රාජකාරි ලිපියක් හා අත් පත්‍රිකාවක් සකස් කරමු
පහත දැක්වෙන ප්‍රශ්නයන්ට අනුව රාජකාරි ලිපික් සකස් කල හැකිය.
දීර්ඝ කාලයක් තිස්සේ ප්‍රදේශවාසීන්ගේ ජීවිතවලට මෙන් ම වගාකටයුතු වලට ද වනඅලියන්ගෙන් බාධා පැමිණෙමින් තිබේ. පාසල් දරුවන්ගේ අධ්‍යාපන කටයුවලටත්, සාමාන්‍ය මිනිසුන්ගේ එදිනෙදා කටයුතුවලටත් මෙමගින් එල්ල වන්නේ විශාල තර්ජනයකි. මෙම ව්‍යසනයට මුහුණ පා සිටින දඹුල්ල ප්‍රදේශයේ බගවන්කුලම ග්‍රාමයේ ප්‍රජා සංවර්ධන සමිතියේ ලේකම් ධූරය හොබවන පුබුදු තිලකරත්න ඔබ යයි සිතා, ගම්වාසීන් එකතු වී මෙම උවදුර මැඩපැවැත්වීම සදහා සම්මත කර ගත් යෝජනා දඹුල්ල අඩවි වන නිලධාරි වෙත දන්වමින් ඒවා කඩිනමින් ක්‍රියාවට නැංවිමට අවශ්‍ය පියවර ගන්නා ලෙස කෙරෙන ඉල්ලීම ද සහිත ලිපිය සකස් කර යුතුයි එම ලිපිය මෙ ආකරයට සකස් කරයුතුයි,
පුබුදු තිලකරත්න,
ලේකම්,
ප්‍රජා සංවර්ධන සමිතිය,
බගවන්කුලම,
දඹුල්ල.
2017.10.08
අඩවි වන නිලධාරිතුමා,
දඹුල්ල.
මහත්මයානෙනි.
ප්‍රදේශවාසී ජනතාව වනඅලි උවදුරින් බේරා ගැනීම.
කලක් පටන් දඹුල්ල ප්‍රදේශවාසීන් වනඅලින්ගෙන් වන බාධා අපමණ ය. මිනිසුන්ගේ එදිනෙදා කටයුතුවලට හා දරුවන්ගේ අධ්‍යාපන කටයුතුවලට මෙය බලවත් තර්ජනයකි.
ඔවුන් දිවා රෑ කල් ගෙවන්නේ කවර මොහොතක අලි උවදුරට ගොදුරු වේදැ’ යි යන බියෙනි.
මෙම ව්‍යසනයෙන් මිදීමට ගම්වාසීන් විසින් සම්මත කරගත් යෝජනා කිහිපයක් පහත දැක්වේ.
- ආහාර සොයමින් ගම් වදින අලින්ට ආහාර, තෘණ වර්ග, ජලය පිරි කලාප ස්ථාපිත කිරීම.
- මිනීමරු අලි හදුනාගෙන උන් වෙනුවෙන් විශේෂ ක්‍රියාමාර්ගයක් ගැනීම.
මෙම යෝජනා කඩිනමින් ක්‍රියාත්මක කිරීම සදහා ඔබතුමාගේ අවධානය යොමුකරන මෙන් කාරුණික ව ඉල්ලා සිටිමි.
ස්තුතියි,
මෙයට,
විස්වාසී,
...................... අස්සන
( පුබුදු තිලකරත්න.)
රැකියා විරහිත තරුණ තරුණියන් සදහා ස්වයං රැකියා පුහුණු මධ්‍යස්ථානයක් පිහිටුවිය යුතු බව ද ඊට සුදුසු ගොඩනැගිල්ලක් ඉදි කළ යුතු බව ද කුරුණැගල පුබුදු යෞවන සමාජයේ මාසික රැස්වීමේ දී තීරණය කෙරිණි. යෞවන සමාජයේ ලේකම් වන තිලකරත්න පුබුදු ඔබ යැයි සිතා ස්වයං රැකියා පුහුදු මධ්‍යස්ථනයක් පිහිටුවීමෙන් ප්‍රදේශයේ තරුණ තරුණියන්ට සිදුවන සේවය පිළිබද අවධාරණය කරමින් දැනට ප්‍රජා ශාලාව පවතින භූමියේ නව ගොඩනැගිල්ල ඉදි කිරීම සදහා අවසර ඉල්ලමින් ප්‍රාදේශිය ලේකම් වෙත යැවීමට සුදුසු ලිපියක් සකස් කරන්න.
තිලකරත්න පුබුදු,
ලේකම්,
පුබුදු යෞවන සමාජය,
කුරුණෑගල.
2017.10.08
ලේකම්තුමා,
ප්‍රාදේශීය සභාව,
කුරුණෑගල.
මහත්මයාණෙනි,
ස්වයං රැකියා පුහුණු මධ්‍යස්ථානයක්
පිහිටුවීම සදහා
කුරුණෑගල පුබුදු යෞවන සමාජයේ මාසික රැස්වීමේ දී රැකියා විරහිත තරුණ තරුණියන් සදහා රැකියා පුහුණු මධ්‍යස්ථානයක් පිහිටුවීමට තීරණය විය.
ආර්ථික, සාමාජික ප්‍රශ්නාවලියකට මුහුණ පා ඇති රැකියා විරහිත තරුණ තරුණියන් සියයකට වැඩි පිරිසක් අප සමාජයේ සාමාජිකත්වය දරන අතර, ඉදිරියේ දී එය වැඩිවනු ඇත.
ස්වයං රැකියා අවස්ථා ලබාදීමෙන් මෙම තරුණ ගැටලුව තරමක් හෝ විසදිය හැකි බව අප බොහෝ දෙනකුගේ අදහස්යි. ඔවුන්ට අතහිත දීමක් වශයෙන් ඉදිවන මෙම ගොඩනැගිල්ල ගමේ ප්‍රජා ශාලා භූමියේ තනා ගැනීමට ඔබතුමාගේ අවසරය ලබාදෙන ලෙස කාරුණිකව ඉල්ලා සිටිමි.
ස්තුතියි,
මීට විශ්වාසී,
තිලකරත්න පුබුදු
ලේකම්.
පහත දැක්වෙන ප්‍රශ්නයට අනුව අත් පත්‍රිකාවක් සකස් කල හැකිය.
ප්‍රදේශයේ බහුල ව වැවී, ප්‍රයෝජනයට නොගෙන අපතේ යන පලතුරු වර්ග බෝතල්වලට අසුරා දෙස් - විදෙස් වෙළෙදපොවලට අලෙවි කිරීමෙන් ආදායම් උපයා ගත හැකි ස්වයං රැකියා ව්‍යාපෘයක් ආරම්භ කිරීමට ඔබගේ යෞවන සමිතිය විසින් තීරණයකර ඇත. ප්‍රදේශයේ පිළිගත් බැංකුවක් මූල්‍ය ප්‍රතිපාදන ලබා දීමටත්, කෘෂිකර්ම දෙපාර්තමේන්තුව අවශ්‍ය විශේෂඥ දැනුම ලබා දීමටත් එකගතාව පළකොට තිබේ. මෙම තොරතුරු ඇතුළත් කරමින් ප්‍රදේශයේ රැකියා විරහිත තරුණ - තරුණියන්ට මෙම ව්‍යාපාරයට සම්බන්ධ වීම සදහා උනන්දුවක් ඇති කෙරෙන ආකාරයේ ආකර්ෂණීය අත් පත්‍රිකාවක් සකස් කරන්න.
විරකියාවට තිත - රැකියාවට අත
දියුණු ආර්ථිකයක් සහිත සෞභාග්‍යවත් දේශයක් බවට අප රට පත් කිරීමට නම්,..
- රැකිය විරහිත තරුණ තරුණියන් ප්‍රාදේශීය මටිටමෙන් කවර හෝ ව්‍යාපාරයකට සම්බන්ධ වීම වැදගත් වේ.
- රජයේ ක්‍රමෝපාන්ට අනුකුල ව ස්වයං රැකියා ව්‍යාපෘතියක් අප ප්‍රදේශයේ ආරම්භ කිරිමට ආලෝකපුර පුබුදු සමාජය තීරණකොට ඇත.
- ගස් යට වැටී අපතේ යන අඹ, වරකා ආදී පලතුරු බෝතල්කර දේශීය හා විදේශීය වෙළදපොළට අලෙවි කිරිමෙන් හොද ආදායමක් ලැබිය හැකි ය.
- මේ සදහා ප්‍රදේශයේ පිළිගත් බැංකුවකින් මූල්‍ය පහසුකම් ලැබෙන අතර, කෘෂිකර්ම දෙපාර්තමේන්තුව අවශ්‍ය විශේෂඥ දැනුම ලබා දීමට කැමැත්තෙන් සිටී.
- මෙම ව්‍යාපාරයට බැදි සරු ආදායමක් ලැබීමට ඔබ ද දිරි ගන්න.
තිලකරත්න පුබුදු
ලේකම්,
දිනය : 2017.10.08 පුබුදු සමාජය,
දොඩම්ගස්ලන්ද.
