16 පාඩම, මෑත ඉතිහාසයේ යුගකාරක තෙරවරු (ඉගැන්වීම් උපකාරක කෙටි සටහන්)

      වැලිවිට සරණංකර සඟරජ මාහිමිපාණෝ

• සරණංකර හිමි පිළිබඳව වැදගත් කරුණු,

  වෙනත් නම් - පිණ්ඩපාතික සරණංකර

  ගෞරව පදවිය - අසරණ සරණ සරණංකර සංඝරාජ - කීර්ති ශ්‍රී රාජසිංහ රජු විසින්

  උපත - 1698 ජුනි 18 උඩරට තුම්පනේ

  ගිහි නම - කුලතුංග බණ්ඩාර

  පැවිද්ද - වයස 16 දී මහනුවර සූරියගොඩ විහාරයේදී

  අධ්‍යාපනය - "බාලාවතාරය" පාලි ව්‍යාකරණ පොත, ලෙව්කේරාල ගෙන් හා පල්කුඹුරේ අත්ථදස්සි හිමිගෙන්. හෙතෙම සිංහල, පාලි, සංස්කෘත, බුද්ධ ධර්මය, කාව්‍ය ශාස්ත්‍රය ආදී විශයන් මැනවින් උගත්හ.

  රචනා කළ පොත් - සත්ථා බුදුගුණය විස්තර කරමින් ලියූ "සාරාර්ථ සංග්‍රහය"

  ලක්දිව යළි උපසම්පදාව පිහිටුවීම - 1753 වසරේදී කීර්ති ශ්‍රී රාජසිංහ රජුගේ උපකාරයෙන් තායිලන්තයෙන් (සියම් රටින්) උපාලි තෙරුන් ප්‍රමුඛ උපසම්පදා හික්ෂූන් වහන්සේ 20 නමක් වැඩම කරවීමෙන්.

  නව නිකාය - ශ්‍යාමෝපාලී මහා නිකාය මෙසේ ඇති විය.

  කළ සේවය -
  1. ලක්දිව තුල බුද්ධ ශාසනය නගා සිටුවීමට කටයුතු කිරීම.
  2. භික්ෂූන් වහන්සේලාට ධර්ම ශාස්ත්‍රය ප්‍රගුණ කරවීම.
  3. අනුරාධපුර, පොළොන්නරුව, දඹුල්ල ආදී පැර‚ බෞද්ධ විහාර කරවා පූජා පැවැත්වීම.
  4. මහනුවර දේව පෙරහැරට දළදා මාලිගයේ පෙරහැර එක් කරවීම.

  අපවත් වීම - 1778 ඇසළ පොහෝ දිනදී
  
  

  
  

  වැලිතර ඤාණවිමලතිස්ස මහානායක ස්වාමීන්වහන්සේ

• ඤාණවිල්මලතිස්ස හිමි පිළිබඳව වැදගත් කරුණු,

  වෙනත් නම් - බෝධිසත්ව ගුණෝපේත වැලිතර ඤාණවිමලතිස්ස

  පියා - කරෝලිස් ද සිල්වා

  පැවිද්ද - වැලිවිට සරණංකර හිමි වෙතින්

  අධ්‍යාපනය - ධර්ම විනය හා පාලි භාෂාව - වැලිවිට සරණංකර හිමිගෙන්

  උපසම්පදාව - බුරුම රටේදී

  නව නිකාය - බුරුම ජාතික අග්ගසාර හිමිගේ ප්‍රධානත්වයෙන් උපසම්පදා විනයකර්ම සිදුකොට අමරපුර මහා නිකාය ඇරඹීම.

  ගෞරව පදවිය - මහාධම්ම රාජාධිරාජගුරු ගෞරව නාමය සහිත මහානායක පදවිය - බුරුම සංඝරාජයාණන් වහන්සේ විසින්

  කළ සේවය -
  1. ලක්දිව තුල බුද්ධ ශාසනය නගා සිටුවීමට කටයුතු කිරීම
  2. වැලිතර පුෂ්පාරාමය හෙවත් දැන් වැලිතර නායක පන්සල කරවීම
  3. විනයානුකූලව මහණදම් පුරණු කැමති සැමට ඒ සඳහා ඉඩකඩ සැළසීම
  4. මුහුදුබඩ පලාත් අන්‍යාගමික කරණයෙන් ආරක්ෂා කරවීම

  අපවත් වීම - 1834 දී
  
  

  
  

  අඹගහවත්තේ ඉන්දාසභවරඤාණ සාමි මාහිමියෝ

• ඉන්දාසභවරඤාණසාමි හිමි පිළිබඳව වැදගත් කරුණු,

  උපත - 1832 නොවැම්බර් 16 ගාල්ලේ අක්මීමන

  දෙමාපියන් - මතෙස් මදනායක යුවල

  පැවිද්ද - 1847 ජුනි 15 දින අඹගහවත්තේ සරණංකර නමින්

  උපසම්පදාව - 1861 ජුනි 12 රාමඤ්ඤ රට භික්ෂුවකගෙන්

  නව නිකාය - ශ්‍රී ලංකා රාමඤ්ඤ නිකාය

  අපවත් වීම - 1886 ජනවාරි 29 පයාගල ධර්මගුප්ත පිරිවෙනේදී
  
  

• උගත් චරිත කතා ත්‍රිත්වයෙන් ගත හැකි ආදර්ශ,
  1. කෙතරම් දුෂ්කරතා බාධක තිබුනත් අප්‍රතිහත ධෛර්යයෙන් යුතුව ඉගෙනීමේ කටයුතු වල යෙදීම.
  2. ශික්ෂාකාමී විනයගරුක ජීවිතයක් ගත කිරීම.