ගෝලීය උණුසුම හා අනාගත ලෝකය.
ගෝලීය උණුසුම හා අනාගත ලෝකය.
මිහිතලය අතීතයේ පැවති තත්වයට වඩා හාත්පසින්ම වෙනස් තත්වයකට වත්මන් ලෝකය පත්වී ඇත. එය සංවර්ධනය, ආර්ථිකය, සමාජීය තත්ව යටතේ පමණක් නොව දේශගුණික විපර්යාසයන්ට පවා මුහුණ පෑමට මිහිකතට සිදුවී ඇත. මෙහි දී අප අවධාරණය කරණු ලබන්නේ ලක්වී ඇති දේශගුණික විපර්යාස පිළිබඳව ය. මෙම දේශගුණික විපර්යාස කිසිවක් ලෝකයාට යහපත උදෙසා සිදුවන දේවල් නොව, විපත්ය.
දේශගුණ විපර්යාසයෙහි ලා අපට දැකිය හැකි ප්‍රධාන කරුණක් නම් ගෝලීය උණුසුම ඉහළ යාමයි. කාර්මික විප්ලවයත් සමඟ ඇරඹි පසුගිය දශක කිහිපය තුළ කාබන්ඩයොක්සයිඩ් (CO2), කාබන්මොනොක්සයිඩ් හා ක්ලෝරෝ ෆ්ලුවොරෝ කාබන් (CFC) ආදී විෂ සහිත වායු වර්ග වායු ගෝලයට මුදා හැරීමත් සමඟ ම මෙම ගෝලීය උණුසුම ඉහළ යාම සිදුවිය. වත්මනයේ මෙම උණුසුම ඉහළ යාම වර්ධනය වෙමින් පවතින්නේ විනාශකාරී මිනිස් ක්‍රියාකාරකම් අධික ලෙස සිදුකිරීම නිසාය. ලොව ප්‍රමුඛතම ආයතනයක් වන ඇමරිකාවේ නාසා ආයතනය විසින් සොයා ගන්නාලද කරුණුවලට අනුව ඇන්ටාටිකාවට ඉහළ අහසේ ඕසෝන් වියන විශාල ලෙස සිදුරු වී ඇත.
ගෝලීය උණුසුමට බලපාන කරුණු අතරින් හරිතාගාර ආචරණය ද ප්‍රමුඛතාවයක් උසුලයි. කාර්මීකරණය අතින් අතිශය දියුණුවකට පත්වී ඇති ඇමෙරිකාව, මහා බ්‍රිතාන්‍ය වැනි රටවල මෙම හරිතාගාර ආචරණය දැකිය හැකිය. මෙම හරිතාගාර ආචරණය හා ඕසෝන් ස්තරය සිදුරු වීම ආදී කරුණු රැසකට බලපාන්නේ මිනිස් ක්‍රියාකාරකම් ය. හරිතාගාර ආචරණයට ප්‍රධාන මෙන්ම සෘජු සබඳතාවයකි විෂ වායු හා තාප අවශෝෂක වායු වර්ග වායුගෝලයට මුදා හැරීම. මෙනිසා මෙම වායු වර්ග තාපය අවශෝෂණය කරගන්නා බැවින් වායුගෝලය උණුසුම් වී ගෝලීය උණුසුම ඉහළ යයි.
ගෝලීය උණුසුම ඉහළ යාමේ ප්‍රභලතම ගැටලුව නම් මින් අතුරු විපත් ඇති වීමයි. මෙනිසා උත්තරාර්ධ ගෝලයේ හා දක්ෂිණාර්ගෝලයේ ඇති විශාල ධ්‍රැව ස්කන්ධ දියවී ජලය අවට සාගරයට හා අවට විල්වලට මිශ්‍ර වේ. මෙහි දී සාගර ජලය ඉහළ ගෝස් කුඩා දූපත් රාජ්‍යයන් ජලයෙන් යටවී විනාශ වේ. නිදසුන් වශයෙන් මාලදිවයින් දූපත් හා පැසිෆික් සාගරයේ ඇත් කිරිබති දූපත් පෙන්වා දිය හැක. මෙම දූපත් ගෝලීය උණුසුම ඉහළ යාම හමුවේ සාගර ජලයෙන් යටවී යන මට්ටමට පත් වී ඇත.
තව ද උක්ත ප්‍රස්තුතය හමුවේ නියඟය නම් ආපදාවද ලොව පුරා වර්ධනය වෙමින් පවතී. මෙනිසා විශාල ලෙස සත්ත්ව හා ශාක විනාශයක් මෙන්ම දේපළ හානි ද සිදුවේ. එමෙන්ම උග්‍ර ජල හිඟය හේතුවෙන් මිනිසුන් ද විවිධාකාරයේ පීඩාවන්ට ගොදුරු වේ. ඉතියෝපියාව, සෝමාලියාව, කෙන්යාව ඇතුලු තවත් අප්‍රිකානු රටවල් රැසකට මෙම නියඟ තත්වය නිසා ගැටලු රැසකට මුහුණ පෑමට සිදුවී තිබේ. ලැව්ගිනි ද ඇතිවීමට මෙම උණුසුම ඉහළ යාම ප්‍රබල සාධකයකි. 2014 වසරේ මුල් මාස කිහිපයේ දී පමණක් ශ්‍රී ලංකාව, ඕස්ට්‍රේලියාව ආදී රටවල් රැසක වර්ග කිලෝමීටර් කිහිපයක ලැව්ගිනs ඇතිවී ශාක හා සත්ත්ව විශේෂ විශාල ප්‍රමාණයක් විනාශ විය.
ගෝලීය උණුසුම ඉහළ යාම නිසා ස්වභාවික විපත් පමණක් නොව විවිධාකාරයේ රෝග ව්‍යාප්ත වීමද සිදුවේ. සමේ පිළිකා ඇති වීම, අඳ භාවයට පත්වීම අස්ථි දුර්වල වීම ආදී නොයෙක් රෝග ද පාචනය, කොළරාව, මැලේරියාව, සෙංගමාලය ආදී භයානක වසංගත ද පැතිරී යන්නේ මෙම උණුසුම ඉහළ යාමෙනි.
මෙසේ ගෝලීය උණුසුම ඉහළ යාමෙන් ඇතිවන අතුරු විපත් වළක්වා ගැනීමට හා ලෙඩ රෝග වළක්වා ගැනීමට ලොව ප්‍රබල රටවල් විවිධ ක්‍රමෝපායන් රැසක් ගෙන ඇත. ලෝක තෙත් බිම් සුරැකීමේ රැම්සාර් සම්මුතිය, ඕසෝන් ස්තරය සුරැකීමට ගෙන ඇති මෝන්ට්‍රියෙල් සම්මුතිය, දේශගුණ විපර්යාස වැළැක්වීමට ගෙන ඇති එක්සත් ජාතීන්ගේ දේශගුණ විපර්යාස පිළිබඳ මූලික සම්මුතිය, මිහිකත සුරැකීමට එක්සත් ජාතීන්ගේ මිහිකත සමුලුව හා CFC වායුව වැළැක්වීමට ගෙන ඇති රියෝ සම්මුතිය ආදී සම්මුතීන් හා ගිවිසුම් මෙම විපත් වළක්වා ගැනීමට ගෙන ඇති ක්‍රියාමාර්ග ලෙස පෙන්වා දිය හැක. මේවා මඟින් යම්තාක් දුරට හෝ ගෝලීය උණුසුම ඉහළ යාම වළක්වාගත හැකි නම් එය අනාගතයට යහපත් කර්තව්‍යයක් වනු ඇත.
උක්ත කරුණුවලට අනුව වැටහෙන පරිදි අප කළ යුත්තේ ගෝලීය උණුසුම ඉහළයාමට පාදක වන කරුණු කාරණා සඳහා උල්පන්දම් දීම හෝ ගෝලීය උණුසුම ඉහළ යාමට එරෙහිව කටයුතු කරන යට කීවාක් වැනි සම්මුතීන් විනාශ කිරීමට කටයුතු කිරීම හෝ නොව ගෝලීය උණුසුම ඉහළ යාමට එරෙහිව කටයුතු කිරීමය.
