අභිධර්මය 7 පාඩම (ඉගැන්වීම් උපකාරක කෙටි සටහන්) - 10-වසර දහම් පාසල (බෞද්ධ)

අභිධර්මය 7 පාඩම (ඉගැන්වීම් උපකාරක කෙටි සටහන්)

නිවන II , III

      සකදාගාමී ආර්ය ශ්‍රාවකයා

  • සෝවාන් වූ පුද්ගලයා,

    1. කාමරාග

    2. පටිඝ

    යන සංයෝජන ධර්ම දෙක තුනී කිරීමෙන් සකදාගාමී වේ.

    කාමරාග - පංචකාම වස්තූන්ට ඇලුම් කිරීම කාමරාගයයි.

    පටිඝ - සිතෙහි ඇතිවන ගැටීම හෙවත් ද්වේශය පටිඝයයි.

  • සතර අපාය, මිනිස් ලොව, සදෙව් ලෝ යන ලෝක 11 කින් යුක්ත කාම ලෝකය ඕරම්භාග යන නමින් හඳුන්වයි.

  • ඕරම්භාගයෙහි උප්පත්තිය ලබා දෙන,

    1. සක්කාය දිට්ඨි

    2. විචිකිච්ඡා

    3. සීලබ්බත පරාමාස

    4. කාමරාග

    5. පටිඝ

    යන සංයෝජන ධර්ම 5 ඕරම්භාගිය සංයෝජන ලෙස හඳුන්වයි.

  • සකදාගාමී පුද්ගලයා කාමලෝකයෙහි උපදින්නේ එක් භවයක් පමණි.

  • එක් වරක් පැමිණෙයි යන අදහස සකදාගාමි (සකිං + ආගාමි) යන වචනයේ ඇත.

    අනාගාමී ආර්‍ය ශ්‍රාවකයා

  • සකදාගාමී වූ පුද්ගලයා කාමරාග, පටිඝ යන සංයෝජන ධර්ම 2 සම්පූර්ණයෙන් දුරු කිරීමෙන් අනාගාමී වේ.

  • අනාගාමී පුද්ගලයා කාමලෝකයෙහි යලි උපදින්නේ නැත.

  • කාමලෝකයට නොපැමිණෙයි යන අදහස අනාගාමී (න + ආගාමි) යන වචනයේ ඇත.

  • අනාගාමී පුද්ගලයා රහත් වීමට පෙර මියගියහොත් රූපාවචර බ්‍රහ්ම ලෝකයක උපත ලබයි.

    සටහන:-

    අනාගාමී පුද්ගලයා රහත් වීමට පෙර මියගියහොත්,
    i. අවිහ
    ii. ආතප්ප
    iii. සුදස්ස
    iv. සුදස්සි
    v. අකනිට්ඨ
    යන සුද්ධාවාස බ්‍රහ්ම ලෝක 5 න් එකක උපත ලබයි. සුද්ධාවාස බ්‍රහ්ම ලෝක රූපාවචර බ්‍රහ්ම ලෝක වලට අයත් වේ.

    අභ්‍යාස:-

    ශ්‍රේණි විභාගය 2015

    1. සකදාගාමී තත්වයට පත් පුද්ගලයාගේ ස්වභාවය හඳුන්වා දෙන්න. (ල. 7)