ශ්‍රී ලංකාවේ විවිධ ජනාවාස රටා - 10-වසර භූගෝල විද්‍යාව

ශ්‍රී ලංකාවේ විවිධ ජනාවාස රටා

ජනාවාස වර්ග

1.කුඩා ගම්

කුඩා ගම් කෘෂිකර්මන්තය පදනම් කර ගත ජනාවාස නිසා ජලය ලබා ගැනීමේ පහසුකම් ඇති ස්ථාන වල බිහි විය.කෘෂිකාර්මික කටයුතු අතර වී ගොවිතැන,කුරක්කන්.මෙනේරි වැනි ධාන්‍ය වගාවන් වැදගත් තැනක් ගනී.සම්ප්‍රදායික ආර්ථික කටයුතු වල යෙදෙන අඩු ජන සංඛ්‍යාවක් මෙම කුඩා ගම් වල සිටි.

 

2.වැව් ජනාවාස

වැවක් ආශ්‍රිතව වී ගොවිතැන් කිරීම ප්‍රධාන ආර්ථික කටයුක්ත වන අතර කුරක්කන් වැනිහේන්  භෝග ද ගෙවත්තේ පලතුරු හා එළවලු වගාවද කෙරේ.වැව් මාළු සහ කැලයේ දඩයම් මස් ද මොවුන්ගේ ප්‍රධාන ආහාර වේ.ස්වයන්පොෂිත ආර්ථික ලක්ෂණ පෙන්නුම් කරන වැව් ජනාවාස වල වැවට පහලින් වූ උස් බිම් වල ජනාවාස ඉදි වී තිබේ.

 

3.රේඛිය ජනාවාස

මහාමාර්ග දෙපස, ඇළ මාර්ග දෙපස,වෙරල තීරු වල රේඛියව විහිදුනු ජනාවාස ක්‍රමයකි.විවිධ ආර්ථික කටයුතු වල නිරත පිරිස් එනම් හේන් ගොවිතැන,වෙළදාම,ගෙවතු වගාව කරන පිරිස් මෙම ජනාවාස වල පදිංචිව සිටි.

 

4.පොකුරු ජනාවාස

මහවැලි සංවර්ධන ව්‍යාපාරය ආශ්‍රිතව බිහි වී තිබේ.මෙම නිසා මහවැලි පොකුරු ජනාවාස නමින්ද හදුන්වයි.මේවා සැලසුම්ගත ජනාවාස වේ.මෙවැනි ජනාවාස වල ඇති නගරයක සේවා පහසුකම් වඩාත් කාර්යක්ෂමව බෙදා හරිම පහසු වේ.අක්කර භාගයක වැනි බ්ම් කොටසක ඉදි කල නිවෙස් එකිනෙකට ආසන්නව ඉදි කල අතර කුබුරු වගා බිම් ජනවසයෙන් පිටත දක්නට ලැබේ.

 

5.වතු ජනාවාස

වාණිජ භෝග වගාව එනම් තේ,රබර් වගා බිම් ආශ්‍රිතව බිහි වූ ජනාවාස වේ.විශාල වතු වල සමබිම් වල එක පේලියට කුඩා ලයින් කාමර නිසා බිහි වූ ජනාවාස රටාවකි.මෙම ජනාවාස වල පදිංචි වී සිටින්නේ වතු කම්කරුවන් වේ.අවම පහසුකම් වලින් යුක්ත නිවාස ක්‍රමයකි.මොවුන් සම්ප්‍රදායික ජිවන රටාවක් පවත්වාගෙන යයි.මෙවැනි ජනාවාස ආශ්‍රිතව පාසලක්,හින්දු කෝවිලක් ආදිය දක්නට ලැබේ.මෙම ජනාවාස බහුල ලෙස පිහිටා ඇත්තේ බදුල්ල,නුවරඑලිය,රත්නපුරය,කෑගල්ල,මාතලේ ආදී දිස්ත්‍රික්ක වලය.

 

6.ධිවර ජනාවාස

ශ්‍රී ලංකාවේ වෙරළාශ්‍රිත ප්‍රදේශ වල ධිවර වරයන් ආශ්‍රිතව ධිවර ජනාවාස ව්‍යාප්ත වී තිබේ.මෙම ජනාවාස වල පදිංචිකරුවන්ගේ ප්‍රධාන ජිවනෝපාය ධිවර කර්මාන්තයයි.ප්‍රදේශයේ භෞතික පරිසරයේ කටුක බව අනුව නිවාස වල ස්වභාවයද විවිධ වේ.වාරකන් කල සීමාවේදී බොහෝ ධීවරයෝ වෙනත් දිශාවකට ගොස් මලු ඇල්ලීමේ කටයුතු වල යෙදෙන බැවින් ධිවර නිවෙස් වලින් වැඩි කොටසක් පැල්පත් ස්වරුපයෙන් පවතී.

 

7.උදාගම්

රාජ්‍ය අනුග්‍රහය යටතේ බිහි වූ ජනාවාස රටාවකි.මෙහි කුඩා නිවාස ඇති අතර ඒවා පොකුරු ලෙස ව්‍යාප්තව ඇත.විවිධ ආර්ථික කටයුතු වල නිරත ජනතාවක් වාසය කරනු ලබයි.පොදු පහසුකම් රාජ්‍ය අනුග්‍රහය යටතේ සපයනු ලබයි.කුඩා ඉඩම් කැබලි වල නිවාස තනා ඇත.

 

8.කාර්මික ජනපද

මෙම ජනාවාස ඇරබීමට මුලිකම හේතුව වුයේ ස්වශක්තියෙන් කර්මන්ත ඇරබීමට නොහැකි වූ දේශීය කර්මාන්ත කරුවන්ට අවශ්‍ය යටිතල පහසුකම් සපයා දීම මුලික අරමුණ විය.1950 න් පසු රාජ්‍ය අනුග්‍රහය යටතේ බිහි කරන ලදී.විවිධ කර්මාන්ත ස්ථාන ගත වී තිබේ.

 

9.කර්මාන්තපුර

ප්‍රාදේශීය වශයෙන් ව්‍යාප්ත වී ඇති ජනාවාස විශේෂයකි.විවිධත්වයකින් යුක්ත කර්මාන්ත ශාලා බිහිවී තිබේ.කර්මාන්ත ශාලා වල සේවකයන් සහ ඔවුන්ගේ පවුල් වල අය පදිංචි වී සිටි.මෙම ජනාවාස නිසා විදේශ ආයෝජකයන් ඇද ගැනීමට හැකියාව ලැබී ඇත.අපනයන කර්මාන්ත සදහා පහසුකම් සලසා දී තිබේ.

 

ලංකාවේ ජනාවාස වල සිදු වූ වෙනස්වීම්:

1.යටිතල පහසුකම් දියුණු වීම නිසා ගැමි ජනාවාස වල ස්වරුපය වෙනස් වීම.

2.කුඩා පැල්පත් නිවාස වෙනුවට ස්ථිර නිවාස බිහිවීම.

3.වතු ජනාවාස වල ලයින් කාමර වෙනුවට තනි තනි ගෙවල් ඇතිවීම

4.නාගරික ජනාවාස වල ඉඩම් හිගය නිසා තට්ටු නිවාස බිහිවීම

5.ගැමිරික එනම් අර්ධ නාගරික නිවාස සංඛ්‍යාව ඉහල යාම

6.නාගරික ජනාවාස වල බල ප්‍රදේශ පුළුල් වීම

7.පහසුකම් වැඩි දියුණු කල නිවාස සංකීර්ණ බිහි වීම

 

උසස් පෙළ
ආර්ථික විද්‍යාව
(සිද්ධාන්ත/පුනරීක්ෂණ)
තනි හෝ කණ්ඩායම් පන්ති
071-7556342 (කොළඹ/ගම්පහ අවට පමණි)

(විශ්වවිද්‍යාල සිසුවෙකු විසින් මෙහෙයවයි)