අධ්යාපන ලෝකයට
ඔබේ දැනුම වර්ධනය කරගන්නා ගමන අදම අරඹන්න. නව තාක්ෂණය සමඟ පෙරට යන්න.
සාදරයෙන් පිළිගනිමු!
ඇතුලත් වීමට ඔබගේ ගිණුමේ තොරතුරු ලබා දෙන්න
යකඩ සහ වානේ කර්මාන්තය ඉතා පැරණි කර්මාන්තයකි. 18 වන සියවස අගභාගයේ ඇති වූ කාර්මික විප්ලවය (Industrial Revolution) නිසා යකඩ හා වානේ නිෂ්පාදන කර්මාන්තයේ ශීඝ්ර දියුණුවක් ඇති විය. යපස්, ගල් අඟුරු හා හුණුගල් නිධි බහුල රටවල මුල් කාලයේ දී මෙම කර්මාන්තය ස්ථානගත වුව ද අමුද්රව්ය (raw materials) ආනයනය කොට ඉතා දියුණු මට්ටමකින් යකඩ හා වානේ කර්මාන්තය කරගෙන යනු ලබන රටවල් ද ඇත. රටක කාර්මික ශක්තිය තීරණය කරන සාධකයක් නිසාත්, උපකරණ නිපදවීමට අවශ්ය අමුද්රව්යයක් ලෙස යොදා ගන්නා නිසාත් යකඩ හා වානේ කර්මාන්තයට වැදගත් තැනක් හිමි වේ. මෙහි දී මූලික ව යපස්වලින් යකඩ නිෂ්පාදනය ද අමු යකඩ වෙනත් ලෝහ සමඟ මිශ්ර කර, තවදුරටත් පදම් කර ගැනීමෙන් වානේ නිෂ්පාදනය ද සිදු කෙරේ. කාර්මික විප්ලවය සිදු වූ මුල් අවධියේ ලෝකයේ නිෂ්පාදිත යන්ත්රෝපකරණ, විදුලිය හා ප්රවාහන ක්ෂේත්රයේ විවිධ නිෂ්පාදන කටයුතු සඳහා භාවිත කරන ලද අමුද්රව්යවලින් 90%ක් ම යකඩ හා වානේ විය. පසුකාලීනව ඇලුමිනියම් සොයා ගැනීමත් සමඟ ම යකඩ සහ වානේ සඳහා පැවති ඉල්ලුම 65% පමණ දක්වා අඩු විය. ලොව විවිධ වූ ආර්ථික ක්රියාකාරකම් හා බැඳී පවතින යකඩ හා වානේ කර්මාන්තය තවත් කර්මාන්ත රැසකට පාදක කර්මාන්තයක් ලෙස ද වැදගත් වේ.
ලෝකයේ යකඩ හා වානේ නිෂ්පාදන කර්මාන්තයේ අඛණ්ඩ වර්ධනයක් දක්නට ලැබේ. 2000 වර්ෂයේ දී මෙට්රික් ටොන් මිලියන 70ක් පමණ වූ ලෝක වානේ නිෂ්පාදනය 2012 වන විට මෙට්රික් ටොන් මිලියන 130ක් පමණ දක්වා වැඩි වී ඇති බව ප්රස්තාරයෙන් පැහැදිලි වේ.
ඛනිජ සම්පත්වල අසමාන ව්යාප්තිය යකඩ හා වානේ නිෂ්පාදනයට ද බලපා ඇති බව ප්රස්තාරයෙන් පෙන්නුම් කෙරේ. ඒ අනුව ලොව එකිනෙක රටවල් විවිධ අයුරින් වානේ නිෂ්පාදන ධාරිතාවට (production capacity) දායක වී ඇති අතර චීනය වැඩි ම දායකත්වයක් දක්වා ඇති බව ද පැහැදිලි වේ.
අතීතයේ, ලෝකයේ යකඩ හා වානේ කර්මාන්තය, අමුද්රව්ය පිහිටි ප්රදේශයේ ම ස්ථානගත වුව ද වර්තමානයේ දී අමුද්රව්ය තිබෙන ප්රදේශවලින් බැහැර ව විවිධ පහසුකම් මත ස්ථානගත වීමේ නැඹුරුවක් දක්නට ලැබේ. 5.1 වගුව බලන්න.
| රට (Country) | නිෂ්පාදන මධ්යස්ථාන (Production Centers) | ස්ථානගතවීමට බලපා ඇති ප්රධාන සාධක (Main factors affecting location) |
|---|---|---|
| චීනය (China) | දකුණු මැන්චූරියා ප්රදේශය, බීජිං ප්රදේශය, ෂන්ෂුවාං ප්රදේශය | පොළොව මතුපිටින් යපස් ලබාගත හැකි වීම. |
| ජපානය (Japan) | ඔසාකා, කෝබේ සහ කියෝතෝ කලාපය, ටෝකියෝ හා යොකොහාමා කලාපය, උතුරු කියුෂු ප්රදේශය, නගෝයා කාර්මික කලාපය | ආනයන අපනයන කටයුතු සඳහා වරාය පහසුකම් හා වෙළෙඳපොළ පැවතීම. |
| එක්සත් රාජධානිය (United Kingdom) | බර්මිංහැම් දිස්ත්රික්කය, දකුණු වේල්ස් ප්රදේශය, ලැන්කෂයර් ප්රදේශය, ඊසානදිග වෙරළබඩ ප්රදේශය | යපස් හා ගල් අඟුරු පහසුවෙන් ලබාගත හැකි වීම සහ යපස් ආනයනය සඳහා වරාය පහසුකම් තිබීම. |
| රුසියාව (Russia) | කුෂ්නෙට්ස්ක් කලාපය, මොස්කව් ද්රෝණි කලාපය, යුරල් කලාපය | ඉහළ යකඩ ප්රමාණයක් ඇති යපස්, පහසුවෙන් ලබාගත හැකි වීම. |
| ඉන්දියාව (India) | බටහිර කාර්මික කලාපය, නැගෙනහිර කාර්මික කලාපය, දකුණු කාර්මික කලාපය | බිහාර්, ඔරිස්සා ප්රාන්තවල යපස් ගල්අඟුරු පිහිටා තිබීම හා ගංගා ජලය ප්රයෝජනයට ගත හැකි වීම. |
| ඇමරිකා එක්සත් ජනපදය (United States of America) | මිචිගන් විල්බඩ ප්රදේශය, පීට්ස්බර්ග් කලාපය, ඩෙට්රොයිට් කාර්මික කලාපය, නව එංගලන්ත ප්රදේශ, දකුණු ඇපලාචියන් ප්රදේශ | පරිවහනය සඳහා විල් ජලය භාවිත කළ හැකි වීම, විල් අවටින් මූලික අමුද්රව්ය සපයා ගත හැකි වීම. |
ලෝකයේ යකඩ හා වානේ නිෂ්පාදිත ප්රදේශ සහ ඒවා අයත් වන රටවල් සිතියමෙන් දැක්වේ.
සිතියම අධ්යයනය කිරීමෙන් ලෝකයේ යකඩ හා වානේ නිෂ්පාදනය කරනු ලබන රටවල් පිළිබඳ දළ අවබෝධයක් ලබාගත හැකි ය. ලොව වානේ නිෂ්පාදන වෙළෙඳාමට සම්බන්ධ වන ප්රධාන රටවල් වගුවෙන් දැක්වේ.
ලෝකයේ මෝටර් රථ නිෂ්පාදන කර්මාන්තය ශීඝ්රයෙන් වෙනස් වෙමින් පවතින කර්මාන්තයකි. මගීන් හා භාණ්ඩ ප්රවාහනයට අවශ්ය වාහන නිෂ්පාදනය කිරීම මේ යටතේ සිදු වේ. එමෙන් ම මෝටර් රථ කර්මාන්තය වර්තමානයේ දී එකලස් කිරීමේ කර්මාන්තයක් (එකලස් කිරීමේ කර්මාන්තය - Assembly Industry) ලෙස වර්ධනය වීමක් දක්නට ලැබේ. කිසියම් නිෂ්පාදනයකට අවශ්ය විවිධ කොටස් විශේෂ ප්රාගුණ්යය (විශේෂ ප්රාගුණ්යය - Specialization) යටතේ විවිධ ස්ථානවල හෝ රටවල්වල නිපදවා එම කොටස් එක් ස්ථානයකට රැස්කොට භාණ්ඩය සැකසීම එකලස් කිරීමේ කර්මාන්තයක් මගින් සිදු වේ. ශ්රම විභජනය (ශ්රම විභජනය - Division of Labour), විශේෂ ප්රාගුණ්යය හා තාක්ෂණයේ දියුණුව මෙහි මූලික පදනම වේ.
විවිධ අවශ්යතා සඳහා නිෂ්පාදනය කරනු ලබන මෝටර් රථ වර්ග කිහිපයක් රූපයෙන් දැක්වේ. ප්රවාහනය කරන දෑ අනුව වාහනවල හැඩය, විශාලත්වය, ඔරොත්තු දීමේ ශක්තිය හා අභ්යන්තර ව්යුහය එකිනෙකට වෙනස් වේ.
D
අතීතයේ මෝටර් රථ නිෂ්පාදන කර්මාන්තයට ප්රමුඛ වූයේ සංවර්ධිත රටවල් (සංවර්ධිත රටවල් - Developed Countries) ය. විශාල ප්රාග්ධනයක් ආයෝජනය කිරීමට සිදුවීම ප්රධාන වශයෙන් එයට හේතු විය. වර්තමානයේ රටවල් රාශියක මෝටර් රථ නිෂ්පාදනය සිදු කෙරේ. පාරිභෝගික රුචිය හා උපයෝගීතාව අනුව නිෂ්පාදනය කෙරෙන මෝටර් රථවල මාදිලිය කලින් කලට වෙනස් වෙමින් පවතී. ක්රි.ව. 1950 සිට 2012 දක්වා තෝරාගත් වර්ෂ කිහිපයක මෝටර් රථ නිෂ්පාදන ප්රමාණය වගුවෙහි දැක්වේ.
වගුවෙහි ඇතුළත් දත්ත අධ්යයනය කිරීමේ දී මෝටර් රථ කර්මාන්තය පිළිබඳ ව පහත සඳහන් තොරතුරු හෙළි වේ.
ලෝකයේ නිෂ්පාදනය කරනු ලබන මෝටර් රථ සංඛ්යාව පිළිබඳ ව සැලකීමේ දී චීනය, ජපානය, ඇමරිකා එක්සත් ජනපදය, ඉන්දියාව වැනි රටවල මෝටර් රථ විශාල ප්රමාණයක් නිෂ්පාදනය කරන බව සිතියමෙන් ද පැහැදිලි වේ.
වර්තමානයේ මෝටර් රථ නිෂ්පාදනය සඳහා රොබෝට් යන්ත්ර (රොබෝට් - Robots), ස්වයංක්රීය යන්ත්ර වැනි යාන්ත්රික ශ්රමය බහුල ව යොදා ගැනේ. ඊට අමතර ව එකලස් කිරීමේ කර්මාන්තයක් ලෙස ජනප්රියවීම ද නූතන මෝටර් රථ නිෂ්පාදන කර්මාන්තයේ ශීඝ්ර දියුණුවට හේතු වී ඇත.
යාන්ත්රික තාක්ෂණය යොදාගෙන මෝටර් රථ නිෂ්පාදනය කරනු ලබන කර්මාන්තශාලාවක ඇතුළත දර්ශන කිහිපයක් රූපයෙන් දැක්වේ.
දිගු ඉතිහාසයක් ඇති නැව් තැනීමේ කර්මාන්තය, 18වන සියවස අග භාගයේ පමණ සිට යුරෝපා රටවල සිදු වූ දේශ ගවේෂණ කටයුතු සහ යකඩ හා වානේ නිෂ්පාදන කර්මාන්තයේ දියුණුවත් සමඟ ම ඊට සමගාමී ව වර්ධනය වූවකි. යුරෝපා රටවල නැව් තැනීමේ කර්මාන්තය දියුණු වීමට බලපෑ හේතු කිහිපයකි.
මුල් කාලයේ දී මගී ප්රවාහනයට මෙන් ම භාණ්ඩ ප්රවාහනයට ද නෞකා නිපදවන ලදි. එහෙත් පසුකාලයේ දී ගුවන් ප්රවාහනය නිසා නෞකා මගින්, මගී ප්රවාහනය අඩු වී යාමෙන් භාණ්ඩ ප්රවාහනයට යෝග්ය නැව් නිෂ්පාදනය කෙරෙහි වැඩි අවධානයක් යොමු විය. කෙසේ වුව ද වර්තමානයේ දී මගී ප්රවාහනයට සුවිශේෂ වූ සුඛෝපභෝගී නෞකා නිෂ්පාදනයට ද වැදගත් තැනක් හිමි වී තිබේ. විවිධ වෙනස්කම්වලට භාජනය වෙමින් වර්තමානය වන විට මෙම කර්මාන්තය විශාල ප්රගතියක් ලබා ඇත.
වර්තමානයේ ලෝකයේ නැව් නිෂ්පාදනය පිළිබඳ සලකා බැලීමේ දී ප්රවාහනයට යොමු වන භාණ්ඩ වර්ග අනුව නැව් නිෂ්පාදනය කරන බව පැහැදිලි කරුණකි. තොග භාණ්ඩ ප්රවාහන නෞකා (Bulk carriers), ටැංකි නෞකා (Tankers) සහ බහාලුම් නෞකා (Container ships) නිදසුන් වේ. මෙවැනි නෞකා සඳහා ලෝක වෙළෙඳපොළෙහි ඉහළ ඉල්ලුමක් පවතී.
මුල් කාලයේ දී නැව් තැනීමේ කර්මාන්තයට යොමු වූයේ සංවර්ධිත රටවල් පමණි. ඒ සඳහා බලපෑ හේතු කිහිපයකි.
එසේ වුව ද වර්තමානයේ දී මේ තත්ත්වය වෙනස් වී චීනය, දකුණු කොරියාව, ජපානය, වැනි රටවල් නැව් නිෂ්පාදනයේ ප්රමුඛයන් බවට පත් වී ඇති බව 5.3 ප්රස්තාරයෙන් පැහැදිලි වේ.
මෑතක සිට එකලස් කිරීමේ කර්මාන්තයක් ලෙස ශ්රී ලංකාවේ ද නැව් හා බෝට්ටු නිෂ්පාදනය ආරම්භ වී ඇත.
නැව් තැනීමේ කර්මාන්තය, එකලස් කිරීමේ කර්මාන්තයක් ලෙස දියුණුවට පත්වීමත් සමඟ ම අතීතයේ නැව් නිෂ්පාදන රටවලට හිමි ව තිබූ ස්ථානය කාලීනව වෙනස් වී ඇති ආකාරය ප්රස්තාරයෙන් නිරූපණය කෙරේ.
වර්තමානය වන විට දියුණු තාක්ෂණය පදනම් කරගෙන විවිධ අවශ්යතා අනුව නැව් නිෂ්පාදනය කරමින් මෙම කර්මාන්තය විශාල ප්රගතියක් ලබා ඇති බව 101 පිටුවෙහි දැක්වෙන රූප අධ්යයනය කිරීමෙන් මනාව තහවුරු වේ.
නවීනතම තාක්ෂණය (Modern Technology) යොදා ගනිමින් ගුවන්විදුලිය (Radio), රූපවාහිනිය (Television), පරිගණකය (Computer), ට්රාන්සිස්ටර් (Transistor), සන්නිවේදන උපකරණ (Communication Equipment), විද්යුත් උපකරණ (Electronic Equipment) වැනි ඉලෙක්ට්රොනික් භාණ්ඩ නිෂ්පාදනය කිරීම විද්යුත් නිෂ්පාදන කර්මාන්තය යටතේ සිදු වේ.
රූපයට අනුව විද්යුත් කර්මාන්තය යටතේ නිෂ්පාදනය කරනු ලබන බොහෝ දේ අප නිවසේ මුළුතැන්ගෙය, ආලින්දය, කාර්යාලය, වාහනය තුළ මෙන් ම ඇඳුමේ සාක්කුවක හෝ මුදල් පසුම්බියක් තුළ පවා ඇති මෙවලම් බව ඔබට පැහැදිලි වනු ඇත.
ප්රස්තාරයට අනුව ලෝක විද්යුත් නිෂ්පාදන කර්මාන්තයේ කලාපීය ප්රමුඛයන් හා භාවිත ක්ෂේත්ර හඳුනා ගැනීමට පුළුවන. චීනය, ජපානය, යුරෝපා රටවල් මෙම කර්මාන්තයේ ප්රමුඛයන් ලෙස කටයුතු කරන අතර විද්යුත් කර්මාන්තය සඳහා 2008 වර්ෂයේ චීනයේ දායකත්වය 26%කි. විද්යුත් කර්මාන්තය යටතේ නිපදවනු ලබන ඉලෙක්ට්රොනික නිෂ්පාදන අතුරින් දත්ත සැකසීමේ උපකරණ හා විද්යුත් සන්නිවේදන උපකරණ නිෂ්පාදනය ප්රධාන වී ඇති බව එම ප්රස්තාරයෙන් තවදුරටත් පැහැදිලි වේ.
එමෙන් ම විද්යුත් උපකරණ අපනයනය කරනු ලබන රටවල් විසින් ම ආනයනය සිදු කිරීම ද විද්යුත් උපකරණ වෙළෙඳපොළ පිළිබඳ ව සැලකීමේ දී කැපීපෙනෙන ලක්ෂණයකි.
2008 - 2013 කාලය තුළ ලෝක විද්යුත් උපකරණ නිෂ්පාදනය සහ කලාපීය වෙළෙඳාම පිළිබඳ තොරතුරු ඇතුළත් 5.4 වගුව අධ්යයනය කිරීමේ දී මෑත කාලයේ විද්යුත් උපකරණ නිෂ්පාදනයේ ප්රගතිය හඳුනා ගැනීමට පුළුවන. ඒ අනුව,
විද්යුත් උපකරණ - නිෂ්පාදනය සහ වෙළෙඳාම 2008-2013 (යූරෝ මිලියනවලින්)
| කලාපය | නිෂ්පාදනය | වෙළෙඳාම | ||
|---|---|---|---|---|
| 2008 | 2013 | 2008 | 2013 | |
| යුරෝපය | 251 124 | 246 724 | 241 229 | 260 489 |
| උතුරු ඇමරිකාව | 204 317 | 184 900 | 210 349 | 217 986 |
| ජපානය | 162 760 | 163 970 | 90 419 | 105 399 |
| චීනය | 296 607 | 416 070 | 78 821 | 110 244 |
| අනෙකුත් ආසියා පැසිෆික් රටවල් | 184 383 | 244 075 | 81 192 | 114 248 |
| ඉතිරි රටවල් | 36 356 | 42 487 | 73 347 | 90 207 |
2000 - 2010 දක්වා කාලය තුළ නැගෙනහිර ආසියානු කලාපයේ විද්යුත් කර්මාන්ත ක්ෂේත්රයේ බලවත් රාජ්යයක් ලෙස නැගී එන රටක් බවට චීනය, පත්ව ඇත. ප්රස්තාරය නිරීක්ෂණය කිරීමෙන් එය මනාව පැහැදිලි වේ. විද්යුත් කර්මාන්තයේ අඛණ්ඩ වර්ධනයක් පෙන්නුම් කරන එම කාලය තුළ චීනය ලබා ඇති ආදායම ඍපඉ ඉසකකසදබ 604 සිට 6365 දක්වා වර්ධනය වී තිබේ.
මීට අමතර ව චීනයේ ඉලෙක්ට්රොනික් කර්මාන්තය පිළිබඳ සුවිශේෂ ව අධ්යයනය කළ විට නව ලොව විද්යුත් නිෂ්පාදන කර්මාන්තයේ දිශානතිය පිළිබඳ ව ද අවබෝධයක් ලබාගත හැකි ය. 2009 වර්ෂයේ ලෝක විද්යුත් උපකරණ නිෂ්පාදනයෙන් විවිධ නිෂ්පාදන සඳහා චීනය හිමිකරගත් නිෂ්පාදන වටිනාකම් 5.5 වගුවෙන් දැක්වේ.
එම වගුවට අනුව ලේසර් සංයුක්ත තැටි, අංකිත කැමරා, පරිගණක යන්ත්ර, ජංගම දුරකථන වැනි ලොකු කුඩා විද්යුත් මෙවලම් වෙළෙඳපොළට සැපයීමේ ඉහළ මට්ටමක දායකත්වයක් චීනය සතු වන බව පැහැදිලි වේ. චීන විද්යුත් උපකරණ නිෂ්පාදනවලට ශ්රී ලංකාවේ වැදගත් තැනක් හිමි වී තිබේ. වර්තමානයේ දී ශ්රී ලංකාව මෙන් ම ලොව බොහෝමයක් රටවල් මෙවැනි විද්යුත් මෙවලම් භාවිතයට ගැනීමේ ප්රවණතාවක් දක්නට ලැබේ.
නවීනතම තාක්ෂණය (Modern Technology) යොදා ගනිමින් ගුවන්විදුලිය (Radio), රූපවාහිනිය (Television), පරිගණකය (Computer), ට්රාන්සිස්ටර් (Transistor), සන්නිවේදන උපකරණ (Communication Equipment), විද්යුත් උපකරණ (Electronic Equipment) වැනි ඉලෙක්ට්රොනික් භාණ්ඩ නිෂ්පාදනය කිරීම විද්යුත් නිෂ්පාදන කර්මාන්තය යටතේ සිදු වේ.
රූපයට අනුව විද්යුත් කර්මාන්තය යටතේ නිෂ්පාදනය කරනු ලබන බොහෝ දේ අප නිවසේ මුළුතැන්ගෙය, ආලින්දය, කාර්යාලය, වාහනය තුළ මෙන් ම ඇඳුමේ සාක්කුවක හෝ මුදල් පසුම්බියක් තුළ පවා ඇති මෙවලම් බව ඔබට පැහැදිලි වනු ඇත.
ප්රස්තාරයට අනුව ලෝක විද්යුත් නිෂ්පාදන කර්මාන්තයේ කලාපීය ප්රමුඛයන් හා භාවිත ක්ෂේත්ර හඳුනා ගැනීමට පුළුවන. චීනය, ජපානය, යුරෝපා රටවල් මෙම කර්මාන්තයේ ප්රමුඛයන් ලෙස කටයුතු කරන අතර විද්යුත් කර්මාන්තය සඳහා 2008 වර්ෂයේ චීනයේ දායකත්වය 26%කි. විද්යුත් කර්මාන්තය යටතේ නිපදවනු ලබන ඉලෙක්ට්රොනික නිෂ්පාදන අතුරින් දත්ත සැකසීමේ උපකරණ හා විද්යුත් සන්නිවේදන උපකරණ නිෂ්පාදනය ප්රධාන වී ඇති බව එම ප්රස්තාරයෙන් තවදුරටත් පැහැදිලි වේ.
එමෙන් ම විද්යුත් උපකරණ අපනයනය කරනු ලබන රටවල් විසින් ම ආනයනය සිදු කිරීම ද විද්යුත් උපකරණ වෙළෙඳපොළ පිළිබඳ ව සැලකීමේ දී කැපීපෙනෙන ලක්ෂණයකි.
2008 - 2013 කාලය තුළ ලෝක විද්යුත් උපකරණ නිෂ්පාදනය සහ කලාපීය වෙළෙඳාම පිළිබඳ තොරතුරු ඇතුළත් 5.4 වගුව අධ්යයනය කිරීමේ දී මෑත කාලයේ විද්යුත් උපකරණ නිෂ්පාදනයේ ප්රගතිය හඳුනා ගැනීමට පුළුවන. ඒ අනුව,
විද්යුත් උපකරණ - නිෂ්පාදනය සහ වෙළෙඳාම 2008-2013 (යූරෝ මිලියනවලින්)
| කලාපය | නිෂ්පාදනය | වෙළෙඳාම | ||
|---|---|---|---|---|
| 2008 | 2013 | 2008 | 2013 | |
| යුරෝපය | 251 124 | 246 724 | 241 229 | 260 489 |
| උතුරු ඇමරිකාව | 204 317 | 184 900 | 210 349 | 217 986 |
| ජපානය | 162 760 | 163 970 | 90 419 | 105 399 |
| චීනය | 296 607 | 416 070 | 78 821 | 110 244 |
| අනෙකුත් ආසියා පැසිෆික් රටවල් | 184 383 | 244 075 | 81 192 | 114 248 |
| ඉතිරි රටවල් | 36 356 | 42 487 | 73 347 | 90 207 |
2000 - 2010 දක්වා කාලය තුළ නැගෙනහිර ආසියානු කලාපයේ විද්යුත් කර්මාන්ත ක්ෂේත්රයේ බලවත් රාජ්යයක් ලෙස නැගී එන රටක් බවට චීනය, පත්ව ඇත. ප්රස්තාරය නිරීක්ෂණය කිරීමෙන් එය මනාව පැහැදිලි වේ. විද්යුත් කර්මාන්තයේ අඛණ්ඩ වර්ධනයක් පෙන්නුම් කරන එම කාලය තුළ චීනය ලබා ඇති ආදායම ඍපඉ ඉසකකසදබ 604 සිට 6365 දක්වා වර්ධනය වී තිබේ.
මීට අමතර ව චීනයේ ඉලෙක්ට්රොනික් කර්මාන්තය පිළිබඳ සුවිශේෂ ව අධ්යයනය කළ විට නව ලොව විද්යුත් නිෂ්පාදන කර්මාන්තයේ දිශානතිය පිළිබඳ ව ද අවබෝධයක් ලබාගත හැකි ය. 2009 වර්ෂයේ ලෝක විද්යුත් උපකරණ නිෂ්පාදනයෙන් විවිධ නිෂ්පාදන සඳහා චීනය හිමිකරගත් නිෂ්පාදන වටිනාකම් 5.5 වගුවෙන් දැක්වේ.
එම වගුවට අනුව ලේසර් සංයුක්ත තැටි, අංකිත කැමරා, පරිගණක යන්ත්ර, ජංගම දුරකථන වැනි ලොකු කුඩා විද්යුත් මෙවලම් වෙළෙඳපොළට සැපයීමේ ඉහළ මට්ටමක දායකත්වයක් චීනය සතු වන බව පැහැදිලි වේ. චීන විද්යුත් උපකරණ නිෂ්පාදනවලට ශ්රී ලංකාවේ වැදගත් තැනක් හිමි වී තිබේ. වර්තමානයේ දී ශ්රී ලංකාව මෙන් ම ලොව බොහෝමයක් රටවල් මෙවැනි විද්යුත් මෙවලම් භාවිතයට ගැනීමේ ප්රවණතාවක් දක්නට ලැබේ.
18 වන සියවසේ යුරෝපයේ ඇති වූ කාර්මික විප්ලවයත් (Industrial Revolution) සමඟ ම කපු පිළි නිෂ්පාදනය කිරීම විධිමත් කර්මාන්තයක් ලෙස සංවිධානාත්මක ව ව්යාප්ත වීම සිදු විය. එකල බ්රිතාන්ය විසින් මෙම කර්මාන්තය සම්බන්ධ ව ඒකාධිකාරිත්වයක් හිමිකරගන්නා ලදි. එසේ වුව ද පසු කලෙක,
කපු පිළි නිෂ්පාදන ක්රියාවලිය ආශ්රිත පින්තූර කිහිපයක් රූපයෙන් දැක්වේ.
ලෝකයේ කපු වගා කරන ප්රදේශ හා කපු පිළි නිපදවන රටවල් සිතියමෙන් දැක්වේ.
මිනිස් අවශ්යතා සපුරාලීම සඳහා ලෝකයේ නිෂ්පාදිත කර්මාන්ත විශාල දායකත්වයක් ලබා දී තිබේ. එසේ වුවද කාර්මික දියුණුව නිසා මිනිසා ඇතුළු සමස්ත පෘථිවි ගෝලයට ම විවිධ අයුරින් බලපාන ගැටලු රැසක් මතු වෙමින් පවතී. නිෂ්පාදන කර්මාන්ත ආශ්රයෙන් පැන නැගී ඇති එම ගැටලු, ක්ෂේත්ර කිහිපයක් ඔස්සේ හඳුනා ගැනීමට පුළුවන.
