MS Excel Part 3

Close (තිරයට ලබා ගත් WorkBookඑකක් වසා දැමීම)

File     Close

Close කිරීම යනුවෙන් අදහස් කරන්නේ තිරය මත ඇති Work Book එකක් වසා දැමීමයි.  වසාදමන්න යන  උපදේශයත් සමග පරිගණකය අනුගමනය කරන පිලිවෙත් කිහිපයක් ඇත.

Save කරන ලද ලිපියක් තිරය මත දිගහැර ඇති විටෙක මෙම විධානය ලද වහාම Work Book එක වසා දමයි. Work Bookඑක සුලු වෙනසකට හෝ භාජනය කළේ නම් වසා දැමිය යුත්තේ කලින් තිබුණු තත්වයෙන්ද කරන ලද සංශෝධන සහිතවද යන්න Excel ඔඛෙන් විමසා ඔබ දෙන පිළිතුර අනුව ක්‍රියා කරයි.

Save නොකරන ලද Work Bookඑකක් නම් ඒ බව ඔබට සිහිකැඳවයි. සිහිකැඳවීම නොසලකා හැරිය විට සිදුවන්නේ Work Bookඑක වසා දැමීමක් නොව මකා දැමීමයි. 

Save - සුරක‍ෂිත කිරීම, ගබඩා කිරීම

MS Excelහි ඇති විශේෂිතම පහසුකමක් ලෙස කිසියම් පැතුරුම්පතක් මතු ප්‍රයෝජනය සඳහා සුරක‍ෂිත කර තබා ගැනීමට දී ඇති අවස්ථාව සැලකිය හැකිය. මින් සැලසෙන වාසි බොහෝය.  පරිගණකයෙන් සකස් කරන ලද කිසියම් ලේඛනයක් ගබඩා කරන ලද පරිගණකයට යම් ආපදාවක් නොවිණි නම් අවුරුදු 100 කින් පසු වුවද නැවතත් එය ඒ ආකාරයෙන්ම ඔබට ලබා ගත හැකිය.  එමෙන්ම ඔබගේ පරිගණකයෙන් නිමවූ කිසියම් ලියවිල්ලක් හෝ වෙනත් යම් වැඩසටහනක් වෙනත් ස්ථානයක වෙනත් රටක වුවද ඇති වෙනත් පරිගණකයකින් දැකගැනීමේ හා මුද්‍රිත පිටපත් ගැනීමේ හැකියාව ඔබට ඇත. 

Work Sheetවල ඔබට අවශ්‍ය ගණිතමය කටයුතු කිරිම ආරම්භ කල පසු හෝ සැකසීමෙන් පසු Save කිරීමට හැක. මෙසේ Save වෙමින් පවතින විටක විදුලිය විසන්ධි වුවහොත් සම්පූර්ණ Work Sheetඑකෙහි අඩංගු දේ හෝ ඉන් කොටසක් Save නොවීමට පුලුවන. Work Sheetඑකක තම වැඩ කටයුතු ආරම්භ කිරිමට පෙර හිස් Work Bookඑක Save කර ඉන් පසු Work Sheet එක සකසමින් වරින් වර   Save කල හැක.  සුදුසුම ක්‍රමය මෙයයි.  එවිට වන හානිය අවම කරගත හැක.  

Save කරන ආකාරය

File         Save    Ok

Save in – Work Book එක ගබඩාකල යුත්තේ කුමන ගබඩාවේද යන්න තෝරා ගත යුත්තේ මෙහිදීය.

File name - තෝරාගැනීමේ පහසුව සඳහා Work Bookඑකට නමක් දීම මෙහිදී සිදුකරයි.

Closing after Saving File

Save කරන ලද Work Book එකක Close කිරිමෙන් පසු නැවත දිගහැර දත්ත ඇතුල් කිරීමෙන් හෝ මැකිමෙන් පසු නැවත Save කිරීමේදි නමක් හෝ ගබඩාවක් නොවිමසයි.  ඒ සඳහා මුලින් භාවිතා කල නම හා ගබඩාවම භාවිතයට ගැනේ.

Save As

Save කරන ලද Work Bookඑකක් නැවත නැවත Save කිරිමේ හා එක් ගබඩාවක සිට තවත් ගබඩාවකට ලිපි පිටපත් (Copy)කිරිමේදී භාවිතා කරයි.

File   Save as  Ok

එක්වරක් Save කරන ලද Work Book එකක් එම ගබඩාවේම නම වෙනස් කරමින් වෙනත් Work Book එකක් ලෙස නැවත නැවත Save කිරීමේ  හැකියාව ඇත. මෙහිදී Work Book එකෙහි ඇති Work Sheet එකින් එකට වෙනස්වීම් වලට භාජනය කිරීම හෝ නොකිරීම කලහැක.

වෙනස් වීමකට භාජනය කර හෝ නොකර වෙනත් ගබඩාවක එම නමින්ම හෝ වෙනත් නමකින් Save කිරීම.

Open සකසන ලද Work Book එකක් තිරය මත දිගහැර ගැනිම 

සකසන ලද Work Book සුරක‍ෂිත කරනු ලබන්නේ අවශ්‍ය වූ විටෙක නැවත දිගහැර ගැනිම සඳහාය. කිසියම් ගොනුවක් විවෘත වන්නේ අදාල පැකේජය අනුවය.  (Excel හි සිට Open Window වෙත ගිය විට පෙන්වන්නේ  Excel File පමණක්වීම) එය කරන්නේ කෙසේදැයි බලමු.

File    Open          Ok

Look in - මෙහිදි  ලිපිය  Save කරන ලද ගබඩාව තෝරාගන්න.  එය නොදන්නා අවසථාවන්හි එකින් එක දිගහැර බැලිමට සිදුවේ.

File Name - ලිපිය Save කිරීමේදි එයට ලබාදුන් නම මෙහි සඳහන් කරන්න. (එසේ නොමැතිනම් ලිපියෙහි නම තෝරා Mouse Clickකරන්න.)