11-වසර නර්තනය (සිංහල)

කරදිය මුද්‍රා නාට්‍ය

කරදිය මුද්‍රා නාට්‍ය..... ( 10 වසර)

 

*.. 1961 දී චිත්‍රසේන මහතා විසින් නිර්මාණය කල කලාත්මක මුද්‍රා නාට්‍යයක් වූ කරදිය මුද්‍රා නාට්‍යය එතුමා  භාරතයේ දී හැදෑරූනර්තන ආභාසයත් දේශීය නර්තන කලාවන් ගෙන් ලද දායාදයත්, එතුමන් විසින් නිර්මාණය කරන ලද රාමා සිතා, රාවණා, නල  දමයන්ත වැනි මුද්‍රා නාට්‍ය නිර්මාණය කිරීමෙන් එතුමන් විසින් ලද අත්දැකීම් ඔස්සේ කරදිය මුද්‍රා නාට්‍ය නිර්මාණය කිරීමට පාදක වීඇත.

 ශාන්තිකර්ම ඔස්සේ නර්තන කලාව හැදෑරූ ශ්‍රී ලාංකීය ප්‍රවීණ නර්තන ශිල්පීන්ට නූතන වේදිකාවට පා නගන්නටකරදිය මුද්‍රා නාට්‍ය ප්‍රබල මාවතක් වූවා සේම, එම ශිල්පීන්ගේ දායකත්වය මෙහි සාර්ථකත්වයට ප්‍රබල සාධකයක් විය.

 කරදිය මුද්‍රා නාට්‍යයට තේමා වී ඇත්තේ ජන ජීවිතයේ දුක් ගැහැට බලවතා විසින් දුබලයාග්‍රහණය කර ගැනීමෙන් ඔවුන් අසරණ කොට තම අපේක්ෂාවන් මුදුන් පත් කර ගැනීම ආදිය හා සමාජ අසාධාරණය පිළිබඳතොරතුරු මෙම මුද්‍රා නාට්‍යයෙන් මනාව ඉදිරිපත් කර ඇති අතර මෙම මුද්‍රා නාට්‍යය මගින් ධීවර ජනතාවගේ ජීවිත වටානිරන්තරයෙන් ගොඩනැගෙන සමාජ ආර්ථික ගැටලු පිළිබඳවද විවරණය වේ.

 

කරදිය මුද්‍රා නාට්‍යයේ එන චරිත,

01. සිසි

02. චන්ද

03. මණ්ඩිරාල

04. මකුඑවන්

05. මැස්සන්

06. ධිවර ජනතාව

 

කරදිය මුද්‍රා නාට්‍යයේ කතා පුවත

 

*. සිසි  මුහුදුකරයේ ජීවත්වන තරුණියක් වන අතර ඒයත් සමග විවාහ වූ චන්ද  ධීවර ජනතාවත් සමග මුහුදු ගොස් එනතෙක්වෙරළේ බලාසිටී. ඔවුහු මාළු නොමැතිව පැමිණෙන අතර මෙයට කෝපවන මන්නඩිරාල  තම ආධිපත්‍ය පතුරයි. සිසි තම වසඟයටගැනීමට මන්නඩිරාල  උත්සාහ කරන අතර ඔහුගේ ආධිපත්‍යයට බියවන සිසි ගේ අසල්වාසීහු මන්නඩිරාල වෙත යන්නට සිසිට බලකරති.

ගොදුරු අල්ලා ගැනීමට දැලක්  වියන මකුළුවෙකු මැස්සන්  පිරිසක් එකතුව පරාජය කරන ආකාරය සිසි සිහිනයක් දකින අතරසිහිනය ඉටු නොවේ. කුණාටුවක් හමයි සිසිගේ පෙම්වතා හා පිරිස කුණාටුවට හසු වී මිය යති. 

*.. කරදිය මුද්‍රා නාට්‍යයේ නර්තනයන්

තේමාව විකාශනයේදී  ඒකළ යුගල හා සමූහ නර්තන අංගය යොදාගෙන ඇත

උදාහරණ,

01. ධීවරයන් සාමූහිකව දැල් අදින  අවස්ථාව

02. මන්ඩිරාල තම අතවැසියා සමඟ වෙරළට එන ගමන

03. සිසි චනඳ පැමිණෙනතුරු වෙරළේ බලාසිටීම යන අවස්ථාවන් පෙන්වා දිය හැකි අතර

04. දේශීය නර්තන සම්ප්‍රදායන්

05. බටහිර බැලේ ආභාෂයන්

06. භාරතීය නර්තන හා මුද්‍රා භාවිත

07. සම්ප්‍රදායකට කොටු නොවූ ප්‍රකාශනාත්මක චලන

 

*. කරදිය මුද්‍රා නාට්‍යයේ පසුබිම් සංගීත

 

දේශීයත්වය ජනතාවගේ ස්වභාවය පරිසරය හා ඔවුන්ගේ ජීවන රිද්මයන් ඉස්මතු වන ආකාරයෙන් කරදිය මුද්‍රා නාට්‍යයේ පසුබිම්සංගීතය සකස් කොට ඇත. තුළින් මුද්‍රා නාට්‍යයට නව ජීවයක් රිද්මයක් හා අදහසක් ප්‍රකාශනය වන අතර පසුබිම් සංගීතයටයොදාගෙන ඇති ගීත ඛණ්ඩ චරිත නිරූපණයේ දී ප්‍රේක්ෂකයාට විශ්වාසනීයත්වය ඇති කරයි.

උදාහරණ,

හෝයියා හෝයියා හෝයියා හෝයියා

ජීවිතයත් මුහුද වගේ

ඉමක් නැතේ කොනක් නැතේ

යනවා අහ පහු එනවා

එනවා ආපහු යනවා

කරදර දුක් ගැහැට මැදින්................ 

කරදිය මුද්‍රා නාට්‍යයේ රංග වස්ත්‍රාභරණ

 

රංග වස්ත්‍රාභරණ නිර්මාණයේදී චරිතෙට අනුකූල වන පරිදි රංග වස්ත්‍රාභරණ නිර්මාණය කොට ඇත

උදාහරණ

01. සිසි චන්ද හා ධීවර වැසියන් ගේ චරිත සඳහා ගැමි ඇඳුම් පැළදුම්  නිර්මාණාත්මකව යොදා ගෙන ඇත               

*.නිර්මාණ ශිල්පියාගේ දක්ෂතාවය විදහා දක්වන අයුරින් මකුළුවාගේ හා මැස්සා ගේ රංග වස්ත්‍රාභරණ නිර්මාණයඉතාමත් ඉහල ආකාරයට නිර්මාණය කොට ඇත.. එම චරිත ලක්ෂණ මනාව විදහා දක්වන අයුරින් ඒවා නිර්මාණය කොට ඇත. 

*. කරදිය මුද්‍රා නාට්‍යයේ වේදිකා සැරසිලි 

වේදිකා සැරසිලි නිර්මාණයේදී

වැටකේ ගස්, ගල්පර, මුහුදු රළ,පැල්පත් වැනි සරල හැඩ කිහිපයක් පමණක් යොදාගෙන ඇත එමවේදිකා සැරසිලි මගින් පිඩිත ධීවර පන්තියේ ස්වභාවය සංකේතවත් වීම එයින් ඇති විශේෂත්වයක් වෙයි                                          

කරදිය මුද්‍රා නාට්‍යයේ ආලෝකකරණය 

මෙම නාට්‍යයේ අවස්ථානුකූල බව පෙන්වන අවස්ථා සඳහා ඉතා හොඳින් තීරුව වන ආකාරයට ආලෝකකරණය මගින් පෙන්වාදෙයි

උදාහරණ

01. මකුළු දැළ වියන අවස්ථාව

02. කුණාටුව දක්වන අවස්ථාවන් නිදසුන් ලෙස පෙන්වා දිය හැකිය 

සංකල්පය හා රංග රචනය = චිත්‍රසේන ඩයස් මහතා ,වජිරා චිත්‍රසේන මහත්මිය

සංගීත නිර්මාණය සහ ගායනය = ඩබ්ලිව් ඩී අමරදේව මහතා

ගායන සහාය = ලයනල් අල්ගම මහතා 

රංග වස්ත්‍රාභරණ හා

පසුබිම් අලංකරණය = සෝමබන්ධු විද්‍යාපති මහතා

ආලෝකකරණය = මහින්ද ඩයස් මහතා 

රංගන දායකත්වය

සිසි = වජිරා චිත්‍රසේන මහත්මිය

මන්නඩි රාල සහ මකුඑවා = චිත්‍රසේන ඩයස් මහතා

චන්ද =  සේන වලවේ මහතා

මහළු මිනිසා හා

මන්නඩිරාලගේ සගයා  =  k n s අටුගොඩ මහතා ඇතුළු නළු නිළි පිරිස


ලිපිය නිර්මාණය කලේ,
Achala Nimalthi


MEMBER

අදාල තවත් ලිපි,



Achala Nimalthi

11-වසර නර්තනය (සිංහල)

අනෙකුත් ලිපි