Printing Document

මුද්‍රණය සඳහා විධාන කරන විට සම්පූර්ණ විය යුතු කරුණු ඉහත පාඩමේදී ඔබ ඉගෙන ගන්නා ලදි.  මුද්‍රණ යන්ත්‍රයට බහා තිඛෙන්නේ ඒ සඳහාම නිමවා ඇති එකකට එකක් සම්බන්ධ වූ කඩදාසි නම් විධානයෙන් පසු වෙනත් කාර්යක නියලීමේ අවස්ථාව ඔබ සතුව ඇත. නමුත් භාවිතයට ගන්නේ වෙනත් කඩදාසියක් නම් එක් පිටුවක් අවසානයේ තවත් පිටුවක් යන්ත්‍රයට ඇතුල් කිරීම සඳහා අමතර කාලයක් වැයකිරීමට  සිදුවේ.

File  ----> Print

Printer              - පරිගණකයට සම්බන්ධ කර ඇති මුද්‍රණ යන්ත්‍රයේ තෙරතුරු සටහන්ව ඇත්තේ මේ යටතේය.

Page range       - මුද්‍රණය කිරීමට බලාපොරොත්තු වන පිටු ගණන පිලිබඳ විස්තරය ලබා දෙන්නේ මේ යටතේ ඇති මාතෘකා උපකාර කර ගනිමිනි.

All                     - ඇතැම් විට ලිපිය පිටු ගණාවකින් සමන්විත එකක් වීමට පුලුවන.  සම්පූර්ණ ලිපියම මුද්‍රණය කිරීමට අවශ්‍ය වූ විට All යනුවෙන් සටහන් කරන්න. 

Current Page    - තෝරාගත් එක් පිටුවක් පමණක් මුද්‍රණය සඳහා ඉදිරිපත් කිරීමට අවශ්‍ය වූ විට එම පිටුව තිරය මතට ගෙන Current Page යනුවෙන් සටහන් කලවිට එය පමණක් මුද්‍රණය වේ. 

Pages               - ලිපියේ තැනින් තැන ඇති පිටු මුද්‍රණය කරගැනීමට උවමනා අවස්ථා එළඹිය හැක.  එවන් අවස්ථාවක ඔබට අවශ්‍ය වන්නේ කුමන අංක දරණ පිටු ද යන වග ඉදිරියෙහි ඇති හිස් තීරුවෙහි  සටහන් කරන්න.  (උදා 3,5,9,12 ආදී වශයෙනි)

Selection          - ලිපියෙන් කොටසක් පමණක් මුද්‍රණය කිරීමට අවශ්‍ය වූ විට එම කොටස Select කරන්න. එවිට මෙතෙක් අක්‍රියව පැවති Selection Button ය ක්‍රියාකාරී වේ.  මුද්‍රණයට උපදෙස් දුන්විට පෙන්වූ කොටස පමණක් මුද්‍රණය වේ.

Copies  Page Range යටතේ ලිපිය මුද්‍රණය විය යුතු ආකාරය සටහන් කල පසු Number Of Copies යටතේ ඒඒතෝරාගත් කොටස් වලින් පිටපත් කොපමණ අවශ්‍ය වේදැයි සටහන් කිරීම.

Macro

ඔබට නැවත නැවත කිරීමට කිසියම් කාර්යයක් MS Word හි ඇත්නම් Macro වක් මගින් එම කාර්යය ස්වයංක්‍රීයව ඉටුකරවා ගත හැක.Macro වක් යනු word විධාන සමුහයක් හා උපදෙස් සමුහයක් එක් විධානයක් ලෙස කාණ්ඩගත කොට කිසියම් කාර්යයක් ස්වයංක්‍රීයව ඉටු කර ගැනීමකි.  Macro පහත සඳහන් කාර්යයන් සඳහා භාවිතා කරන බව උදාහරණ ලෙස දැක්විය හැක. 

සංශෝධනයන් හා පිළියෙල කිරීම් (Editing & Formatting)  වේගවත්ව ඉටු කර ගැනීමට

විධාන සමුහයක් එකවර ඉටු කර ගැනීමට  (ටේබලයක් ඇතුලත් කොට කිසියම් නියමිත ප්‍රමාණයකට හා බෝඩරයක් සහිතව තමන්ට අවශ්‍ය පේළි හා තීරු ප්‍රමාණයක් සහිතව එකවර සකස් කර ගැනීම)

MS Word හි ආකාර දෙකකින් Macro සකස් කරගත හැකිය.

1. Macro Recorder
2. Visual Basic Editor

Macro වක් ඉක්මනින් ක්‍රියාත්මක කර ගැනීමට Tool Bar, menu Barහෝ Short Cut Key භාවිතයෙන් කල හැකිය.

Drop Cap

වත්පත් ලිපියක ඡේදයේ පළමු අකුර ප්‍රමාණයෙන් විශාල ලෙස සකස් කර ඇති බව ඔබ මීට පෙර දැක ඇති.  මෙවැනි ආකාරයට සකස් කරගත හැක්කේ ඡේදයක ආරම්භක අකුරක් පමණි.  අවශ්‍ය අකුර Select කර     Format --->  Drop Cap මෙහිදී අකුරු Dropped විය යුතු ආකාරය තෝර ගන්න.

Lines to Drop              - අකුර Drop විය යුත්තේ පේළි කිහිපයකට බලපාන ආකාරයට යන්න තෝරා ගන්න.

Distance of Text         -  Drop කල අකුර හා අනෙක් අකුරු අතර පරතරය තෝරා ගත හැකිය.

Word art

අකුරු ඔබට අභිමත පරිදි හැඩ කර ගැනීමට අවශ්‍ය වූ විටදී ඔබට WordArt භාවිතයට ගත හැක.

Insert---> Picture ---> WordArt

Word Art Gallery මෙමගින් ඔබට අකුරු පිහිටිය යුතු ආකාරය තෝරා ගෙන Ok කරන්න.

Edit Word Art Text

Font                             - අකුරු වල රටාව තෝරාගත හැකිය. 

Size                             - අකුරු වල ප්‍රමාණය තෝරා ගත හැක. 

Your Text Here          - යම් කිසි හැඩයකට සකස් කළ යුතු වචනය මෙම ස්ථානයේ Type කර Ok කරන්න.  ඔබ වචනයක් Select නොකර Ok Click කලහොත් Your Text Here යන වචනයම Document එකට ඇතුල් වේ.