ICT Part 5
Printer (ප්‍රින්ටර්)
පරිගණකය තුළට ලබා ගනු ලබන දත්ත මුද්‍රිත පිටපතක් ආකාරයෙන් පිටතට ගැනීමට අවශ්‍ය නම් ඒ සදහා භාවිතා ලඛ හැකි උපකරණය නම් මෙම Printer (ප්‍රින්ටර්) උපකරණය යි. අතීතයේ භාවිතා වූ මුද්‍රණ උපකරණ වල හෙඩ් නැමති කොටසක ඇල්පෙනෙති තුඩු මෙන් කුඩා පින් කණනාවක් දක්නට ලැබේ. මේවා හෙඩ් වල ඇති තීන්ත වල වැදී නැවත කඩදාසිය මත වැදීමෙන් මුද්‍රණ කටයුත්ත කරනු ලබයි. මෙය යතුරු ලියනයේ ක්‍රියාවට සමාන වන අතර ඉතා ඝෝශාකාරී ශබ්දයක් ඉන් ජනිත කරයි. වර්තමානය වන විට පහත ආකාරයට මුද්‍රණ යන්ත්‍ර වර්ග කිහිපයක් දක්නට ලැබේ. එනම්,
- Dot-matrix Printer
- Inkjet Printer
- Laser Printer
- Plotter
Dot-matrix Printer
මෙම මුද්‍රණ යන්ත්‍රය යතුරු ලියනයකට සමාන වන අතර Pin ගණනාවකින් යුත් head (හෙඩ්) නැමති කොටසක් දක්නට ලැබේ. මෙම මුද්‍රණ යන්ත්‍රයේ මුද්‍රණ කටයුතු සිදුවන්නේ මෙහි ඇති pin සමූහය තීන්ත වලින් පෙගවුණු පටියක් මතට පහර වැදී පසුව එය මුද්‍රණය කරනු ලබන කඩදාසිය (paper) මතට පහර වැදීමෙනි. යම් මුද්‍රන කටයුත්තක් කිරීමට ගත වන කාලය මෙම මුද්‍රන යන්ත්‍රයේ වැඩිය. එසේම ඉතා විශාල ශබ්දයක් මෙමගින් ඇති වන අතර මුද්‍රණ කටයුතු සදහා වැයවන මුදල ඉතාමත් අඩුය. මුද්‍රණ පිටපත් බොහෝමයක් ලබා ගැනීම සදහා මෙම මුද්‍රණ යන්ත්‍රය භාවිතා කරනු ලබයි. මෙහි ඇති pin සංඛ්‍යාව වැඩි කිරිම මගින් මුද්‍රණයේ ඇති ගුණාත්මක භාවය වැඩි කර ගැනීමේ හැකියාවක් ඇත. රෝහල් වැනි ස්ථාන වල මෙම මුද්‍රණ යන්ද්‍ර බොහෝ විට භාවිතා කරනු ලබන අතර මෙමගින් ඇති වන අධික ශබ්දය රෝහලක රෝගීන්ට අහිත කර තත්වයක් විය හැකිය.
Inkjet Printer
Dot-matrix Printer තුළ භාවිතා වූයේ head (හෙඩ්) නැමති කොටසකි. නමුත් මෙහි දී Nozzle නමින් හදුන්වනු ලබන කුඩා තුඩු විශේෂයකින් තීන්ත විදීම සිදු කරනු ලබයි. මෙහිදී යොදා ගනු ලබන තීන්ත රත් කිරීමකට භාජනය කරනු ලබයි. පසුව එයින් ඇති වන බුබුළු ප්‍රසාරණය වීමත් සමග ඉතා කුඩා තීන්ත අංශු කඩදාසිය මත පතිත වීමෙන් මුද්‍රණ ක්‍රියාව සිදුවේ. Dot-matrix Printer හා සසදන විට මෙමගින් ලබා ගන්නා මුද්‍රණ වල ගුණාත්මක භාවය ඉතා උසස් ය. එසේම ඉතා විශාල ශබ්දයක් නිකුත් නොකරන අතර ඉතා අඩු ශබ්දයක් නිකුත් වේ. සාමාන්‍ය මුද්‍රණ යන්ත්‍රයක Nozzle හැට හතරක් පමණ දක්නට ලැබේ.
Laser Printer
මෙම මුද්‍රණ යන්ත්‍රයේ දීඅනෙක් මුද්‍රණ යන්ත්‍ර සියල්ලටම වඩා වෙනස් ක්‍රමයක් භාවිතා කරමින් මුද්‍රණ කටයුතු සිදු කරනු ලබයි. මෙහිදී භාවිතා කරනු ලබන්නේ ආරෝපණය කරන ලද ලෝහ බෙරයකි. මේ මතට අපට මුද්‍රණය කිරීම සදහා අවශ්‍ය වන රූපය ලේසර් කිරණ හරහා නිර්මාණය කරනු ලබයි. අනතුරුව සුවිශේෂ ඇසුරුමක(Toner Cartage) බහා තිබෙන toner එසේ නැතහොත් කුඩා තීන්ත අංශු මෙම බෙරය මගින් ලබා ගෙන මුද්‍රණය කිරීම සදහා යොදා ගන්නා කඩදාසිය මත පතිත කරනු ලබයි. එසැනින්ම උෂ්ණත්වය හා පීඩනයක් ඇති කිරීම මගින් එම තීන්ත කඩදාසිය මත ඇලවීම කරනු ලබයි.
මෙම මුද්‍රන යන්ත්‍රයේ මුද්‍රණ කටයුතු අධික වේගයෙන් සිදු වේ. ඉහත සදහන් කළ සියළු මුද්‍රණ යන්ත්‍ර වල පේලියෙන් පේලිය හෝ අකුරින් අකුර මුද්‍රණය වීම සිදු වුව ද මෙහිදී පිටුවෙන් පිටුව මුද්‍රණය වීම සිදුවේ. වර්තමානය වන විට Color මුද්‍රණ යන්ත්‍ර ද දැකිය හැකිය.
මේවායේ මිල ඉතා අධිකය. එක් මුද්‍රණයකට වැය වන මුදල ද ඉතා අධිකය. නමුත් මෙම මුද්‍රණයන්හි ගුණාත්මකභාවය ඉතාමත් ඉහල බැවින් මිල අධික වුවත් බොහෝ දෙනා භාවිතා කරනු ලැබේ.
Plotter
මෙම මුද්‍රණ යන්ත්‍රය භාවිතා කරනු ලබන්නේ විශාල සිතියම් ආදී දෑ මුද්‍රණය කිරීමේ කටයුතු සදහාය.
