18 පාඩම, විසිවන සියවසේ විසූ ශ්‍රී ලාංකික ගිහි බෞද්ධ පඬිවරු දෙදෙනෙක් (ඉගැන්වීම් උපකාරක කෙටි සටහන්) - 10-වසර දහම් පාසල (බෞද්ධ)

18 පාඩම, විසිවන සියවසේ විසූ ශ්‍රී ලාංකික ගිහි බෞද්ධ පඬිවරු දෙදෙනෙක් (ඉගැන්වීම් උපකාරක කෙටි සටහන්)

      ගුණපාල මලලසේකර මැතිතුමා

  •  ගුණපාල මලලසේකර මැතිතුමා පිළිබඳව වැදගත් කරුණු,

    අධ්‍යාපනය - පානදුර ශාන්ත ජෝන් විද්‍යාලයෙන්.

    උසස් අධ්‍යාපනය - ලන්ඩන් විශ්වවිද්‍යාලයෙන්,
    1. B. A උපාධිය (B. A උපාධිය ගත් ලාබාලතමයා)
    2. ශාස්ත්‍රපති උපාධිය (M. A)
    3. ආචාර්ය උපාධිය (PhD)

    හෙබවූ තනතුරු -
    සටහන:-
    මේවා අතරින් දරුවාට මතක තබා ගැනීමට පහසු කරුණු 3 ක් පමණක් සටහන් පොතට ඇතුලත් කරන්න.
    1. කොළඹ ආනන්ද විද්‍යාලයේ උපගුරු තනතුර.
    2. කොළඹ නාලන්දා විද්‍යාලයේ විදුහල්පති ධූරය.
    3. කොළඹ විශ්වවිද්‍යාලයේ පෙරදිග භාෂා අංශභාර ධූරය.
    4. පේරාදෙණිය විශ්වවිද්‍යාලයේ පාලි භාෂාව පිළිබඳ මහාචාර්ය ධූරය.
    5. සමස්ථලංකා බෞද්ධ මහා සම්මේලනයේ සභාපති ධූරය.
    6. රුසියාවේ සහ එක්සත් රාජධානියේ ශ්‍රී ලංකා තානාපති ධූරය.
    7. එක්සත් ජාතීන්ගේ සංවිධානයේ ශ්‍රී ලංකා නියෝජිත ධූරය.
    8. උසස් අධ්‍යාපන කොමිෂන් සභාවේ සභාපති ධූරය.
    9. 2500 බුද්ධ ජයන්තිය නිමිත්තෙන් ඇරඹි බෞද්ධ විශ්වකෝෂය ලිවීමේ කාර්යයෙහි ප්‍රධාන කර්තෘ ධූරය.

    කැපී පෙනෙන චරිත ලක්ෂණ හා ගත හැකි ආදර්ශ -
    1. ආගන්තුක සත්කාරය.
    2. ප්‍රිය වචන කතා කිරීම.
    3. පාණ්ඩිත්‍ය.
    4. අනතිමානී බව.
    5. චාම් සරල දිවි පැවැත්ම.
    6. දුක් දොම්නස් මැද වූවත් කම්පා නොවී ප්‍රබෝධමත්ව දිවි ගෙවීම.
    7. සෑම කටයුත්තකදීම මධ්‍යම ප්‍රතිපදාව අනුගමනය කිරීම.
    8. විපතේදී දිරිමත් වීම හා සැපතේදී උදම් නොවීම.
    9. බෞද්ධ සිරිත් විරිත් අගය කිරීම.

    කළ සේවය -
    1. පාලි සංඥානාම අකාරාදිය, ලංකාවේ පාලි සාහිත්‍ය ආදී පොත් රචනා කිරීම.
    2. මලලසේකර ඉංග්‍රීසි - සිංහල ශබ්දකෝෂය රචනා කිරීම.
    3. බුදුදහම ලෝ පුරා ව්‍යාප්ත කිරීමට කටයුතු කිරීම.

    වියෝව - 1973 මැයි 23



    කේ. එන්. ජයතිලක මහාචාර්යතුමා

  •  කේ. එන්. ජයතිලක මහාචාර්‍ය තුමා පිළිබඳව වැදගත් කරුණු,

    අධ්‍යාපනය - කොළඹ රාජකීය විද්‍යාලයෙන්.

    උසස් අධ්‍යාපනය - ලන්ඩන් විශ්වවිද්‍යාලයෙන්,
    1. ඉන්ඉන්දු ආර්ය භාෂා පිළිබඳව B. A උපාධිය
    2. බටහිර දර්ශනය පිළිබඳව B. A උපාධිය
    3. දර්ශන ශූරී උපාධිය.

    හෙබවූ තනතුරු -
    1. මතුගම ආනන්ද ශාස්ත්‍රාලයේ විදුහල්පති ධූරය.
    2. පළාත් පාලන සහකාර කොමසාරිස් ධූරය.
    3. පේරාදෙණිය විශ්වවිද්‍යාලයේ දර්ශන මහාචාර්ය ධූරය.

    කළ සේවය -
    1. ශ්‍රාස්ත්‍රීය නිබන්ධන රාශියක් රචනා කිරීම.
    උදා:- ඥාණය පිළිබඳ ආදි බෞද්ධ මතය (The Early Buddhist Theory of Knowledge), බුදුදහම හා ජාති ප්‍රශ්ණය
    2. ඔක්ස්ෆර්ඩ්, හාවඩ් වැනි විදේශීය විශ්වවිද්‍යාල වල බෞද්ධ දර්ශනය පිළිබඳව දේශන පැවැත්වීම.
    3. බුදුදහම දෙස් විදෙස් හි ප්‍රචලිත කිරීමට කටයුතු කිරීම.

    විපත - 1970

    අභ්‍යාස:-

    ශ්‍රේණි විභාගය 2016

    1. මහාචාර්‍ය ගුණපාල මලලසේකර මහතාගේ ශාස්ත්‍රීය සේවාව අගයන්න. (ල. 5)