ක්‍රමලේඛ භාෂා වර්ග - 11-වසර තොරතුරු හා සන්නිවේදන තාක්ෂණය

ක්‍රමලේඛ භාෂා වර්ග

ශ්‍රිතමය පරිගණක භාෂා (Functional programming Languages)

  • ශ්‍රිතමය පරිගණක භාෂා යනු ප්‍රකාශන පරිගණක භාෂාවකි.
  • ශ්‍රිතමය පරිගණක භාෂා ගණිතමය ගණනය කිරීම් වලින් සමන්විත වේ.
  • මෙහිදී ශ්‍රිත සඳහා අගයන් ඇතුළත් කර ගණනය කිරීම් සිදු කරනු ලබයි.

 

තාර්කික පරිගණක භාෂා (Logic programming Languages)

  • තාර්කික පරිගණක භාෂා යනු ප්‍රකාශන පරිගණක භාෂාවකි.
  • ශ්‍රිතමය පරිගණක භාෂා ගණිතමය තර්ක ගණනය කිරීම් වලින් සමන්විත වේ.

 

පටිපාටිගත පරිගණක භාෂා (Procedural programming Languages)

  • පටිපාටිගත පරිගණක භාෂා යනු විධානාත්මක පරිගණක භාෂා වර්ගයකි.
  • ඉතා හොඳින් ව්‍යූහගත වූ පියවර මාලාවකින් සහ පටිපාටි වලින් සමන්විත ක්‍රමලේඛන භාෂා, පටිපාටිගත පරිගණක භාෂාවන්ට අයත් වේ.
    • උදාහරණ : Pascal , C , Go , Fortran , BASIC

 

වස්තු නැඹුරු පරිගණක භාෂා (Object Oriented Programming Languages)

  • වස්තු නැඹුරු පරිගණක භාෂා යනු විධානාත්මක පරිගණක භාෂා වර්ගයකි.
  • වස්තු නැඹුරු පරිගණක භාෂා වස්තු (object) යන සංකල්පය මත පදනම්ව නිර්මාණය වී ඇති ක්‍රමලේඛන භාෂා, පටිපාටිගත පරිගණක භාෂාවන්ට අයත් වේ.
    • උදාහරණ : Java , Phython , C++ , Ruby

වස්තු නැඹුරු පරිගණක භාෂාවන්ගේ ලක්ෂණ

  • සෑමවිටම වස්තු (object) ලෙස ක්‍රමලේඛ මෙහෙයවනු ලබයි.
  • මෙම වස්තූන් එකිනෙක අතර අන්තර් ක්‍රියාවන් සිදු කරයි.
  • ගණනය කිරීම් / පරිගණනය කරනු ලබන්නේ පණිවිඩ (Message) යැවීම මගිනි.
  • සෑම වස්තුවක්ම කුමන හෝ පන්තියක අවස්ථාවක් ලෙස පවතී. (පන්ති යනු එහි පොදු අවස්ථාවයි)
  • Message මගින් වස්තු අතර පණිවිඩ හුවමාරු කරයි.
  • නැවත නැවත භාවිත කිරීමට ඇති හැකියාව (reusability) මෙහි විශේෂ වාසියකි.
  • මෙහිදී ගැටලුව විසඳීමේ පියව‍ර තීරණය ක‍රණු ලබන්නේ වස්තු (object) සැලැස්මයි(design).

වස්තු (Object)

  • වස්තු දත්ත / ගුණාංග (Property) සහ ක්‍රම (Methods) වලින් සමන්විත වේ.
  • ක්‍රම දත්ත හැසිරවීම සඳහා පතින අතර පටිපාටි වලට සමාන වේ.
  • වස්තුවට අදාළ වන ලක්ෂණ (attributes / properties / state) උදා : වර්ණය, දිග, ප‍රිමාව...

පන්ති (Class)

  • පන්ති යනු වසතූන්ගේ මූලික තැනුම් ඒකකයයි.
  • පන්ති මගින් දත්ත සහ පන්තියේ අවස්ථා හා සම්බන්ධ හැසිරීම් විස්තර කරයි.
  • පන්ති භාවිතයෙන් එකම ආකාරයකට අයත් වස්තු නිර්මාණය කළ හැකිය.
    • උදාහරණ : වාහන යන පන්තිය ගත හොත් , මෝටර් රථය යනු එහි වස්තුවකි / එක් අවස්ථාවකි. වාහානයක රෝද , එන්ජිම වෙනි දේ පවති. මෝටර් රථයේ ද ඒවා ඇත

 

ව්‍යූහගත පරිගණක භාෂා (Structured Programming Languages)

  • ව්‍යූහගත පරිගණක භාෂා තාර්කික ක්‍රමලේඛ පැරඩයිමයක් වන අතර වස්තු නැඹුරු පූර්ව අවස්ථාවකි.
  • පද්ධති සංරචක උප පද්ධති වලට බෙදා ඉහළ සිට පහළට (Top - Down) ගලායයි.
  • විශාල ක්‍රමලේඛ කුඩා කොටස් වලට බෙදා (පටිපාටි, ක්‍රම, ශ්‍රිත) ඒවා එකිනෙක සම්බන්ධ කර ඇත.
  • If , for , while , switch case වැනි පාලන ව්‍යූහ (Control Structures) භාවිත කරයි.
  • පැස්කල් පරිගණක භාෂාවේ ද මෙම ලක්ෂණ ඇත.

ව්‍යූහගත පරිගණක භාෂා වල වාසි.

  • තාර්කික විධාන පැවරිය හැකි නිසා ක්‍රියාවලිය පහසු කරයි.
  • විශාල ක්‍රමලේඛ කුඩා කොටස් වලට බෙදා දැක්විය හැකි නිසා තේරුම් ගැනීම පහසුය.
  • නැවත නැවත භාවිත කිරීමට ඇති හැකියාව (reusability).
  • පහැදිළි බව 

 

වස්තු නැඹුරු පරිගණක භාෂා හා පටිපාටිගත පරිගණක භාෂා අතර වෙනස

වස්තු නැඹුරු පරිගණක භාෂා  පටිපාටිගත පරිගණක භාෂා
  • සෑමවිටම වස්තු (object) වලින් සමන්විත වේ.
  • ඉතා හොඳින් ව්‍යූහගත වූ පියවර මාලාවකින් සහ පටිපාටි වලින් සමන්විත වේ.
  • Message මගින් වස්තු අතර පණිවිඩ හුවමාරු කරයි.
  • පටිපාටියට අමතයි. (Calling Procedure)
  • වස්තු (object) සහ පන්ති (class) සකසයි.
  • වාර්තා (Record) සකසයි.

 

වස්තු නැඹුරු පරිගණක භාෂා හා ව්‍යූහගත පරිගණක භාෂා අතර වෙනස

වස්තු නැඹුරු පරිගණක භාෂා ව්‍යූහගත පරිගණක භාෂා
  • සෑමවිටම වස්තු (object) වලින් සමන්විත වේ.
  • පද්ධති සංරචක උප පද්ධති (පටිපාටි, ක්‍රම, ශ්‍රිත) වලින් සමන්විත වේ.
  • Message මගින් වස්තු අතර පණිවිඩ හුවමාරු කරයි.
  • ඉහළ සිට පහළට (Top - Down) ගලායයි.
  • වස්තු (object) සහ පන්ති (class) භාවිත කරයි.
  • If , for , while , switch case වැනි පාලන ව්‍යූහ (Control Structures) භාවිත කරයි.

 

ව්‍යූහගත පරිගණක භාෂා හා පටිපාටිගත පරිගණක භාෂා අතර වෙනස

ව්‍යූහගත පරිගණක භාෂා පටිපාටිගත පරිගණක භාෂා
  • පද්ධති සංරචක උප පද්ධති (පටිපාටි, ක්‍රම, ශ්‍රිත) වලින් සමන්විත වේ.
  • ඉතා හොඳින් ව්‍යූහගත වූ පියවර මාලාවකින් සහ පටිපාටි වලින් සමන්විත වේ.
  • බෙදා ඉහළ සිට පහළට (Top - Down) ගලායයි.
  • පටිපාටියට අමතයි. (Calling Procedure)
  • If , for , while , switch case වැනි පාලන ව්‍යූහ (Control Structures) භාවිත කරයි.
  • වාර්තා (Record) සකසයි.