MS WORD Part 4 - සාමාන්‍යපෙළ තොරතුරු හා සන්නිවේදන තාක්ෂණය

MS WORD Part 4

Alignment Text

  ලිපිය නිර්මාණාත්මකව ඉදිරිපත් කිරීම සඳහා ඡේද නොයෙක් ආකාරයෙන් හසුරුවා ගැනීම ද වැදගත් වේ. Alignment Textභාවිතයෙන් එම කාර්යය ඉතා පහසුවෙන් කරගැනීමට පුලුවන. Type කිරීම ආරම්භයේදීම එම ඡේදයේ පිටුවේ මේ ආකාරයෙන් සටහන් වි‍ය යුතුය යන්න හෝ ඡේදයේ සැකසීමෙන් පසු අවශ්‍ය පරිදි හසුරුවා ගැනීම ද කැමැත්ත අනුව සිදුකරගැනීමට හැකියාව ඇත.  

Format--->Paragraph---> Align

       

ඡේදයක් දකුණු පසට ගැනීමට විධාන ලබා දුන් විට Cursor යද තිරයේ දකුණු පසට වේ. Cursor පමණක් තිරයේ වම්පසට ගැනීමට අවශ්‍ය වූ විට ඡේදයෙන් පහලට Cursor ය ගෙන පෙර පරිදිම විධාන කිරීම කල යුතුය. නැතිනම් පේළියක් පහළට ගෙන Back Space Key එක මගින්ද Cursor ය ගෙන යා හැකිය.  යම් හෙයකින් පේලියක් මත Cursor ය තිබියදී විධාන කලහොත් එම පේලියද විධාන කළ දෙසට රැගෙන යයි.  එහිදී  ඡේදය පිහිටා ඇති ආකාරය අනුව Type වීමද සිදුවේ.

 

Left      - වමට ගත් විට තිරයේ වමේ සිට දකුණට ද (සාමාන්‍යයෙන් භාවිතාකරන පිලිවෙල මෙයයි)

Right    - දකුණට  ගත්විට තිරයේ දකුණේ සිට වමට ද

Center  - මැදට ගත්විට තිරයේ දෙපසට විහිදෙන ආකාරයෙන් ද

Justify  - ඡේදයෙදෙපසම වචන නොකඩා එක කෙලින් පිහිටන ලෙසද Type වේ. 

 

Indentaion

ඡේද හෝ පේළි සකස් කිරීමේදී පිටුවෙහි වම් පස හා දකුණු පස තබා ඇති ඉඩ ප්‍රමාණයටම එනම් පිටුවෙහි දෙපසටම ලියවේ. එහෙත් කිසියම් අවස්ථාවකදී වම් පසින් කිසියම් ඉඩ ප්‍රමාණයකතුත, දකුණු පසින් කිසියම් ඉඩ ප්‍රමාණයකුත් තබා ඡේදය සකස් විය යුතුනම් මෙහිදී එම ඉඩ ප්‍රමාණයන් ලබා දිය යුතුය. 

Befor    - වම් පසින් තැබිය යුතු ඉඩ ප්‍රමාණය

After    - දකුණු පසින් තැබිය යුතු ඉඩ ප්‍රමාණය 

සැ.යු. ඉහත ඡේදයසකසා ඇත්තේ වම් පසින් අඟලක ඉඩකුත් දකුණු පසින් අඟලක ඉඩකුත් අතහැරය.

 

Special

ඡේද සකස් කිරීමේදී ඡේදයක පළමු පේළිය සාමාන්‍යයෙන් කිසියම් ඉඩක් තබා පටන් ගනු ලැබේ.(First Line) එසේම සමහර අවස්ථාවලදී පළමු පේළිය හැර අනෙක් පේළි කිසියම් ඉඩක් තබා (Hanging) සකස් කරනු ලැබේ. 

මෙවැනි අවස්ථාවකදී Special යොදා ගනු ලබයි. එහිදී Speial යන ස්ථානයේ අවශ්‍ය ආකාරය තෝරා By හිදී එසේ තැබිය යුතු ඉඩ ප්‍රමාණය තෝරා ගත යුතු.  මෙසේ එක් ඡේද සැකසීමට උපදෙස් දුන් විට ආරම්භ කරන සෑම ඡේදයක්ම එම උපදෙස් දුන් ආකාරයට සකස් වේ.  මෙම ඡේදය Hanging ක්‍රමයටත් පළමු ඡේදය First Line ක්‍රමයටත් සකස් කර ඇත.

 

Spacing

මෙහිදී පේළි අතර තැබිය යුතු පරතරය තෝරා ගත හැකිය. එහිදී සාමාන්‍යයෙන් පවතින අවස්ථාව Single වේ.  එනම් පේළි දෙකක් අතර අකුරක පරතරයක් පවතී.  එමෙන්ව අවශ්‍ය අවස්ථාවන්හිදී එය 1.5 lines, Double ආදී ලෙස තෝරා ගත හැකිය.  එමෙන්ම After මගින් පේළියක ඉහළින් කිසියම් ඉඩක්ද,Before මගින් පේළියට පහළින් කිසියම් ඉඩක්ද තැබිය හැක.  මෙය අප පේළි අතර තබන පරතරයට ප්‍රමාණයට අමතරව තබන ඉඩක් වේ. 

 

Tab Setting

කිසියම් අවස්ථාවකදී පහත පරිදි සිරස්ව පේළි සකස් කර ගත යුතු අවස්ථාවකදී ඒ සඳහා Space Bar එක භාවිතා කිරීම සිදු කල නොහැක. එසේ Space Bar ය භාවිතා කල විට එකම පේළියකට එය සකස් කරගත නොහැකි විය හැක.

පාඨමාලාව                    කාලය                 වාරිකය

සහතික පත්‍ර                   05                    1500.00

ඩිප්ලෝමා                     07                    8500.50

කුඩා දරුවන් සඳහා           01                    500.00

 

එවැනි අවස්ථාවකදී Tab යතුර භාවිතා කල හැකිය. Tab යතුර Press කරන වාර ගණන අනුව  Cursor ය අඟල් ½ න්  ½ යට තිරයේ දකුණු පසට ගමන් කරයි. සාමාන්‍යයෙන් මෙම යතුර ගමන් කරන දුර ප්‍රමාණය අපට අවශ්‍ය පරිදි වෙනස්කරගත හැක. 

Format ---> Tab ---> OK