බ්‍රිතාන්‍ය ආර්ථික ඉතිහාසය
මෙම ලිපියෙන් බ්‍රිතාන්‍ය ආර්ථික ඉතිහාසය තුල සිදු වූ වැඩවසම් ක්‍රමය,ධාන්‍ය නීති,කෘෂිකාර්මික විප්ලවය පිළිබදව සාකච්චා කරනු ලබයි.
වැඩවසම් ක්‍රමය
බ්‍රිතාන්‍ය වැඩවසම් ක්‍රමයේ ලක්ෂණ :
වැඩවසම් යුගයේදී මිනිස් සබදතා පැවැත්වුයේ පාරම්පරිකව විකාශනය වූ අලිඛිත ගිවිසුමක ස්වරූපයෙනි.මෙම යුගයේ ජිවත් වූ රදලයෝ සිය මාලිගාවන්ද තම ධාන්‍යය මෝල්ද පවත්වා ගනිමින් ජිවත් විය.වැඩවසම් ක්‍රමයේදී අවදානම් දැරීමක් නොමැති අතර හුදෙකලා භාවය කැපී පෙනේ.මිනිසා වෙනුවට පුද්ගල කණ්ඩායම වැදගත් කොට සැලකුහ.මෙහිදී ඇතුළුගම,නිදහස් ඉඩම්,ප්‍රවෙනිදාසයන්ගේ ඉඩම් ලෙස ඉඩම් වර්ග තුනකට බෙදී තිබුණහ.
බ්‍රිතාන්‍ය වැඩවසම් ක්‍රමයේ බිද වැටීමට හේතු
1.14 වන ශත වර්ෂයේ ඇති වූ කළු වසංගතය (මෙම නිසා ශ්‍රමිකයින් විශාල පිරිසක් මිය ගියහ )
2.ජන ගහනය වැඩිවීම ( 11 වන ශත වර්ෂයේදී ජනගහනය බ්‍රිතාන්‍යයේ දසලක්ෂ දෙකක් විය.)
3.වෙළදාමේ ව්‍යාප්තිය හා මුදල් භාවිතය
4.ආගමික විප්ලවය හා විද්‍යා පුනර්ජීවනය ( කතෝලික පල්ලියෙන් ජනයා නිදහස් වී සිටියහ )
5.කෘෂිකාර්මික විප්ලවය ( 1 වන ඉඩම් කොටු කිරීමේ වියාපාරය නිසා )
6.1381 ගොවි කැරැල්ල
බ්‍රිතාන්‍යයේ නව කෘෂි කාර්මික සොයා ගැනීම්
1.චාල්ස් ටවුන්ශේන්ඩ් සාමි - සිවු වැදෑරුම් භෝග මාරු ක්‍රමය
2.ජෙත්රෝ ටල් - ගබුරට පස සැරීමේ ක්‍රමය
3.හෙට් ක්රේටර් - උදලු ගෑමේ ක්‍රමයක්
4.බෙදෆාඩ් - ජලය බැස්සවීමේ ක්‍රමයක්
5.විලියම් කෝක් සහ තෝමස් - මහා පරිමාණ ගොවිතැන් ක්‍රම
6.රොබට් බේක්වල් - සත්ව පාලන විධි
ධාන්‍ය නීති
ධාන්‍ය නීති යනු රජය විසින් කෘෂිකාර්මික ආනයන වලින් අය කර ගනු ලැබූ රේගු බදුය.
ධාන්‍ය නීති ඇති වීමට හේතු :
1815 දී වියනා ගිවිසුමත් සමග යුරෝපයේ සාමය ඇති විය.එම නිසා යුරෝපා රටවල කෘෂිකර්මාන්තය වැඩි විය.නාවික සේවයද යුද කටයුතු වලින් වෙළදාමට නිදහස් විය.එම නිසා එංගලන්තයට යුරෝපා මහද්වීපයෙන් කෘෂිකාර්මික භාණ්ඩ ගලා ආවේය.ඒ නිසා එංගලන්තයේ කෘෂි භාණ්ඩ මිළ පහල ගියහ.එම නිසා පාඩු සිදු වූ බැවින් කෘෂිකාර්මික පන්තිය තීරු බදු රැකවරණය බලාපොරොත්තු වුහ.
ධාන්‍ය නීති වලට පක්ෂව කෙරුණු අදහස් :
1.අනාගත යුධමය තත්වයන්ට මුහුණ දීමට නම් කෘෂිකර්මය රැකගත යුතු බව.
2.එංගලන්තය ආර්ථික වශයෙන් දියුණු කිරීමට වැසියන්ගේ පෝෂණය වැදගත් වීම
3.රජයට විශාල අදායමක් ලබා ගත හැකි බව
ධාන්‍ය නීති වලට විපක්ෂව කෙරුණු අදහස් :
1.රටේ නිෂ්පාදන වියදම අනවශ්‍ය ලෙස ඉහල යාම.( වැටුප් වැඩි කිරීමට සිදු වන නිසා )
2.සෙසු රටවල් කාර්මික වීම වලකාලීමට බදු අය නොකළ යුතු වීම.
3.වෙනත් රටවල් බ්‍රිතාන්‍යයෙන් භාණ්ඩ මිලට ගනු ලබන්නේ එංගලන්තයේ වෙළදපොල විවෘත කර තැබුවහොත් පමණක් වීම.
4.බදු පැනවීම සුළු පිරිසකට පමණක් වාසිදායක වීම.
කෘෂිකාර්මික විප්ලවය
කෘෂිකාර්මික විප්ලවය යනු නිෂ්පාදන ක්‍රම වල ඇති වූ ප්‍රගතියද ඊට අනුකුලව ඉඩම් ප්‍රතිසංවිධානය කර ගැනීම යන ද්විත්ව ක්‍රියාවලියයි.
කෘෂිකාර්මික විප්ලවය සදහා පදනම් වුයේ ආහාර අර්බුදය වේ.එම නිසා බ්‍රිතාන්‍යයේ ආහාර අර්බුදය හට ගැනීමට හේතු විමසා බැලිය යුතුය.
1.ජන ගහනය වැඩි වීම
2.පාරම්පරික වගා ක්‍රම වලින් වැඩි අස්වැන්නක් ලබා ගත නොහැකි වීම
3.1793-1815 අතර කාලයේ හටගත් ධාන්‍ය අස්වනු පාළුව
4.ප්‍රංශ විප්ලවීය යුද්ධය
5.නැපෝලියන්ගේ මහද්වීපික ප්‍රතිපත්තිය
බ්‍රිතාන්‍යයේ කෘෂිකාර්මික විප්ලවය නිසා ඇති වූ නව වගා ක්‍රම
- කෘෂිකාර්මික විප්ලවය නිසා ඵලදාව වැඩි වීමෙන් ඒ අවස්ථාවේදී පවතින උද්ගමනකාරී තත්වය නිසා වැඩි ලාභ ප්‍රමාණයක් අත් කර ගැනීමට හැකි විය.එම නිසා වැසියන් නව වගා ක්‍රම වලට යොමු විය.
- අස්වනු වැඩි කර ගැනීමට සිවු වැදෑරුම් භෝග මාරු ක්‍රමය එනම් ශෂ්‍ය මාරු ක්‍රමයට යොමු විය.
- රොබට් බේක්වෙල්ගේ සත්ව පාලන ක්‍රම අනුව සත්ව පාලනයේ යොමු වීමට ජනය යොමු විය.
උසස් පෙළ
ආර්ථික විද්‍යාව
(සිද්ධාන්ත/පුනරීක්ෂණ)
තනි හෝ කණ්ඩායම් පන්ති
071-7556342(කොළඹ/ගම්පහ අවට පමණි)
(විශ්වවිද්‍යාල සිසුවෙකු විසින් මෙහෙයවයි)
