MS Excel Part 8

Text Alignment

Cell තුල කිසියම් තොරතුරක් ඇතුල් කළ පසු එය Cell එක තුල පිහිටන ආකාරය වෙනස් කිරීම සඳහා මෙය භාවිතා වේ.  සාමාන්‍යයෙන් අකුරක් ලියූ පසු එය Cell එකෙහි වම් පසින්ද, ඉලක්කම් ලියුපසු එය Cell එකෙහි දකුණු පසින්ද  දිස්වේ.  Alignment මගින් සිදුකෙරෙනුයේ මෙලෙස සටහන් වූ තොරතුරු වම්පසට, දකුණු පසට, මැදට යනාදී වශයෙන් වෙනස් කිරීමයි.

වෙනස් කළ යුතු Cell Select කර

Format  ----> Cell  ---->  Alignment          

Alignment භාවිතයේ ඇති වාසි වශයෙන් එම තොරතුරෙහි සිරස් පිහිටීම, තිරස් පිහිටීම වෙනස් කළ හැකි වීම, කිසියම් අංශක ගණනකට හැරවිය හැකි වීම ආදිය දැක්විය හැක.

Horizontal Alignment

මෙහිදී වනුයේ සටහන් කරන ලද තොරතුරෙහි තිරස් පිහිටීම වෙනස් කිරීමය.  

General - මෙහිදී තොරතුර සාමාන්‍ය ආකාරයට ලබාගත හැක.  එනම් අකුරක් Cell එකෙහි වම් පසින්ද, ඉලක්කම් Cell එකෙහි දකුණු පසින්ද ලබාගත හැක.                                                                                                                                                                     

Left (Indent) - Cell එකෙහි වම් පසින් තොරතුරු පිහිටයි. 

Center- Cell එකෙහි  මැදින් තොරතුරු පිහිටයි.

Right - Cell එකෙහි දකුණු පසින් තොරතුරු පිහිටයි

Fill - Cell සම්පූර්ණයෙන් පිටවෙන ආකාරයයට තොරතුරු ඇතුල්වේ.

Justify - Cell එකෙහි ලියන ලද තොරතුරු සියල්ලම Cellඑකෙහි දකුණු පස සහ වම් පස වචන නොකැඩී Type වේ. 

Center Across Selection - Type කරන ලද තොරතුරක් Select  කරන ලද Cellsකිහිපයක මැදට වනසේ පිහිටවීමට භාවිතා කරයි. මෙය භාවිතා කල පසු එම Cell එකෙහි ලියන ලද දත්තයන් ඇලට ලියවිය නොහැක.

Vertical Alignment

මෙහිදී වනුයේ සටහන් කරන ලද තොරතුරෙහි සිරස් පිහිටීම වෙනස් කිරීමයි.  ඔබගේ පොතෙහි රුල් අතර සටහන් ලිවීමේදි සමහර අයෙක් රුල මැදද, තවත් අයෙක් රුල මතද සටහන් ලියයි.  එසේම Cell එකක් තුලද ඔබට අවශ්‍ය ආකාරයට තොරතුරු ඇතුල් කල හැකිය. ඒ සඳහා Vertical Alignment භාවිතා කරයි.

Top - Cell එකෙහි ඉහලින් තොරතුර පිහිටයි

Center - Cell එකෙහි මැදට වනසේ තොරතුර පිහිටයි

Bottom - Cell එකෙහි පහලින් තොරතුර පිහිටයි

Justify - Cell එකෙහි ඉහලින් හා පහලින්  සමානව පිහිටයි

Clip Art

Insert ----> Picture ----> Clip Art මෙහිදි ලැඛෙන Clip Art Gallery එකෙන් අවශ්‍ය පින්තුරය තෝරා Insert කර ගන්න. Clip Art එකක් ලබා ගත් පසුව ද ඒවා අවශ්‍ය ආකාරයට වෙනස් කිරිම, මකා දැමීම ආදිය සිදු කල හැකිය. මෙහි දී බොහෝ රූප අඩංගු වන නිසා අපට අවශ්‍ය රූප වර්ගයේ නමින් Search කරමින් අවශ්‍ය රූපය ඉක්මනින් හා පහසුවෙන් ලබා ගැනීමට මෙහි පහසුකම් සපයා ඇත.

Word art

අකුරු ඔබට අභිමත පරිදි හැඩ කර ගැනීමට අවශ්‍ය වූ විටදී ඔබට Word Art භාවිතයට ගත හැක.

Insert---> Picture ---> WordArt

Word Art Gallery මේමගින් ඔබට අකුරු පිහිටිය යුතු ආකාරය තෝරා ගෙන Ok කරන්න.

Edit Word Art Text

Font                            - අකුරු වල රටාව තෝරාගත හැකිය. 

Size                            - අකුරු වල ප්‍රමාණය තෝරා ගත හැක. 

Your Text Here            - යම් කිසි හැඩයකට සකස් කළ යුතු වචනය මෙම ස්ථානයේ Type කර Ok කරන්න.  ඔබ වචනයක් Select නොකර Ok Click කලහොත් Your Text Here යන වචනයම Document එකට ඇතුල් වේ.

ඔබ යම් කිසි හැඩයක් ඇතුල් කරගත් පසු Word Art Tool Bar  එක ලැබේ.  එසේ  Tool Bar එක Document එකට ඇතුල් නොවේ නම් ඔබ ලබාගත් Word Art එක Double Click කිරීමෙන් View  --->  Tool Bar ---> WordArt මගින් Word Art Tool Bar එක ලබා ගත හැකි වේ.