ගංගාවේ සංගීතය

ගංගාවේ සංගීතය 

රචකයා                 :-                         එච්.එම් කුඩලිගම 

ජීවන අවදිය            :-                          1918 - 1973

සාහිත්‍ය අවදිය          :-                         කොළඹ යුගය (දෙවන කවි පරපුර )

ඔහුගේ කවි පොත්      :-                         කුණාටුව ,සංවාදය,ඈ

ගංගාවේ සංගීතය උපුටා ගෙන ඇත්තේ:-         ඈ (1980) , මන් බැඳී පන්හිද 

සමකාලීන කවියෝ     :-                        පී.බී අල්විස් පෙරේරා , මීවන ප්‍රේමතිලක ,

                                                     උපනන්ද බටුගෙදර , කපිල සෙනෙවිරත්න

                                                     විමලරත්න කුමාරගම  ,සාගර පලන්සූරිය  ,

                                                     ශ්‍රී චන්ද්‍රරත්න මානවසිංහ 

ගංගාවේ සංගීතය අයත් කවි වර්ගය    :-        එලිසමය සිව්පද කවි 

ඔහුගේ කවි මුල්වරට පලවූ පුවත්පත   :-        සිංහල බලය (හේමපාල මුනිදාස)

 ඔහුගේ කවි  පලවූ වෙනත් පුවත්පත්  :-        දේදුන්න, මීවදය ,සුවඳ

ඔහු ආභාෂය ලැබූ බටහිර කවියෝ     :-         විලියම් වඩ්ස්වර්ත් , පී.බී ශෙලී ,රවින්ද්‍රනාත් කාගෝර් 

ඔහුට පටබැදි අනුවර්ත නාමය          :-         සිංහලයේ ශෙලී 

ගංගාවේ සංගීතයේ දෘෂ්ටිකෝණය     :-         උත්තමපුර්ෂ දෘෂ්ටිකෝණය

ඔහු තෝරාගත් තේමාවන්              :-         ස්වභාවික පරිසරය,ගඟ, මුහුද, වැස්ස, ගැහැනිය,       

                                                      මීවත, කුරුල්ලන්, ජීවිතය, ආදරය 

ගංගාවේ සංගීතය 

කදු බෑවුමක දං බෝවිටි පදුරු තළා
පහළට ඇදී පරමල් පෙති ඉවත නොළා
කලදෝ දියෙන් පුරවා රන් පුලින තළා
සංගීතවත් වී යමි ඉදිරියට ගලා 

සැඟවෙමි එබෙමි නිසසල වෙමි සසල වෙමි
ඇඹරෙමි එහෙත් පසු නොබසිමි නොනවතිමි
කවදා කොතනදී හෝ මහ මුහුද හිමී
හමුවුණු කෙනෙහි මා සතු බර ඔබට දෙමි

එන්නේ කොහි සිටද- කොතැනකටද යන්නේ
ඔබ කුමකටද මා දුටු තැන විමසන්නේ
මිනිසුන් ගිහින් නිතරම ආපසු එන්නේ
කිමදැයි කියා කිසිවෙකු ඇයි නොසොයන්නේ

හිරිමල් සිනා රැළි පෙණ පිඬු මිහිරිතම
ගල් පරවලම හැපි හැපි බිහිකරමි මම
සම තැනිතලාවල හමුවෙයි අලසකම
නිරසයි අතරමග අවහිර නොදුටු බිම

 ( ඉතිරිය :-11 ශ්‍රේණිය සිංහල සාහිත්‍ය සංග්‍රහය)

  රසවින්දනයට................  

• සරල බසක් භාවිත කිරීම හා නිවැරදිව සංයමයකින් බස හැසිරවීම.

                   උදාහරණ:-කවදා කොතනදී හෝ මහ මුහුද හිමී.....

                                මිනිසුන් ගිහින් නිතරම ආපසු එන්නේ......

1. කටවහරට සමීප බසක් යොදාගැනීම.                                                                                                

                  උදාහරණ:- මිනිසුන් ඉවුරුවල යන එන අඩි සද්දෙන්........                                                                                                                                                         

                                                     ඔබ කුමකටද මා දුටු තැන විමසන්නේ.........

1. කවියා ඉදිරිපත්කරන ජීවන දර්ශනය.

                 උදාහරණ :-ජීවි අජීවි සියල්ල විනාශ වනබව - මිනිසුන් ගිහින් නිතරම ආපසු එන්නේ......

                              අකල් මරණ                        -ඇකයෙහි හෙලා හඬවයි සැඩ සුළග රැයේ .......

                              ජිවිතයේ සුන්දර මෙන්ම කටුක අත්දැකීම් ඇති බව -කෙකටිය ඕලු නළියන දිය රැළි මැද්දේන් ........

• එළිසමය භාවිත කිරීම.
• රූපක අලංකාර යොදා ගැනීම.
• සංකේත භාවිතය (වියලි කොල / කෙකටිය,ඕලු )
• කවි යෙදුම්         

               

             උදාහරණ :-   නිරසයි අතරමග අවහිර නොදුටු බිම................                                                                                    

                               මල්පෙති වියළි කොළ එන අතකට එද්දෙන්.............                                                                                    

                               කොදුරමි කෙදිරියක් මුළු ලොව නිසල කොට ..............