1 පාඩම, බුදු සිරිතේ පළමු විසි වස (ඉගැන්වීම් උපකාරක කෙටි සටහන්)

බුද්ධත්වයෙන් පසු පළමු වසර 20 තුල සිදුවූ වැදගත් සිදුවීම් පිළිවෙලින් පහත දැක්වේ.

බුදුරජාණන් වහන්සේ පළමුව දහම් දෙසීම සඳහා ආලාරකාලාම, උද්දකරාම පුත්ත තවුසන් දෙදෙනා මියගොස් සිටි බැවින් පස්වග තවුසන් සොයා ඉසිපතනයට වැඩම කළහ.

ඇසළ පොහෝ දිනයේදී ධම්මචක්කප්පවත්තන සූත්‍ර දේශනාව ශ්‍රවණය කළ පස්වග තවුසන් සෝවාන් වූ අතර පසුව අනත්තලක්ඛණ සූත්‍ර දේශනාව ශ්‍රවණයෙන් රහත් ඵලයට පත් වූහ.

ප්‍රථම රහත් හැට නම හෙවත් ප්‍රථම ධර්ම ධූත පිරිස,

1. පස්වග මහණුන්.

2. යසකුල පුත්‍රයා හා යහළුවන් 54 දෙනා.

දෙවන ධර්ම ධූත පිරිස,

1. භද්දවග්ගිය කුමාරවරු 30 දෙනා.

තෙවන ධර්ම ධූත පිරිස,

1. උරුවෙල් කාශ්‍යප, නදී කාශ්‍යාප, ගයා කාශ්‍යාප (තුන් බෑ ජටිලයන්) ප්‍රමුඛ 1000 ක් පිරිවර.

රජගහ නුවරට වැඩමකළ බුදුරජාණන් වහන්සේ හමුවූ බිම්බිසාර ජරතුමා දහම් අසා සෝවාන් වූ අතර බුදු සසුනේ ප්‍රථම ආරාම පූජාව සිදු කළේය.
- වේළුවනාරාමය.

අස්සජී තෙරණුවන්ගෙන් දහම් ඇසූ උපතිස්ස පිරිවැජියා තම මිත්‍ර කෝලිත පිරිවැජියා සමග ගොස් සැරියුත් හා මුගලන් නමින් පැවිදි වී බුදුරදුන්ගේ අගසව් තනතුරට පත් වූහ.

සුද්ධෝදන රජතුමාගේ ආරාධනයෙන් කිඹුල්වත් නුවර නිග්‍රෝධාරාමයට වැඩම කළ බුදුරදුන් එහිදී නන්ද කුමාරයාත්, රාහුල කුමාරයාත් පැවිදි කරවන ලදි.

පසුව රජගහ නුවර වේළුවනාරාමයට වැඩම කළ බුදුරදුන් එහිදී විශාලා මහනුවර තුන්බිය දුරු කිරීමට රතන සූත්‍රය දේශනා කළ සේක.

සටහන:-

තුන් බිය,

1. රෝග බිය
2. අමනුශ්‍ය බිය
3. දුර්භීක්ෂ බිය

ජේතවනාරාමය (දෙව්රම්වෙහෙර) පූජාකළ අනේපිඬු සිටුතුමන් දහම් අසා සෝවාන් වූවේය.

බුදුරදුන් රජගහනුවර සිටින සමයේ සිදුවූ වැදගත් සිදුවීම් කිහිපයක් පහත දැක්වේ.

1. සුනීත, සෝපාක ආදී අසරණයන් බුදු සසුනේ පැවිදි වීම.

2. රෝහිණී ගඟේ ජලය පිළිබඳව ශාක්‍ය කෝලිය ගැටුම සංසිඳවීම.

3. මහා ප්‍රජාපතී ගෝතමී දේවියගේ ඉල්ලීම පරිදි භික්ෂුණී ශාසනය පිහිටු වීම.

බුද්ධත්වයෙන් පළමු විසි වසර තුල සිදුවූ තවත් සිදුවීම් කිහිපයක් පහත දැක්වේ.

1. තවුතිසා දෙව්ලොවදී මාතෘ දිව්‍යරාජයාට අභිධර්මය දේශනා කිරීම.

2. ආලවක යක්ෂ දමනය.

3. අනඳ තෙරණුවන් අග්‍ර උපස්ථායක ලෙස පත් කිරීම.

සටහන:-

බුදු සිරිතේ මුල් විසි වස පිළිබඳ වැඩිදුර විස්තරයක් සඳහා 10 ශ්‍රේණිය (පැරණි නිර්දේශය) දෙවන පාඩම වන “බුදු සිරිතේ මුල් විසි වස“ සහ ඊට අදාල ඉගැන්වීම් උපකාරක කෙටි සටහන් බලන්න.