දේ්‍ශීය නර්ථන සම්ප්‍රදායන් තුනට අයත් ශාන්තිකර්ම

ශාන්තිකර්ම යනු කිසියම් පුද්ගලයෙකුට මානසික හෝ කායික සුභසිද්ධිය අරමුණු කොට ගෙන දෙවියන්, යක්ෂයන් නැතහොත් වෙනත් බලවේග දුරුකර ශාන්තියක් උදෙසා පවත්වන කිසියම් කාර්ය සංසිද්ධියකි.අපි දැන් එක් එක් සම්ප්‍රදාය පිළිබඳ දැන ගනිමු.

1. උඩරට නර්ථනය සම්ප්‍රදාය - කොහොඹා කංකාරිය ශාන්ති කර්මය
2. පහතරට නර්ථන සම්ප්‍රදාය - දෙවොල් මඩු ශාන්ති කර්මය
3. සබරගමු නර්තන සම්ප්‍රදාය - පහන් මඩු ශාන්ති කර්මය 

 ශාන්ති කර්ම පැවැත්වීමට හේතු වූ කරණු

 01.උඩරට සම්ප්‍රදායේ කොහොඹා කංකාරිය ශාන්ති කර්මය

 අතීතයේ පැවැත්වීමට හේතුව

•  පඩුවස් දෙව් රජුට වැළදුනු දිවි දෝෂය නිසා හටගත් රෝග සුවපත් කිරීමට.

වර්තමානයේ පැවැත්වීමට හේතු

• ධන,ධාන්‍ය,ගව,මහීෂාදී බව බෝග සම්පත් වැඩි දියණු කරගැනීම.
• පුද්ගලයන්ට බල පෑ යම් රෝගය බාදයන් සුවකර ගැනීම.
• ගමකට ප්‍රෙද්ශයකට මුළුරටටම පැමිණ ඇති වියසනයකින් මිදී සෙතක් ශාන්තියක් ලබා ගැනීම.
• අධ්‍යාපනික අවශ්‍යතා

02.පහතරට සම්ප්‍රදායේ දෙවොල්මඩුව ශාන්ති කර්මය

අතීතයේ පැවැත්වීමට හේතුව

• සේරමාන් රජුට ඇති වූ හිසරදය සුව කිරීමට

වර්තමානයේ දී පැවැත්වීමට හේතු

• ගමට, රටට සෙත් ශාන්තියක් පැතීම.
• ධීවරයන්ට වාරකන් කාලයේ දී රැකවරණය හා ශාන්තිය පැතීම.
• සශ්‍රීකත්වය උදෙසා
• රෝග නිවාරණය හා සෙත් පැතීම.
• අධ්‍යාපනික අවශ්‍යතා

03.සබරගමුව පහන්මඩුව ශාන්ති කර්මය

අතීතයේ පැවැත්වීමට හේ්තුව

• සේරමාන් රජට ඇතිවූ හිසරදය සුවකිරීමට

වර්තමානයේ දී පැවැත්වීමට හේතු

• අම්මා වරුන්ගේ ලෙඩ ලෙස ගැමියන් හඳුන්වන රෝග වලින් අත්මිදීම.
• අනවශ්‍ය ආහාර වලින් මිදී පත්තිනි දේවතාවිය වෙනුවෙන් පේවී සෙත් ශාන්ති පැවැත්වීම.
• අධ්‍යාපන අවශ්‍යතා සඳහා

ශාන්ති කර්ම වලින් පුදලබන දෙවිවරු

01.කොහොඹා කංකාරිය ශාන්ති කර්මය

• කොඹා දෙවියෝ
• අලුත් කොහොඹා
• මහ කොහොඹා
• පරණ කොහොඹා යන කොහොබා දෙවි තුන් කට්ටුව

02.දෙවොල් මඩුව ශාන්ති කර්මය

• පත්තිනි දේවතාවිය
• දෙවොල් දෙවියො
• දැඩිමුල්ල දෙවියො
• දොළහ දෙවියො යන තුන් කට්ටුුව

03.පහන් මඩුව ශාන්ති කර්මය

• පත්තිනි දේවතාවිය
• විෂ්ණු දෙවියො
• සමන් දෙවියො
• කතරගම දෙවියො
• විබීෂණ දෙවියො
• නාත දෙවියො
• දෙවොල් දෙවියො

ශාන්ති කර්මවල පුරාවෘත්ත කතා

01.කොහොඹා කංකාරි ශාන්ති කර්මයේ පුරාවෘත්ත කතාව

විජය රජු කුවේණිය සරණපාවා ගෙන වාසය කිරීමේදී එවන්ට ජීවහත්ත හා දිසාලා නමින් දරුවන් දෙදෛනෙක් ඉපදුනි ඉන්පස ඔහු කුවේණිය ඵලවා හැර මධුරා පුරයෙන් ගෙන්වා ගත් කුමරියක් සමකුල කුමාරියක් සර්ණපාවා ගන්නා ලදි. විජය රජු කෙරෙහි කෝපයට පත් වූ කුවේණිය ඔහුට සාප කලාය. ඉන් පසුව රජු වශයෙන් පැමිණි පඩුවස් දෙව් රජුට කුවේණිය විසින් විජය රජුට කරන ලද සාපය වැදුණි.

සිහිනෙන් දිවියෙකුගේ වෙසක් දැක බිය පත් වූ පඩුවස් දෙව් රජු බලවත් සේ රෝගාතුර විය. කොහොඹා කංකාරියේ දිවිදෝෂය නමින් හැදින්වෙන්නේ මෙයයි. මෙම දිවිදෝෂය දුරු කිරීම සඳහා නොයෙකුත් සෙත් ශාන්ති කරවන ලද නමුත් සුවයක් නොලැබිණි. අනතුරුව සක්‍ර දේවේන්ද්‍රයාට මෙය සැරකර සිටියේය. දිවියෙකු සිහිනෙන් දැක බියවීමෙන් හටගත් රෝගයක් හෙයින් මව් කුසෙන් උපන් කෙනෙකුට මෙය දුරු කල නොහැකි වීම නිසා මලෙන් උපන් කෙනෙකු සොයා යාගය කරන ලෙස උපදෙස් ලබා දෙන ලදි.

මෙම කාර්ය රාහු අසුරේන්ද්‍රයාට බාර කරන ලදි. රාහු අසුරේන්ද්‍රයාා විෂ්ණු දෙවියන්ගේ දස අවතාර වලින් එකක් වන දියෙන්ගි,ගින්නෙන්, ආයුධවලින් හෝ හීයකින් හෝ නනස්නා බල ඇති ඌරු අවතාරය ලබා දෙන්නේ් නම් කාර්ය බාරගන්නා බව කියා සිටියේය. අවසරය ලැබුණු රාහු අසුරේන්ද්‍රයා සත් මුහුදෙන් එතෙර වී මලය රටට ගොස් රජුගේ නන්දන උයන විනාශ කිරීමට පටන් ගති. උයන ආරක්ෂා කරන උයන්පල්ලා සිදව ඇති විපත මලය රජටු දැන්වීය. රජු ඌරා ඇල්ලීම සඳහා නුවර අණබෙර කරු ලවා වැදි සේනාව රැස්කර උයන වට කලේය.ඌරා මලය රජගේ නුවරට වැද මාලිගාවබිද දවන විට මලය රජ ,කිත්සිරු,සඳලිදු යන තුන් දෙනා අතින් දුනු හී ගෙන ඌරා ලුහු බැද ලක්දිවට පැමිණියේය. සත් මුහුද පීනා ගිය ඌරා ලක්දිවට පැමිණ හන්තාන කන්ද අසලදී ගලක් බවට පත්විය. මලය රජු කඩුවෙන් කොටා විෂ්මයට පත්වූ අවස්ථාවේදී එතැනට පැමිණි සක්දෙව් රජු මලය රජු ඇතුළු පිරිස මෙහා ගෙන්වීම පිණිස මෙවැනි මායාවක් කල බවක් විස්තර කලේය.මලය රජු ඇතුළු පිරිසක් පඩුවස් දෙව් රජුගේ දිවි දොස් සුවපත් කිරීම පිණිස අනුරාධපුරයේ් මහමෙව්නා උයනේ නියමිත දිග පළල සහිිත මණ්ඩපයක් කරවා ශාන්ති කර්මය කිරීමෙන් අනතුරුව දිවි දෝෂය සුවපත් විය.

02.දෙවොල්මඩුව ශාන්ති කර්මයේ පුරාවෘත්ත කතාව

සේරමාන් රජුගේ උයන පාලු කරමින් සිටි ගෝනෙක මරා දමන ලෙස රජු විසින් අණ කරන ලදි. හේවායින් ගෝනා පසු පස පන්නායන අවස්ථාවේ් ගෝනාගේ පය පැටලී අසල තිබුණු රජුගේ පොකුණට වැටී මැරිණි. තමාට විපත් කලේ රජ බව දැනගත් ගෝනා ඔහු කෙරෙහි කෝපයෙන් මරණයට පත් වී පොකුණෙහිම මැඩියෙකු වී ඉපදුනි.

දිනක් රජු පොකණට යද්දී ලස්සන මලක් දැක එය කඩා සවද ආග්‍රාහණය කළ සැනකින් එහ සිටි කුඩා මැඩියා රජුගේ නාසයට ගියේය. ඉන් හටගත් හිස රදයක් සුවකිරීමට නොහැකිව සිටියදී දිනක් රජුට සිහිනෙන් රූමත් කාන්තාවක් පෙනුනාය. ඒ බව පරෝහිතයන්ට දැනවිය ඔවුන් පැවසුවේ සිහිනෙන් පෙනී ඇත්තේ පත්තිනි දේවිය බවත් බොද්ධාගම ස්ථාපිත රටකට ගොස් පින් පැමිණවිය යුතු බවත් ය. එහිදී ලංකාව තෝරා ගෙන කැලනියට ගොස් බුදන් වැද දෙවියන්ට පින් දී රුවන්වැල්ලේ දී දෙවොල් මඩව ආරම්බක වූ බව කියවේ.

03.සබරගමුව පහන් මඩුව ශාන්ති කර්මය

සබරගමුව පහන් මඩුවේ පුරාවෘත්ත කතාව පහතරට දෙවොල් මඩුවේ පුරාවෘත්ත කතාව හා බැදේ.