ප්‍රංශය,ජර්මනිය හා රුසියාව යන රටවල් වල වැඩවසම් ක්‍රමය හා දුම්රිය ව්‍යාපාරය පිළිබද විමසුමක්
ප්‍රංශය,ජර්මනිය හා රුසියාව යන රටවල් වල ආර්ථික,දේශපාලනික විග්‍රහය
මුලින්ම ඉහත සදහන් රටවල් වල වැඩවසම් ක්‍රමය බිද වැටීමට හේතු විමසා බලමු.
ප්‍රංශයේ වැඩවසම් ක්‍රමය බිද වැටීමට හේතු
1.14 වන ලුවී රජු විසින් රදල බලය පාලනය කිරීම සදහා රදලයින් බණ්ඩාරාගමින් ඉවත් කිරීම
2.1975 න් පසු ප්‍රංශයේ සිදු වූ ඉඩම් කොටු කිරීම.මේ නිසා පොදු ඉඩම් රදලයන්ට අයිති විය.එය ගොවියාගේ දෛනික කටයුතු කෙරෙහි දැඩිව බලපාන ලදී.
3.ප්‍රභූවරුන් හිතුමතේ දඩයමේ යාම නිසා ගොවීන්ගේ වගාවන් පාළු වීම හා විනාශ වී යාම
4.මධ්‍යම පන්තිකයන් රජයට විරුද්ධව ක්‍රියා කිරීම
5.රූසෝ වැනි චින්තකයන්ගේ අදහස් ව්‍යාප්ත වීම
6.1786 එංගලන්තය හා ප්‍රංශය අතර අත්සන් කෙරුණු ඊඩ්න් වෙළද ගිවිසුම.මේ නිසා ප්‍රංශයේ ගොවීන්ගේ ආදායම් මාර්ග,අතුරු ආදායම් මාර්ග සියල්ල වැසී ගියහ.එමෙන්ම ප්‍රංශ කම්කරුවන්ගේ විරැකියාව ද වැඩි වුනි.
7.1789 ප්‍රංශයේ ඇති වූ දුර්භික්ෂය.මේ නිසා ගොවියන් හා කම්කරුවන් සාගින්නට පත් වූ අතර එම නිසාම ගොවි කම්කරු සටන ශක්තිමත් විය.
ජර්මනියේ වැඩවසම් ක්‍රමය බිද වැටීමට හේතු
අනෙකුත් රටවල් වල මෙන් නොව ජර්මනියේ වැඩවසම් ක්‍රමය බිද වැටුනේ රජයේ මැදිහත් වීම නිසාවෙනි. වැඩවසම් ක්‍රමය බිද වැටීමට හේතු වනුයේ,
1.ප්‍රංශ විප්ලවයේ බලපෑම
2.ස්ටින්ගේ පනත.මෙම පනත මගින් උපතින්ම ලබන ප්‍රවේනිදාසභාවය අවලංගු කෙරුණි.
3.1811 හාර්ඩන්බර්ග් පනත.මෙම පනත මගින් ඉඩමේ කොටසක සින්නක්කර අයිතිය ගොවියාට ලබා දුනි.
4.1816 රාජ නියෝගය.මෙමගින් විශාල ඉඩම් හිමි ගොවීන්ට වන්දි ගෙවා නිදහස් වීමට අවස්ථාව ලබා දුනි.
5.1850 ප්‍රවේණිදාස විමුක්ති පනත.මෙම පනත මගින් කුඩා ඉඩම් හිමි ගොවීන්ට ද නිදහස් වීමේ අයිතිය ලබා දුනි.
රුසියාවේ වැඩවසම් ක්‍රමය බිද වැටීමට හේතු
රුසියාවේ වැඩවසම් ක්‍රමය ඇති වුයේ රාජ්‍ය සේවය පිණිස 10 වන සියවසේදී පැමිණි විදේශ රදල පන්තියක් නිසාවෙනි. වැඩවසම් ක්‍රමය බිද වැටීමට හේතු වනුයේ,
1.ප්‍රංශ විප්ලවයේ බලපෑම
2.1854 ක්‍රිමියානු යුද්ධය.මෙම යුද්ධයෙන් රුසියාව පරාජය වුයේ ප්‍රවේනිදාසයන්ට නිදහස ලබා නොදුන් නිසාවෙන් බව පාලකයන්ට අවබෝධ විය.
3.ජනගහනය වැඩි වීම.මේ නිසා රට තුල ආහාර ප්‍රශ්න,ණය ප්‍රශ්න,ඉඩම් හිගකම වැනි ගැටළු පැන නැගුනහ.
4.1861 පැන වූ රාජ නියෝගය.මෙම නියෝගය මගින් ප්‍රවේනිදාසයන්ට වන්දි ගෙවා නිදහස් වීමට අවස්ථාව ලබා දුනි.
5.1906 ස්ටෝලිපින් ප්‍රතිසංස්කරණ.මෙම ප්‍රතිසංස්කරණ නිසා වැඩවසම් ක්‍රමය රුසියාව තුල සම්පුර්ණයෙන්ම බිද වැටුණි.
දැන් අප ඉහත සදහන් රටවල දුම්රිය ව්‍යාපාරය පිළිබද කරුණු විමසා බලමු.
ප්‍රංශයේ දුම්රිය ව්‍යාපාරය
1.යුධ භටයින් හා යුධ උපකරණ ප්‍රවාහනයට දුම්රිය සේවයේ අවශ්‍යතාව ප්‍රංශයට පැන නැගුණි.
2.ප්‍රංශ රජය දුම්රිය මාර්ග සෑදීම පුද්ගලික අංශයට ලබා දී රජය එයට අවශ්‍ය ණය පහසුකම් ලබා දුණි.
3.ප්‍රංශ දුම්රිය සමාගම් එංගලන්ත දුම්රිය සමාගම් වල ආධාර ලබා ගන්නා ලදී.
4.1852 – 1857 අතර කාලයේ ප්‍රංශයේ දුම්රිය මාර්ග විශාල ලෙස දියුණුවට පත් වූ අතරම 1870 වන විට සියලුම දුම්රිය මාර්ග සාදා නිම කළහ.
5.ප්‍රංශයේ සමාජවාදී පක්ෂය විසින් දුම්රිය සේවය ජන සතු කරන ලදී.
ජර්මනියේ දුම්රිය ව්‍යාපාරය
1.ජර්මනියේ පවතී ආර්ථික ව්‍යුහය බිද දමමින් දේශපාලන ඒකකයක් වශයෙන් නැගී සිටීමට හේතු වුයේ දුම්රිය ව්‍යාපාරයයි.
2.1834 දී ජර්මනියේ පළමු දුම්රිය මාර්ගය ඉදි වුනි.
3.ජර්මන් අධිරාජ්‍ය ගොඩ නැගීමට වැදගත් මෙහෙයක් ඉටු කලේ දුම්රිය ව්‍යාපාරයයි.
4.හිට්ලර් ජර්මනියේ බලයට පත් වූ පසු දුම්රිය ව්‍යාපාරය දියුණු විය.
රුසියාවේ දුම්රිය ව්‍යාපාරය
1.රුසියාවේ ඒකග්‍රතාවයක් ඇති කිරීමට දුම්රිය ව්‍යාපාරය වැදගත් විය.
2.1 වන ඇලක්සන්ඩර් රජු දුම්රිය ව්‍යාපාරය වැදගත්කම මුලින්ම අවබෝධ කර ගත්තේ ය.
3.රුසියාවේ ජනගහන ප්‍රශ්න විසදීමට ද දුම්රිය ව්‍යාපාරය වැදගත් විය.මේ නිසා ඈත ප්‍රදේශ වලද ජනයා පදිංචි කර වීමට රුසියන් රජයට හැකි විය.
4.අන්තර් සයිබිරියානු දුම්රිය මාර්ගය තැනීම රුසියාවට ආර්ථිකමය වශයෙන් විශාල වටිනාකමක් ගෙන දුන්හ.
උසස් පෙළ
ආර්ථික විද්‍යාව
(සිද්ධාන්ත/පුනරීක්ෂණ)
තනි හෝ කණ්ඩායම් පන්ති
071-7556342 (කොළඹ/ගම්පහ අවට පමණි)
(විශ්ව විද්‍යාල සිසුවෙකු විසින් මෙහෙයවයි)
