සඳහා පහත පරිදි ක්‍රියා කළ යුතුය.

  1. වෙබ් පිටුව ඇතුළත් කවුළුවෙහි ඉහල ඇති ප්‍රධාන මෙනු තීරුවෙහි “View” මත Click කරන්න.
  2. Source විධානය ලබා දෙන්න.
  3. එම පිටුව සැකස් වී ඇති HTML ලේඛනය දර්ශණය වෙනු ඇත.

වෙබ් පිටුවක් සකස් කිරීමටනම් HTML භාෂාව පිළිබද දැනුම අත්‍යවශ්‍ය වේ.

මෙවැනි ලේඛනයක් සැකසීමට ඇති ක්‍රමලේඛ ගණනාවක් දක්නට ඇති අතර පහසු හා සරල මෘදුකාංගය වන්නේ Notpad නම් වූ ක්‍රමලේඛය වේ.

ඊට අමතරව NetBeans, Deam Viewer හා Frount Page වැනි මෘදුකාංගද මේ සඳහා ඇති ප්‍රචලිතම ක්‍රමලේඛ තුනකි.

4  වන කොටසින් හමු වෙමු.

ඔබට ජය...!!!


ලිපිය නිර්මාණය කලේ,
M
mishan udith


MEMBER

අදාල තවත් ලිපි,



mishan udith

සාමාන්‍යපෙළ තොරතුරු හා සන්නිවේදන තාක්ෂණය

අනෙකුත් ලිපි