ජලයයි ජීවය අපේ

 
ජලයයි ජීවය අපේ...

ජලය යනු, සොබා දහම විසින් අපහට ලබා දී ඇති වටිනාම ස්වාභාවික සම්පතයි. විද්‍යාඥයන් විසින් පවසන ආකාරයට පෘථිවිය මත මුලින්ම ජීවයක් ආරම්භ වීමට, උපකාරී වී ඇත්තේද ජලයයි.  ඒ අනුව, අදින් වසර බිලියන ගනනාවකට පෙර පෘථිවිය මත වූ සාගර තුල එසේ මුල්ම ජීවීන් බිහි වී ඇති බව විශ්වාස කරයි. 
 
පෘථිවියේ ජල ව්‍යාප්තිය ගත්කල, පෘථිවියේ මුලු භූමි ප්‍රමාණයෙන් 71%ක් පමණ ජලයෙන් වැසි පවතින අතර, 
සාගර ජලය හෙවත් කරිදිය 97.5%
ගොඩබිම ජලය හෙවත් මිරිදිය 2.5% ක් පවතී. 
 
මිහිතලයෙන් 71%ක් ජලයෙන් වැසී තිබුනද ජලය සීමිත ස්වාභාවික සම්පතක් ලෙස හඳුන්වයි. එයට හේතුව මෙම ජල ප්‍රභයන් බොහෝමයක් භාවිතයට ගත නොහැකි ආකාරයෙන් පෘථිවිය මත පැවතීමයි. ඒ අනුව මුළු ජල පරිමාවෙන් ප්‍රයෝජනයට ගත හැක්කේ  1% පමණ ඉතා සුළු ජල ප්‍රමාණයකි. 
 
මිනිස් සිරුරේද වැඩිපුර අඩංගු වන්නේ ජලයයි. ඒ මිනිසෙකුගේ දේහ බරින් 50%ක පමණ අගයකි.  
මේ අනුව ජලය ජීවී හා අජිවී පරිසරය අතර මනා සබඳතාවයක් ගොඩනගා ගනිමින් ජීවීන්ගේ පැවැත්මට අත්‍යවශ්‍ය සම්පතක් බවට පත්වී ඇත.
 
♥භෞතික අවස්තාව අනුව ජලය වර්ග කල හැකිය 
 
ස්වාභාවික පරිසරය තුල ඝන , ද්‍රව හා වායු යන ආකාර තුනටම ජලය  දක්නට ලැබේ. 
 
#ඝන ආකාරය 
පෘථිවිය මත උශ්ණත්වය අඩු අගයක් ගන්නා ධ්‍රැවාසන්න ප්‍රදේශ වල අපට ස්වාභාවිකවම ඝන අවස්තාවේ පවතින ජලය දකනට ලැබේ. මීට අමතරව ඇතැම් ශීත රටවල හිම ලෙස දක්නට ලැබෙන්නේද ඝන අවස්තාවේ පවතින ජලයයි. ඝන අවස්තාව සඳහා උදාහරණ වන්නේ ග්ලැසියර්, හිම, අයිස්
 
#ද්‍රව ආකාරය 
සාමාන්‍ය උශ්ණත්වයේදී ජලය ද්‍රව  ආකාරයෙන් පවතින අතර අප බොහෝ විට ජලය ලෙස හඳුන්වන්නේ මෙම ද්‍රව අවස්තාවේ පවතින ජලයයි. උදාහරණ ලෙස ගංගා, ඇළ, පොකුණ, සාගර, ළිං තුල පවතින ජලය දැක්විය හැකිය.
 
#වායු ආකාරය
වායු ගෝලය තුල පවතින ජලය වායු ආකාරයෙන් පවතී. ඒ ජල වාශ්ප ආකාරයටය. වායුගෝලය තුල 8%ක් පමණ ජල වාශ්ප අඩංගු වේ.
 
මේ අනුව ස්වාභාවික පරිසරය තුල විවිධ අවස්තාන්හි, විවිධ පරිසර තත්ව යටතේ ජලය විව්ධ ආකාර වලින් පවතී. 
 
♥ලවණතාව අනුව ජලය වර්ග කිරීම 
ජලයේ දියවී ඇති මුළු ලවණ ප්‍රමාණය එම ජලයේ ලවණතාව ලෙස හැඳින්විය හැකිය. එම ලවණතාව පදනම්කර ගනිලින් ජලය මිරිදිය, කරදිය හා කිවුල්දිය ලෙස ආකාර 3කට බෙදා වෙන් කරයි.
 
*මිරිදිය - ඉතා අඩු ලවණ ප්‍රමානයක් දිය වී ඇත. ගංගා, වැව්, ආදියෙහි ඇති ජලය මෙසේ හඳුන්වයි.
 
*කරදිය - ඉතා අධික ලවණ ප්‍රමාණයක් මෙම ජලයේ දිය වී ඇති අතර සාගර ජලය මීට උදාහරණයකි. 
 
*කිවුල්දිය - සාගර ජලයේ තරමට නොවූවද, මිරිදියට වඩා වැඩි ලවණ ප්‍රමාණයක් කිවුල්දියෙහි දියවී ඇතිඅතර කලපු ආශ්‍රිතව කිවුල්දිය හඳුනා ගත හැකිය.
 

මිනිසාට ජලය වැදගත් වන ආකාර,
 
01. මානව ක්‍රියාකාරකම් සඳහා
02. ජීවය පවත්වා ගැනීම සඳහා
 
1.මානව ක්‍රියාකාරකම් සඳහා
එදිනෙදා මානව ක්‍රියාකාරකම් සඳහා ජලය අත්‍යවශ්‍ය සාධකයකි. ගෘහස්ත පරිභෝජනයට මෙන්ම, විවිධ කර්මානතයන්ට (කෘශිකර්මය), ජල ක්‍රීඩා, ප්‍රාවහනකටයුතු හා සනීපාරක්ෂක කටයුතු සඳහාද ජලය අත්‍යවශ්‍ය වේ.
 
2.ජීවය පවත්වා ගැනීමට 
ජලය තුල ජීවය බිහි වූ දා පටන් අද දක්වාම ජීවීන්ගේ ජීව ක්‍රියා පවත්වා ගැනීමට ජලය ඉතා වැදගත් සාධකයක් ලෙස ක්‍රියා කරයි. 
එසේ ජීවින්ට ජීවය පවත්වා ගැනීමට ජලය උපකාරීවන අකාර නම්,
 
*ජීවී දේහ උශ්ණත්වය නියමිත පරිදි පවත්වා ගැනීමට 
*ශාක කඳ සෘජුව තබා ගැනීමට
*ජීවී දේහ තුල පෝශක පරිවහනයට
*බහිස්‍රාවී මාද්‍යයක් ලෙස
*ශාක තුල ආහාර නිපද වීමට (ප්‍රභාසංස්ලේෂණය)
*ශාක තුලට පෝශක උරා ගැනීමට (ඛනිජ,ලවණ)
*ජීවීන්ට ජීවත් වීමේ මාධ්‍යයක් ලෙස(ජලජ ජීවීන්)
 
ජල දූශණය

ජලයට විවිධ අපද්‍රව්‍ය එක්වීමෙන්, එහි වර්ණය, සුවඳ වෙනස් වී මිනිසාට පරිභෝජනයට නුසුදුසු තත්වයට පත්වීම ජල දූශණය ලෙස හඳුන්වයි. 
ජලය දූශණයට හේතු වන්නේ,
 
*කර්මාන්තශාලා වලින් විවිධ අපද්‍රව්‍ය ජලයට බැහැර කිරීම,
*ගොවි බිම් වලින් කෘශි රසායනික ද්‍රව්‍ය ජලයට එක් වීම,
*නාගරික කැලි කසල ජලයට එක් වීම,
*පොලිතීන් හා ප්ලාස්ටික් වැනි නොදිරන අපද්‍රව්‍ය ජලයට එක් වීම,
යන ආදී මානව ක්‍රියාකාරකම් ය.
 
ජලය දූශණය වීමෙන් එම ජලය මිනිස් පරිභෝජනයට නුසුදුසු වනවා පමනක් නොව ජලජ ජීවින්ගේ පැවැත්මට ද  තර්ජනයක් සිදුවේ. දූශ්‍ය ජලය පානය කිරීම නිසා පාචනය, කොලරාව හා වකුගඩු ආශ්‍රිතව රෝග ඇතිවීමේ අවදානමක් ද පවතී. 
 
ජීවය බිහිවීමෙහි සිට අද දක්වා මිනිසා ඇතුළු අනෙකුත් ජීවීන්ට ජීවය පවත්වා ගැනීමට අමිල මෙහෙයක් සිදු කරන ජලය රැක ගැනීම අප යුතුකමකි.
මක්නිසාද,
ජලය ජීවයයි අපේ...