වල් පැළෑටි - 01

වල් පැළෑටි 
 
වගා කරන ලද බෝගය හැරුණු විට එම වගා භූමියේ වැඩෙන ඕනෑම පැළෑටියක් වල් පැළෑටියක් ලෙස හැඳින්වේ. එනම් තක්කාලි වගා භූමියක වැවෙන මිරිස් පැලය, එම තක්කාලි වගාවට වල් පැළෑටියක් වේ. තවත් ආකාරයට කිවහොත් ඕනෑම අවස්තාවකදී වගාවෙන් ඉවත් විය යුතු යැයි හැඟෙන ඕනෑම පැළෑටියක් වල් පැළෑටියක් ලෙස හැඳින්වේ. 
වල් පැළෑටි වලට අහිතකර තත්ව යටතේ වුවද සාර්තකව වර්ධනය විය හැකිය. එමෙන්ම මේවායේ ජීවන චක්‍රය කෙටි අතර ශක්තිමත් මූල පද්ධතියක් හිමිය. විවිධ ව්‍යාප්ත ක්‍රම මගින් සීග්‍රයෙන් ව්‍යාප්ත වන මෙම වල් පැළෑටි, පළිබෝධ සඳහා හොඳින් ඔරොත්තු දේ.
 
 
 
වල් පැළෑටි මගින් ලැබෙන ප්‍රයෝජන smile 
 
කෙතරම් අවාසි දායක වූවද වල් පැළෑටි මගින්ද විවිධ ප්‍රයෝජන මිනිසාට හිමිවේ. 
 
උදාහරණ,
 
♦වගා නොකරන බිමක ඇති වල් පැළෑටි නිසා පාංශු ඛාදනය වළකී
♦පාංශු ජලය වාශ්පීකරණය අවම කරයි
♦වල් පැළ දිරාපත් වීමෙන් පසට කාබනික ද්‍රව්‍ය එක් වේ
♦ඇතැම් ශාක අලංකාරය සඳහා වගා කල හැකිය 
♦ගවයන්ට, එළුවන්ට හා වෙනත් සතුන්ට ආහාරයක් වේ.
♦ඇතැම් වල් පැළෑටි ඖෂධ වශයෙන් මිනිසාට ප්‍රයොජනවත් වේ
♦ඇතැම් වල් පැළෑටි කෘමීන්ට විශ සහිත නිසා කෘමි උවදුරු පාලනයට යොදාගත හැකිය
 
 
වල් පැළෑටි මගින් වන හානි undecided
 
♥බෝග වල වර්ධනය අඩු කිරීම මගින් බෝග අස්වැන්න අඩු වීම
වල් පැළ ශාක පෝශක, පාංශු ජලය, ඉඩකඩ හා හිරු එළිය සඳහා බෝග සමග තරඟ කරයි. එමගින් බෝගය දුර්වල වී අස්වැන්න අඩු වේ.
 
♥රෝග හා පළිබෝධ පාලනයට යන වියදම් වැඩි වීම 
බොහෝ වල් පැළ පළිබෝධ හා රෝග කාරකයන් සඳහා විකල්ප ධාරකයන් ලෙස ක්‍රියා කරයි. බෝගය ක්ශේත්‍රයේ නොමැති කාලයේදී මෙම පළිබෝධ වල් පැල මත තම ජීවන චක්‍රය ගෙවා නැවත බෝගය ක්ශේත්‍රයේ සංස්තාපනය කල පසු ආක්‍රමණය කරයි. මේ නිසා වසරින් වසර රෝග හා පළිබෝධ පාලනයට යන වියදම වැඩිය. 
 
♥ගොවියාගේ කාර්‍යක්ෂමතාවය අඩුවේ
කටු සහිත වල් පැළ නිසා ගොවියාට තම වගා කටයුතු කරගෙන යාමට භෞතික අපහසුතා ඇති වේ. එවිට ශ්‍රමයේ කාරයක්ශමතාවය අඩු වේ.
 
♥සමහර වල් පැළ ගොවිපොළ සතුන්ට විශ වීම 
සුළු ගොවීන්ගේ ගොවිපොළ සතුන් නිදැල්ලේ උලා කමින් ජීවත් වන අතර එවිට සමහර වල් පැල විශ වීමට ඉඩ තිබේ. සමහර වල් පැළ දෙනුන්ගේ කිරිවල වර්ණයටද බල පෑ හැක.
 
♥භූමියේ වටිනාකම අඩු වීම
බහු වාර්ශික වල් පැළ අධික ලෙස බෝ වූ විට එම භූමිය වගාවට නුසුදුසු හෝසුදුසු බව අඩු භූමියක් බවට පත් වේ. එවිට භූමියේ වටිනාකම අඩු වේ. 
 
 
වල් පැළෑටි වර්ගීකරණය 
ස්වාභාවිකව වල් පැළෑටි විශාල සංඛ්‍යාවක් දක්නට ලැබෙන අතර ඒවා රූපියව, කායිකව හා වෙනත් ආකාර වලින් එකිනෙකට වෙනස් වේ. වල් පැළෑටි වර්ගීකරණයේ ප්‍රධාන අරමුණ වන්නේ වල් පළ හඳුනා ගැනීම පහසු වීමත්,පාලනය කරගැනීම පහසු කර ගැනීමත්‍ ය. 
 
වල් පැළ වර්ගීකරණය ආකාර කිහිපයකට කල හැකිය.
 
01. ජීවන චක්‍රයේ දිග අනුව
02. රූපාකාරය අනුව
03. වැඩෙන පරිසරය අනුව
 
 
ජීවන චක්‍රයේ දිග අනුව වල් පැළ වර්ග කිරීම 
 
ජීවන චක්‍රයේ දිග අනුව වල් පැළ කාණ්ඩ තුනකට බෙදිය හැකිය.
 
01. ඒක වාර්ශික වල් පැළෑටි 
එක් වර්ශයක් තුල හෝ එයට අඩු කාලයක් තුල ශාකයේ වර්ධනය නිම කර පුෂ්ප හා බීජ හට ගැනීමෙන් පසු මියයාම සිදුවන වල්පැළෑටි මෙයට අයත් වේ. 
උදාහරණ,
මොණරකුඩුම්බිය
කඩුපහර
කුප්පමේනියා
ගිරාපලා
 
02. ද්වි වාර්ශික වල් පැළෑටි 
මේවායේ ජීවන චක්‍රය එක් වර්ශයකට වඩා වැඩි නමුත් වර්ශ දෙකකට වඩා අඩුය. පළමු වර්ශය තළ වර්ධක වර්ධනය සිදු වී, දෙවන වර්ශයේ පුශ්ප හට ගෙන බීජ නිපදවා මිය යයි. 
උදාහරණ,
ඇත් අඩි
වල් හෙන්දිරික්කා
කරල් හැබ 
 
03. බහු වාර්ශික වල් පැළෑටි 
වසර දෙකකට වඩා වැඩි කාලයක් ජීවත් වන වල් පැළෑටි වේ. මේවා වාර කිහිපයක් පුශ්පීකරණය වී බීජ නිපදවයි. 
උදාහරණ,
මානා
ගඳපාන
කලාදුරු
 
 
රූපාකාරය අනුව වල් පැළෑටි වර්ගීකරණය 
 
වල්පැළෑටි වල රූපාකාරය අනුව පහත ආකාරයට වර්ගීකරණය කල හැක. 
 
01. පළල් පත්‍ර වල් පැළ
පත්‍ර පළල්‍ ය. ජාලාකාර නාරටි ඇත. 
උදාහරණ,
වල් කරාබු
හුළංතලා
වතුපාළු
 
02. තෘණ වර්ග 
පත්‍ර සිහින්‍ ය. සමාන්තර නාරටි ඇත.
උදාහරණ
ඇටවරා
වෙල් මාරුක්
බට දැල්ල
 
03. පන් වර්ග 
තෘණ වර්ග වලට බොහෝ දුරට සමානය. ශාක දණ්ඩ ත්‍රිකෝණාකාර වේ.
උදාහරණ 
තුනැස්ස
කළඳුරු
කුඩමැට්ට
 
 
වැඩෙන ස්තානය අනුව වල් පැළෑටි වර්ගීකරණය 
 
මෙහි වල් පැළෑටි ආකාර දෙකක් හඳුනා ගත හැකිය.
 
01. ගොඩබිම වැඩෙන වල් පැළෑටි 
උදාහරණ 
කුප්පමේනියා 
නිදිකුම්බා 
තුත්තිරි
 
02. ජලයේ වැඩෙන වල් පැළෑටි 
උදාහරණ 
දිය හබරල
ගිරාපලා 
ජපන්ජබර