45 පාඩම, පෙරදිග ථෙරවාදී බෞද්ධ රටවල් (ඉගැන්වීම් උපකාරක කෙටි සටහන්) - 10-වසර දහම් පාසල (බෞද්ධ)

45 පාඩම, පෙරදිග ථෙරවාදී බෞද්ධ රටවල් (ඉගැන්වීම් උපකාරක කෙටි සටහන්)

  • ථෙරවාද හා මහායාන වශයෙන් මූලික බෞද්ධ නිකාය දෙකකි.

  • මිහිඳු මහරහතන් වහන්සේ විසින් ලක්දිවට රැගෙන ආවේ බුදුරදුන් වදාළ පිරිසිඳු ධර්මය සහිත ථෙරවාදයයි.

  • මියෙන්මාරය (බුරුමය), තායිලන්තය (සියම), කාම්බෝජය, ලාඕසය, නේපාලය, බංගලිදේශය, ඉන්දියාව වැනි රටවලද ථෙරවාද බුදුදහම ව්‍යාප්තව පවතී.

    1. මියෙන්මාරය (බුරුමය)

  • අතීතයේ රාමඤ්ඤ දේශය හා මරම්ම දේශය යන නම් වලින්ද හැඳින්වූයේ මියෙන්මාරයයි.

  • ධර්මාශෝක රජ දවස නවරට ධර්ම ප්‍රචාරයේදී සෝණ හා උත්තර හිමි වරුන් වැඩම කළ "ස්වර්ණ භූමිය" නම් මියෙන්මාරයයි.

  • ශ්‍රී ලංකාවේ හෝ මියෙන්මාරයේ බුදුසසුන පිරිහී ගිය අවස්ථා වල අනික් රටේ සහයෝගයෙන් යළි ශාසනික දියුණුව ඇතිකරගත් අයුරු ඉතිහාසයේ දැක්වේ.
    උදා:-

    1. I වන විජයබාහු රජ දවස මෙරට උපසම්පදාව යළි ඇතිකිරීමට උපසම්පදා භික්ෂූන් වැඩම කරවා ගත්තේ බුරුම දේශයෙනි.

    2. IV වන බුවනෙකබාහු රජ දවස බුරුමයේ ශාසනය පිරිහී ඇති විටෙක බුරුම භික්ෂූන් ලක්දිවට පැමිණ උපසම්පදා කරවාගත්හ.

  • අමරපුර නිකාය හා රාමඤ්ඤ නිකාය ඇරඹුවේ බුරුම භික්ෂූන්ගෙන් උපසම්පදාව ලබාගත් ලක්දිව භික්ෂූන් වහන්සේලා විසිනි.

  • සෑම පිරිමියෙකුම ටික කලක් හෝ පැවිදි වී සිටීම බුරුම සම්ප්‍රදායකි.

    2. තායිලන්තය (සියම)

  • ස්වර්ණභූමියට පැමිණි සෝණ හා උත්තර දෙනම විසින්ම තායිලන්තයේද බුදුසසුන පිහිටුවන ලදි.

  • ලංකාව හා තයිලන්තය අතර සම්බන්ධතා අතීතයේ සිටම පැවති බවට සාධක දෙරටේ ඉතිහාසය හැදෑරීමේදී හමුවේ.
    උදා:-

    1. තායිලන්තයේ රෝච නම් රජ දවස මෙරටින් බුදුපිළිම වහන්සේ නමක් ලබා ගත් බව එරට ඉතිහාසයේ සඳහන්ය.

    2. VI වන සිරි පැරකුම් රජ දවස තායි භික්ෂු පිරිසක් ලක්දිවින් උපසම්පදාව ලබාගෙන ගිය බව සඳහන්ය.

    3. ලක්දිව උපසම්පදාව යලි ඇති කිරීමට වැලිවිට සරණංකර හිමිගේ ඉල්ලීම පිට තායිලන්තයෙන් පැමිණි භික්ෂු පිරිස මගින් සියම් නිකාය ආරම්භ විය.

  • තායිලන්තයේ රජ්‍ය ආගම බුදුදහමයි.

  • බුරුමයේ මෙන්ම තායිලන්තයේද පිරිමි ටික කලක් හෝ පැවිදි වී සිටීම ගිහි වූ පසු විවාහ වීමට සුදුසුකමක් වෙයි.

    3. ඛ්මේර් (කාම්බෝජය)

  • ලංකාව හා කාම්බෝජය අතර සම්බන්ධතා අතීතයේ සිටම පැවති බවට සාධක ලක්දිව ඉතිහාසය හැදෑරීමේදී හමුවේ.
    උදා:-

    1. මහා පැරකුම්බා රජ දවස සිංහල කුමරියක කාම්බෝජයට යැවූ බව සඳහන්ය.

    2. කාම්බෝජ රජෙකුගේ පුතෙකු පැවිදිව ලක්දිව උපසම්පදාව ලැබූ බව සඳහන්ය.

    3. VI වන පැරකුම්බා රජ දවස කාම්බෝජ භික්ෂූන් 8 නමක් කැළණියේදී උපසම්පදාව ලැබූ බව සඳහන්ය.

  • කාම්බෝජයේ රාජ්‍ය ආගම බුදුදහමය.

  • බුරුමයේ හා තයිලන්තයේ මෙන් කාම්බෝජයේද පිරිමි ටික කලක් හෝ පැවිදිවී සිටීමට කැමැත්තක් දක්වති.

    4. ලාඕසය

  • සිංහල භික්ෂූන් වහන්සේලාද ලාඕසයේ ධර්ම ප්‍රචාර්යේ නිරතව සිටි බව සඳහන්ය.

  • ලාඕසය වරින් වර තායි හා කාම්බෝජ පාලනයට යටත් වූවද එයින් බුදුදහමට හානියක් වී නැත.

    5. ඉන්දියාව

  • අතීතයේ ඉන්දියාවේ විශාල ප්‍රදේශයක බුදුදහම පැතිර පැවතියද මුස්ලිම් පාලනයත් සමගම ඉන්දියාවෙන් බුදුදහම තුරන් විය.

  • නැවත ඉන්දියාවට බුදුදහම හඳුන්වා දෙන ලද්දේ අනගාරික ධර්මපාල තුමන් විසිනි.

  • 2500 සම්බුද්ධ ජයන්ති වසරේදී දකුණු ඉන්දියානු කුලහීනයන් පන්ලක්ෂයක් දෙනා බුදුදහම වැළඳ ගත්හ.

    අභ්‍යාස:-

    ශ්‍රේණි විභාගය 2014

    1. ශ්‍රී ලංකාවත් මියන්මාරයත් අතර අතීතයේ සිට පවතින ආගමික සබඳතාවය කෙබඳු දැයි විස්තර කරන්න. (ල. 5)