බලශක්ති අර්බුදය සහ ඊට පිළියම් (6)
බලශක්ති අර්බුදය සහ ඊට පිළියම් (6)
(විද්‍යාව පෙළ පොත් ,විජය පුවත්පත හා අන්තර්ජාලය අැසුරෙනි)
- සුළං ශක්තිය
විදුලිබලය උත්පාදන කිරීමේ විකල්ප ක්රම ලෙස ගල් අඟුරු හා තෙල් සැලකුවොත් ගල් අඟුරු ලංකාවේ නැත. තෙල් තිබේදැයි තවමත් හඳුනාගෙන නැත. එම නිසා විකල්ප විදුලි උත්පාදන ක‍්‍රමලෙස පුනර්ජනනීය බලශක්තිය පිළිබඳව අවධානය යොමුකිරීම වඩාත් ප‍්‍රතිඵලදායි වේ.
සුළං බලයෙන් විදුලිය උත්පාදනය කිරීම අපරටට ගැළපෙන සාර්ථක විකල්පයකි.
දැනට මෙගාවොට් 90 ක විදුලි ධාරිතාවක් සුළං බලයෙන් විදුලිය උත්පාදනය කරයි. මන්නාරමේ සුළංබලයෙන් විදුලිය උත්පාදනය කිරීමේ වැඩපිළිවෙලක් සකස් කරන්නට ආණ්ඩුව අවධානය යොමු කර ඇති අතර පෞද්ගලික අංශයන්ද මේ විකල්ප විදුලිබල උත්පාදනය සඳහා ආයෝජකයන් ඉදිරිපත් වී තිිබේ. එහිදී තාක්‍ෂණික ප‍්‍රශ්නයක් මතු වී ඇතත් ඒ පිළිබඳවද ජපන් ආධාර මත වෙනම අධ්‍යනයක් සිදුවේ.
සුළං බලය යොදාගෙන ජලවිදුලිය නිෂ්පාදනය කිරීමද තවත් එක් විකල්ප බලශක්ති විශේෂයකි. අප රට පිළිබඳව සැලකිලිමත් වුවහොත් ලංකාවේ ඊසාන දිගට වසරේ එක් කාලයකදීත් නිරිත දිගට තවත් කාලයකදීත් තද සුළං ලැබෙන තත්ත්වයක් පවතී.
ලංකාවේ හැම ප‍්‍රදේශයක්ම පාහේ එළිමහන් බිම් ලෙස නොපවතින නිසාත් භූ විෂමතා නිසාත් සුළං බලයෙන් විදුලිය නිෂ්පාදනය කිරීම සෑම ප‍්‍රදේශයකම පාහේ කිරීමට නොහැකි වෙයි. එහෙත් සුළං බලයෙන් විදුලිය නිපදවීමේදී භාවිත කරන අවර පෙත්ත කැරකැවෙන්නට අවශ්‍ය සුළඟ සහ එය ස්ථාපිත කරන්නට අවශ්‍ය භූ සාධක ලංකාවේ මුහුදු බඩ ප‍්‍රදේශවල පවතී. ඒ සඳහා මුදල් ආයෝජනය කළ හැකි නම් සුළං බලයෙන් විදුලිය නිපදවීමෙන් ලබාගන්නා විදුලි ධාරිතාවද ලංකාවේ විදුලිබල පරිභෝජනය සඳහා යොදාගත හැකියි. නෙදර්ලන්තය, ඇමෙරිකාව වැනි රටවල් මෙම බලශක්ති ක‍්‍රමවේද කෙරෙහි යොමු වී සිටියි.
- ඉන්ධන කෝෂ
ඉන්ධන කෝෂයක් යනු හයිඩ්‍රජන් වායුවෙන් විදුලිය උපදවාගැනීමට යොදන ක්‍රමයකි. ඒ සඳහා එම වායුව දහනය නො කරන අතර එය ඔක්සිජන් සමඟ රසායනික ප්‍රතික්‍රියාවක ට භාජන කිරීමෙන් විදුලිය නිපදවෙයි. හයිඩ්‍රජන් වායුව යොදාගැනීමෙන් ලැබෙන අතුරු පල වන්නේ තාපය සහ ජලය පමණයි.
බ්‍රිතාන්‍ය විනිසුරුවෙක් සහ භෞතික විද්‍යාඥයෙක් වූ ශ්‍රීමත් විලියම් ග්‍රෝව් පළමු ඉන්ධන කෝෂය 1839දී නිපදවන ලදී. කෙසේ වුවත් මෙම ඉන්ධන කෝෂ නිපදවීම ට විශාල මුදලක් වැය වූ අතර ඉන්ධන සහ අවශ්‍ය වෙනත් ද්‍රව්‍ය ලබාගැනීම අපහසු කාර්යයක් විය.එම නිසා මෙම තාක්ෂණය දියුණු කිරීම අසීරුවිය. කෙසේ වෙතත් 20වන සියවසේ මැද භාගයේදී අමෙරිකානු අභ්‍යවකාශ යානා සඳහා බලය සැපයීම ට මෙම ඉන්ධන කෝෂ නිපදවීම අැරඹිණි. අද දින පවා අභ්‍යවකාශ යානා ඉන්ධන කෝෂ භාවිත කරයි. නමුත් දැන් පොළොවේදී ත් එම තාක්ෂණය භාවිත කළ හැකි ක්රම දියුණු කෙරෙමින් පවතී.
රථ වාහනවල තිබෙන එන්ජිම් වෙනුව ට, ව්‍යාපාර ගොඩනැඟිලි මෙන් ම නිවෙස්වල විදුලි බලය සපයාගැනීම ට වාගේ ම ජංගම දුරකථන සහ පරිගණක වැනි කුඩා විද්‍යුත් උපකරණ සඳහා යොදාගැනීම ට අද දින වන විට ඉන්ධන කෝෂ නිපදවා ඇත.
- දර
දරවලින් විදුලි නිෂ්පාදන බලාගාර 4 ක් දැනට ඇති අතර ඉන් මොගාවොට් 11 ක් පමණ නිෂ්පාදනය කරන අතර ඉදිරියේදී මොගාවොට් 600 ක් පමණ නිෂ්පාදන ඉලක්කයට ළඟා වීමේ හැකියාව තිබේ.
ශ්‍රී ලංකාව විකල්ප බලශක්ති ක‍්‍රමවේද කෙරෙහි යොමුවෙනවානම් ඒ සඳහා අවශ්‍ය විකල්ප සම්පත් අප රටේ ඕනෑ තරම් පවතී.
