36 පාඩම, ගමයි පන්සලයි අතර වර්ථමාන සම්බන්ධතාව (ඉගැන්වීම් උපකාරක කෙටි සටහන්) - 10-වසර දහම් පාසල (බෞද්ධ)

36 පාඩම, ගමයි පන්සලයි අතර වර්ථමාන සම්බන්ධතාව (ඉගැන්වීම් උපකාරක කෙටි සටහන්)

  • අතීතයේදී ගමත් පන්සලත් අතර තිබූ සබැඳියාව වර්ථමානය වන විට අඩු වීමට ප්‍රධාන හේතුව නම් බටහිර යටත් විජිත පාලන සමයේදී රටවැසියා පන්සලෙන් දුරස් කරවීමට සියුම් උපක්‍රම යෙදවීමයි.

    උදා:-
    1. විහාරස්ථානය කෙන්ද්‍රගතව පැවති ඉපැරණි‚ සිංහල බෞද්ධ අධ්‍යාපන ක්‍රමවේදය වෙනුවට රජයේ පාසැලේ බටහිර අධ්‍යාපනය හඳුන්වා දීම.

    2. අතීතයේ සිට පැවති සතර පෝය නිවාඩු ක්‍රමය වෙනුවට ඉරුදින නිවාඩු ක්‍රමය හඳුන්වා දීම.

    3. රාජ්‍ය අනුග්‍රහය හා ගෞරවය පන්සල හා භික්ෂූන් වහන්සේ වෙත නොලැබීම.

  • වර්ථමානයේ පවුලක සාමාජික සංඛ්‍යාව සීමිත වීමත් දෙමාපියන්ගේ කාර්ය්‍ය බහුලත්වයත් පවුල හා විහාරස්ථානය අතර සබැඳියාව හීන වීමට බලපා ඇත.

  • සමාජය විසින් භික්ෂූන් වහන්සේ විශයෙහි සැලකිල්ල කෙමෙන් කෙමෙන් හීන වී ගියද, භික්ෂූන් වහන්සේ ගිහි පිරිස වෙනුවෙන් විය යුතු තම සේවාව නොපිරිහෙලා ඉටු කරණු ලබන බව පහත සාධක ඇසුරෙන් ප්‍රත්‍යක්ෂ වේ.

    1. පන්සල සමග ඇසුරක් නොපවත්වන නිවසක් වූවද අවමගුලක් සිදු වූ විට මෙන්ම දානමය හා බණ පිංකම් වලට වැඩම කිරීම හා අවශ්‍ය උපදෙස් ලබාදීම.

    2. දායකයෙකුගේ අසනීප තත්වයකදී නිවසට වැඩම කොට පිරිත් සජ්ඣායනා කොට ආශිර්වාද කිරීම.

    3. ගෙට ගැවැදීම, නව ව්‍යාපාර ඇරඹීම, විදේශ ගමන් ආදියෙහිදී පිරිත් සජ්ඣායනා කොට ආශිර්වාද කිරීම.

    4. ගමේ රෝග උපද්‍රව ආදියෙහිදී බෝධි පූජා පවත්වා සෙත් පැතීම.

  • ගමත් පන්සලත් අතර සබැදියාව වර්ධනය වීමට පන්සල කේන්ද්‍රකොටගත් ඉරුදින දහම් පාසැල් සේවය මහෝපකාරී වේ.

  • තවද වර්ථමානයෙහි පන්සල ඇසුරු කරගෙන පවත්වාගෙන යන පරෝපකාර සමිති, ඉතිරි කිරීමේ සමිති, ග්‍රාම සංවර්ධන සමිති, කුලඟන සමිති ආදිය ගමත් පන්සලත් අතර සබඳතාවය යලි ගොඩනැඟීමෙහිලා අතිශයින් වැදගත් වෙයි.

    අභ්‍යාස:-

    ශ්‍රේණි විභාගය 2015
    1. වර්ථමානයේ විහාරස්ථානයෙන් ගමට ඉටු විය යුතු සේවාව කෙබඳු විය යුතුද? ඔබේ අදහස් දක්වන්න. (ල. 8)