ICT Part 4

Monitor (මොනිටරය)

මෙය (VDU – Visual Display Unit) ලෙස ද හදුන්වනු ලැබේ. පරිගණකයට ඇතුළත් කරනු ලබන ඕනෑම දෙයක් (Video, Audio, Image, doumment, ........) දර්ශනය වීම සිදුවන්නේ මෙම උපකරණය මගිනි. මෙය පරිගණකයක අත්‍යවශ්‍ය අංගයකි. මෙය නොමැති නම් පරිගණකයකින් ක්‍රියාවක් කර ගැනීමට නොහැකිය.

මොනිටරයේ ගුණාංග

• Resolution - තිරය මත දැක්විය හැකි Pixel ගණන මෙනමින් හැදින්වේ.
• පිළිඹිබු කළ හැකි වර්ණ ගණන.
• පිටතට නිකුත් කරනු ලබන කිරණ ප්‍රමාණය.

මෙහි ප්‍රධාන වශයෙන් මොනිටර් වර්ග දෙකක් දැක්විය හැකිය. එනම්, CRT සහ LCD ලෙස.

CRT - Cathode Ray Tube

මෙය කැතොඩ කිරණ නළයක් සහ ඊට අනුබද්ධ ඉලෙක්ට්‍රොනික් කොටස් වලින් යුක්තය. රූපවාහිනියකට සමාන වුව ද ඊට වඩා Resolution ප්‍රමාණය බොහෝ සෙයින් වැඩිය. අගල් 14, 15, 17, 21 සහ ඊටත් වඩා විශාල ප්‍රමාණ වලින් මේවා මිල දී ගත හැකිය.  පරිගණකය නිර්මාණය වූ කාලයේ පටන් පැවතුනේ මෙම මොනිටර් වර්ගය. Apple , LG, Abanse , Samsung ආදී විවිධ ආයන විසින් මේවා නිහ්පාදනය කරනු ලබයි.මේවායේ ගුණාත්මක භාවයන්, මිල ගණන්, ප්‍රමාණයන් එක් එක් ආයතන අනුව වෙනස් විය හැකිය.

LCD – Liquid Crystal Display

වීදුරු/ප්ලාස්ටික් තැටි දෙකකින් යුත් තිර පිලිඹිඹු විශේෂයකි. මෙය තුළ ද්‍රව්‍යක් තිබේ. මේවා බොහෝ විට භාවිතා කරනු ලබන්නේ කුඩා උපකරණ සදහා ය. උදාහරණ වශයෙන් කැල්කියුලේටර්, ජංගම දුරකථන ආදිය දැක්විය හැකිය.  නමුත් අද වන විට මේවායින් ඉතා විශාල තිර නිර්මාණය කරනු ලැබේ. විශාල සංගීත අවස්ථාවල දී මෙවැනි විශාල තිර යොදා ගනු දක්නට ලැබේ. 

CRT වලට වඩා LCD මොනිටරවල ඇති වෙනස

1. තැම්පක් කිරීම සදහා ඉතා කුඩා ඉඩ ප්‍රමාණයක් වැය වීම.
2. බලශක්තිය අඩු වශයෙන් භාවිතා වීම.
3. රුප වල පැහැදිලි භාවය වැඩි වීම.
4. ප්‍රතිචාර දැක්වීම තරමක් ප්‍රමාදය.
5. තිර දර්ශන කෝණය සිමා සහිතය.
6. මිලෙන් ඉහළය.
7. දර්ශනය වන රුප වල විකෘතී තාවයන් ඇති නොවීම.

Speaker

ගොඩනගන ලද ප්‍රතිඵලයක් තුළ ශබ්දයක් අන්තර්ගත වේ නම් එම ප්‍රථිපලය පිටතට ලබා ගැනීම සදහා මෙම උපකරණය භාවිතා කරනු ලැබේ. වර්තමානයේ පවතින තාක්ෂණය අනුව විවිධ වෙළද නාම යටතේ විවිධ ගුණාත්මක භාවයන් යටතේ  Speaker , Sub-Woofer භාවිතයට ගනු ලැබේ. වර්තමානයේ Bluetooth තාක්ෂණයන් හරහා රැහැන් සම්බන්ධතාවයන් නොමැතිව භාවිතා කළ හැකි Speaker ද දක්නට ලැබේ. ඒවා අනෙක් Speaker වලට වඩා තරමක් මිල වැඩය.    

Projector

මෙම උපකරණය භාවිතා කරනු ලබන්නේ යම් කිසි රූපයක් හෝ video දර්ශනයක් විශාල තිරයක් හරහා දර්ශනය කරවීම සදහා ය. අප විසින් ලබා දෙනු ලබන රූපය හෝ video දර්ශනය කිරණ මගින් විශාල කර අපට අවශ්‍ය තිරය මතට ලබා දෙනු ලැබේ.

පහත දැක්වෙන ආලෝක ප්‍රභවයන් වර්ග මෙම උපකරණය නිර්මාණය සදහා යොදා ගනු ලැබේ. වර්තමාණයේ 4 , 5 ආලෝක ප්‍රභව භාවිතා කරනු ලැබේ.

1.    Incandescent lamps - සාමාන්‍ය සූත්‍රිකා පහන්

2.    Fluorescent lamps - ප්‍රතිදීප්ත පහන්

3.    Halogen lamps - හැලජන් ලාම්පු 

4.    Metal halide lamps

5.    LED

 මෙම උපකරණය තරමක් මිල අධික වූ එකකි. අතීතයේ දී ඉතා විශාල තත්වයක පැවතුනු මෙම උපකරණය  වර්තමානය වන විට පෑනක් තරම් කුඩා වූ එකක් බවට පත් වී තිබේ. කුඩා වුව ද ඒ මගින් ලබා දෙන්නා වූ දර්ශන ඉතා සුපැහැදිලි ය.

Headphone

මෙම උපකරණය   Speaker උපකරණයට සමාන වූ එකකි. නමුත් මේවායේ Speaker වල මෙන් ශබ්දයක් ලබා ගත නොහැකිය. මේවා එක් පුද්ගලයෙකුට පමණක් පැලදිය හැකි එකකි. (එක් අවස්ථාවක දී) වර්තමානයේ මේවා ද wireless තාක්ෂණය හරහා නිපදවා ඇත. ඇතැම්  Headphone වල MIC එකක් ද අන්තර්ගත කර ඇත. (වර්තමානයේ සෑම එකකම වාගේ ඇත.)