Ms Access Part 04

Printing

Access හිදී සකස් කරගත් Table, Query, Form, Repot යන සියල්ලම අපට අවශ්‍ය නම් මුද්‍රණය කර ගත හැකිය.  ඒ සඳහා File ---> Print විධානය භාවිතා කල හැකිය. එසේම මුද්‍රණය කිරීමට පෙර අප ලබා ගන්නා මුද්‍රිත පිටපත කුමන ආකාරයේ එකක්ද යන්න Print Preview මගින් බලා ගැනීමද සිදු කර ගත හැකිය. එහෙත් විධිමත් ලෙස කිසියම් තොරතුරක් බාහිර පාර්ශවයන් වෙත ලබා දෙන්නේ නම් ඒ සඳහා සෑම විටම අදාල තොරතුරු Table යක හෝ Query යකින් ලබා ගෙන Report භාවිතා කර Report සකස් කර මුද්‍රණය කිරීමෙන් වඩාත් නිරවුල් ආකාරයට මුද්‍රිත පිටපත් ලබා ගත හැක.

Design Table

කිසියම් Table යක් සැකසූ පසු නැවත අවස්ථාවකදී කිසියම් වෙනසක් කළ යුතු නම් එනම් අඵතින් Field Name එකතු කිරීම,  Field Name මැකීම,Field  සඳහා යෙදු නමක් වෙනස් කිරිම සඳහා එම Table ය Select කර Database හි Design තෝරා ගත යුතුය.  

අඵතින් Field ඇතුල් කළ යුතුනම් අදාල ස්ථානයේ Row Select කර  Insert ---> Row යන විධානය භාවිතා කළ යුතුය.

Table හි ඇති කිසියම් Field යක් මැකිය යුතුනම් මැකිය යුතු Field ය Select කර Edit --->Delete යන විධානය භාවිතා කළ යුතුය.

Table සකසා දත්ත ඇතුලත් කරන අවස්ථාවේදිම අවශ්‍ය නම් විවිධ වෙනස් කම් කර ගත හැකිය.

Format ---> Font විධානය භාවිතා කිරීම මගින්  දත්ත වල අකුරු වර්ගය, ප්‍රමාණය (විශාලත්වය), පැහැය, යටි ඉරි ආදිය වෙනස් කිරිම කල හැකිය.  මෙහිදි වගුවේ ඇති සියලුම දත්ත තෝරා ගන්නා ආකාරයෙන් පෙන්වනු ලබයි.  මෙසේ කිරීම මගින් පැහැදිලිව දත්තයන් හදුනා ගැනීමේ හැකියාව පවතින අතර භාවිතා කිරීමට ද පහසුය.

Format ---> Datasheet විධානය භාවිතා කිරීම මගින් වගුවෙහි පසුබිමෙහි පැහැය, ඉරි වල පැහැය, ඉරි වර්ගය ආදිය වෙනස් කල හැකිය.

Format ---> RowHeight/Columnwidth විධානය භාවිතා කිරීම මගින් මේ මගින් Row හා Column වල උස පළල අවශ්‍ය ආකාරයට වෙනස් කිරිම කල හැකිය. 

Format  ---> Rename විධානය භාවිතා කිරීම මගින් වගුවක ඇති කිසියම් Field යක නම වෙනස් කිරිමට අවශ්‍ය වු විට ඒ සඳහා භාවිතා කරයි. මෙහිදි Design View වලට ගිය විටද වෙනස් කල නම දැකිය හැකිය. 

Format ---> Hide Column විධානය භාවිතා කිරීම මගින් දත්ත ඇතුලත් තිරුවක් නොපෙන්වා තබා ගැනිම සඳහා භාවිතා කරයි.

Format ---> Unhide Column විධානය භාවිතා කිරීම මගින් සගවා ඇති තිරුව (Field) නැවත ලබා ගැනිම කල හැකිය.  තිරයේ පෙන්විය යුතු Field හි නම තෝරා Close button ය Click කරන්න.

Insert ---> New Record විධානය භාවිතා කිරීම මගින් අලුතින් Record ඇතුල් කිරිමට අවස්ථාව ලබා දෙයි. මෙය යම්කිසි මගහැරුණු දෙයක් මැදකට යොදා ගැනීමට අවශ්‍ය වුවහොත් භාවිතා කළ හැකිය. එසේ පසුකම් සලසා නොතිබුණේ නම් නැවති සියළු දත්තයන් Type කිරීමට සිදුවේ.

Insert ---> Column විධානය භාවිතා කිරීම මගින් Table සඳහා තිරුවක් ඇතුල් කිරිම කල හැකිය.

Edit විධානය භාවිතා කිරීම මගින් Copy, Cut, Paste කිරිම Select කරන ලද Record හෝ Field මකා දැමීම හෝ ඒවා Select කර ගැනිම ආදිය සිදු කර ගත හැකිය.

Edit ---> Find විධානය භාවිතා කිරීම මගින් තෝරාගත් Field යක ඇති කිසියම් දත්තයක් කොපමණ අවස්ථා ගණනක් භාවිතා කර ඇත්දැයි සොයා ගැනිම සඳහා යොදා ගනියි. 

Edit ---> Replace විධානය භාවිතා කිරීම මගින් Field යක ඇති කිසියම් දත්තයක් වෙනුවට වෙනත් දත්තයක් ආදේශ කිරිම සඳහා යොදා ගනියි.

Edit ---> Go to විධානය භාවිතා කිරීම මගින් ආරම්භක අවසාන ඉදිරියෙහි හා පිටුපස තිඛෙන Record කරා ගමන් කල හැකිය.