34 පාඩම, බෞද්ධ උත්සව (ඉගැන්වීම් උපකාරක කෙටි සටහන්)

       1. වෙසක් උත්සවය

• ලංකාවේ සිදුවූ වැදගත් සිදුවීම්:-

  1. බුදුරදුන්ගේ තෙවන ලංකා ගමනය හා සිරිපා සටහන පිහිටුවීම.

  2. විජය කුමරු ලක්දිවට පැමිණීම හා සිංහල ජාතිය ආරම්භ වීම.

  3. දුටුගැමු‚ රජතුමා විසින් රුවන්වැලි මහා සෑයේ මූලික ඉදිකිරීම් ඇරඹීම.

  4. ධර්මාශෝක රජු එවූ පංච කකුධ භාණ්ඩ සහිතව දේවානම්පියතිස්ස රජුගේ දෙවන වර අභිෂේකය සිදුවීම.

  5. සොළොස්මස්ථානයන්ගෙන් කිහිපයක් සම්බුද්ධ පාදස්පර්ශයෙන් පාරිශුද්ධත්වයට පත්වීම.
  
  

• බුදු සිරිතේ වැදගත් සිදුවීම්:-

  1. බුදුරජාණන් වහන්සේගේ තෙමඟුල සිදුවීම.
  
  

• දුටුගැමුණු රජතුමා 24 වසරක්ද, භාතිය රජතුමා 28 වසරක්ද, වසඹ රජතුමා 44 වසරක්ද වෙසක් උත්සව පවත්වා ඇති බවට ඉතිහසයේ දැක්වේ.
  
  

  2. පොසොන් උත්සවය
  

• ලංකාවේ සිදුවූ වැදගත් සිදුවීම්:-

  1. සම්බුද්ධ පරිනිර්වාණයෙන් වසර 226 කට පසුව මිහිඳු මහරහතන් වහන්සේ ලක්දිවට බුදු දහම රැගෙන පැමිණීම.
  
  

  3. ඇසළ උත්සවය
  

• බුදුසිරිතේ වැදගත් සිදුවීම්:-

  1. සිදුහත් බෝසතුන් මවුකුස පිළිසිඳ ගැනීම.

  2. රාහුල කුමරුගේ උපත.

  3. බෝසතුන් මහාභිනිශ්ක්‍රමනය කිරීම.

  4. බුදුරදුන්ගේ ප්‍රථම ධර්ම දේශනය දම්සක්පැවතුම සිදුකිරීම.

  5. බුදුරදුන්ගේ ප්‍රථම වස් එලබීම.

  6. අන්‍ය තීර්ථකයන්ගේ මානය බිඳ හෙලීමට යමා මහ පෙළහර පෑම.
  

  සටහන:-
  
  යමා මහ පෙළහර,
  සම්බුද්ධ පරිනිර්වාණයේ සෑම රෝම කූපයකින්ම මහා ගිනි කඳක් හා ජල කඳක් එක වර පිටවනවා සේ දිස්වීම යමාමහ පෙළහර පෑමයි. එය කළ හැක්කේ බුදුවරයෙකුටම පමණි.
  

  7. සත්වන වස් කාලයේදී තව්තිසා දිව්ය ලෝකයට වැඩමකොට අභිධර්මය දේශනා කිරීම.
  
  

• ලංකාවේ වූ වැදගත් සිදුවීම්:-

  1. දේවානම්පියතිස්ස රජු විසින් මිහිඳු හිමි වෙනුවෙන් මිහින්තලා පවුවෙහි අටසැට ලෙන් (68) කරවා පූජා කිරීම.

  2. කීර්තී ශ්‍රී මේඝවර්ණ රජ දවස දළදා වහන්සේ වැඩම කරවීමෙන් පසු දළදා පෙරහැර ඇරඹීම.

  3. රුවන්වැලි සෑය ඉදිකිරීමට දුටුවැමුණු රජු විසින් මංගල ශිලා ප්‍රතිෂ්ඨාපනය කිරීම.
  
  

• තවද භික්ෂූන් වහන්සේට වස් එළඹීම සඳහා වස් ආරාධනය සිදුකෙරෙන දිනය බැවිනුත් මහනුවර දළදා පෙරහැර නිසාත් ඇසල පොහොය සුවිශේෂ වේ.
  
  

  4. කඨින පූජෝත්සවය
  

• ඇසළ පොහොය දිනට පසු දින උපසපන් භික්ෂූන් වහන්සේ පෙර වස් එළඹෙති.

  සටහන:-
  
  පෙර වස් හා පසු වස් පිළිබඳව දරුවාට පැහැදිලි කර දෙන්න.
  කිසියම් වූ හේතුවක් මත පෙර වස් එළඹීමට නොහැකි වූ භික්ෂුවක් වෙතොත් නිකිණි පොහොය දිනට පසු දින වස් එළඹිය හැක. මෙය පසු වස් සමාදන් වීම ලෙස හැඳින්වේ. හෙතෙම ඉල් පොහොය දිනට පසු දින පසු වස් පවාරණය කළ යුතුය. පසු වස් එළැඹුනු භික්ෂුවට කඨින චීවරයක් ලැබීමට සුදුසුකම් නැත.
  

• එතැන් පටන් තෙමසක් පුරාවට වස් ආරක්ෂා කොට වප් පොහොය දිනට පසු දින වස් පවාරණය කල යුතුය.
  
  

• කඨින චීවරය වශයෙන් තනිපට සිවුර, දෙපට සිවුර, අඳනය යන තුනෙන් කවරක් වූවද සුදුසුය.
  
  

• සිව්වනක් පිරිසෙයින් ඕනෑම අයෙකුට අඨින චීවරයක් පිළිගැන්විය හැකි වූවද, කඨින චීවරයක් ලැබීමට හැක්කේ උපසපන් භික්ෂු හෝ භික්ෂුණීන් වහන්සේලා සිව් නමකගෙන් යුත් පිරිසකට පමණි.
  
  

• පවාරණය කල දින සිට ඉල් පොහොය තෙක් ඇති මාසය, චීවර මාසය නමින් හඳුන්වන අතර චීවර මාසය තුල යම් දිනකදී විහාරස්ථානයක කඨින චීවර පූජාවක් කල හැක.
  
  

  අභ්‍යාසය:-
  
  ශ්‍රේණි විභාගය 2011
  
  1. පහත දැක්වෙන පූජනීය ස්ථාන හා බෞද්ධ උත්සව අතුරෙන් 3ක් තෝරාගෙන කෙටි සටහන් ලියන්න.
  i. බුද්ධගයාව
  ii. ඉසිපතනය
  iii. අනුරාධපුර මිරිසවැටි සෑය
  iv. පොසොන් උත්සවය
  v. කඨින උත්සවය
  vi. ඇසළ උත්සවය
  

  සටහන:- පාඩමෙන් ආවරණය වන කොටස් සඳහා පමණක් පිළිතුරු සැපයීමට දරුවාට උපදෙස් දෙන්න.