උසස්පෙළ ඉංජිනේරු තාක්ෂණවේදය

ඉදිකිරීම් තාක්ෂණවේදය - කොන්ක්‍රීට් භාවිතය (01 කොටස)

ඉදිකිරීම් තාක්ෂණවේදය - කොන්ක්‍රීට් භාවිතය

[ CONCRETE    ( පලමු කොටස )


  

යකඩ, දැව, ගඩොල් යන ද්‍රව්‍ය යම් ආකාරයකට වැදගත් වනවා සේම කොන්ක්‍රීට් ද ඉදිකිරීම් තාක්ශනයේදී වැදගත් වෙයි. ගොඩනැගිලි ද්‍රව්‍යයක් ලෙස කොන්ක්‍රීට් බහුලව භාවිතා කිරීම දක්නට ලැබෙයි.

 

කොන්ක්‍රීටයක් යනු....

බැදුම් ද්‍රව්‍ය, සියුම් සමාහාර, රළු සමාහාර, ජලය සමග නිශ්චිත අනුපාතකයට මිශ්‍ර කිරීමෙන් සාදාගත හැකි නිර්මිත ගොඩනැගිලි ද්‍රව්‍ය‍යකි.

 

 

කොන්ක්‍රීටයේ ගුණාත්මකභාවය

සදහා බලපාන සාධක

  • අමුද්‍රවයන්ගේ ගුණාත්මකභාවය
  • සමාහාරයන්ගේ වර්ගීකරණය
  • මිශ්‍රන අනුපාතය
  • එකතුකරන ලද ජල ප්‍රමාණය
  • පදම් ගතිය

 

 

කොන්ක්‍රීට් සදහා භාවිත ද්‍රව්‍ය

Materials for Concrete

 

 

 

 

  • රළු සමාහාර - මෙටල්
  • සියුම් සමාහර - වැලි /ගල් කුඩු
  • බැදුම් ද්‍රව්‍ය - සිමෙන්ති
  • සජලීකාරක - ජලය

 

 

කොන්ක්‍රීට් මිශ්‍රණයක ඇති ජල ප්‍රමාණය වැඩි වුවහොත් කුමක් සිදුවේද?

“කොන්ක්‍රීට් මිශ්‍රණයක ඇති ජල ප්‍රමාණය වැඩි වුවහොත් කොන්ක්‍රීටයේ ශක්තිමත් බව හීන වෙයි”

ඉහත රූපය සලකන්න. ජලය වැඩිවීමෙන් මිශ්‍රණයේ ඒකාකාරි බව නැතිවී යයි. බරින් වැඩි කොටස් පතුලේ තැන්පත් වීම සිදුවේ. බරින් අඩු කොටස් මිශ්‍රණයේ ඉහලට පැමිනේ. බන්ධන ස්වභාවයට හානි වෙයි. මෙය විසංගමනය ලෙස හදුන්වයි.

 

කොන්ක්‍රීට් සදහා භාවිත ද්‍රව්‍ය වල

අනුපාත මැන ගැනීම

ලබා දී ඇති අනුපාතයකට අනුව කොන්ක්‍රීට් සදහා ද්‍රව්‍ය මැන ගැනීම සිදු කරයි.හොද කොන්ක්‍රීටයක් සදහා අමුද්‍රව්‍ය නිවැරදිව මැනිම අවශ්‍ය වේ.

  • පරිමාව අනුව
  • බර අනුව ප්‍රධාන ක්‍රම දෙකකට අනුපාත මැනීම සිදු කරයි.

 

කොන්ක්‍රීට් මිශ්‍රණයක අනුපාත  ක්‍රම තුනක් යටතේ තීරණය කරයි.

  • නාමික මිශ්‍රණය : මිශ්‍රණයේ සංඝටක සරල අනුපාත වලින් ප්‍රකාශ කිරීම මෙහිදී සිදුවේ.
  • සම්මත මිශ්‍රණය :  බර අනුව සම්මත මිශ්‍රණ දැක්වීම මෙලෙස හදුන්වයි.
  • නිර්මිත මිශ්‍රණ  :  ප්‍රතයාබලය ලබා ගැනීම සදහා මිශ්‍ර කල යුතු සංඝටක වල අනුපාතය පරීක්ෂණ මගින් ලබා දීම මෙහිදී සිදු වේ.

 

බර අනුව අනුපාත මැනීම...

 

වර්තමානයේදී කොන්ක්‍රීට් මිශ්‍රණ සාදා ගැනීම සදහා බර අනුව අනුපාත මැනීම බහුලවම භාවිතා වෙයි.සිමෙන්ති හා සමාහාර අවශ්‍ය පරිදි කිරා ගැනීමෙන් පසුව භාවිතයට ගනු ලබයි.රූපයේ දැක්වෙන්නේ බර අනුව අනුපාත මැනීමට භාවිත කරන කොන්ක්‍රීට් අංගනයක පිහිටි උපකරණ කට්ටලයකි.

 

 

පරිමාව අනුව අනුපාත මැනීම...

 

 

පරිමාණ පෙට්ටියක් භාවිතයෙන් ද්‍රව්‍යයන්ගේ පරිමාව මැන ගැනීම මෙහිදී සිදු වෙයි.මෙය නිවැරදි මැනිමේ ක්‍රමයක් නොවේ. විවිධ ද්‍රව්‍යන්ගේ ඝනත්ව වෙනස් වීම මෙයට හේතුවයි.

 

 

කොන්ක්‍රීට් මිශ්‍රණ සදහා වූ ද්‍රව්‍ය වල සම්මත අනුපාත

Ratio of Ingredient   for Concrete

 

වියලි කොන්ක්‍රීට් මිශ්‍රණයක අඩංගු සිමෙන්ති, වැලි, කළු ගල් පරිමා අනුපාත මෙහිදී ප්‍රකාශ කරයි.

 

1:3:6  - M 15  - තනි කොන්ක්‍රීට් මිශ්‍රණයකි. අත්තිවාරම්, ගෙබිම සදහා භාවිත  

                        කරයි.

1:2:4  -M 20  - වැරගැන්වූ කොන්ක්‍රීට් මිශ්‍රණයකි. ලින්ටල, බාල්ක, කුලුනු   

                         සදහා භාවිත කරයි.

1:1.5:3  - M 25 - විශේෂ වැරගැන්වූ කොන්ක්‍රීට් මිශ්‍රණයකි. ජල ගබඩා ටැංකි,

                          අධිභාර දරන කුලුනු සදහා භාවිත කරයි.

1:1:2 -M 30  -    අධිභාර දරන බාල්ක  සදහා භාවිත කරයි.

 

“ඉහත කොටසේ M මගින් නිරූපණය කරන්නේ ශ්‍රේණියයි.”

 

 

කොන්ක්‍රීට් මිශ්‍රණ සදහා අමුද්‍රව්‍ය මිශ්‍ර කිරීම

ද්‍රව්‍ය මැනීම , ම්ශ්‍ර කිරීම, ප්‍රවාහනය, තැන්පත් කිරිම හා පදම් කිරීම නිසිලෙස සිදු කිරීමෙන් කොන්ක්‍රීට් වල ශක්තිය නිවැරදිව ලබා ගත හැකිය.

 

අතින් මිශ්‍ර කිරිම....

පොලොව මත මෙටල් අතුරා ඉන් පසුව සියුම් සමාහාර හා බැදුම්ද්‍රව්‍ය යොදා මිශ්‍ර කරනු ලබයි. ඉන් පසු අවශ්‍ය ලෙස ජලය එකතු කර සවල් භාවිතයෙන් කොන්ක්‍රීට් මිශ්‍රණය සකසා ගනු ලබයි.

 

 

යන්ත්‍රානුසාරයෙන් මිශ්‍ර කිරීම....

 

කිසියම් ආකාරයක යන්ත්‍රයක් භාවිතයෙන් කොන්ක්‍රීට් මිශ්‍රණය සාදා ගැනීම මෙලෙස හදුන්වයි. අද වනවිට බහුලවම භාවිත කරනුයේ මෙම ක්‍රමයයි.

 

 

දෙවන කොටසින් නැවත හමුවෙමු...

එතෙක් සුභ දිනක්...


ලිපිය නිර්මාණය කලේ,
J
Janaka Sandaruwan


MEMBER

අදාල තවත් ලිපි,



Janaka Sandaruwan

උසස්පෙළ ඉංජිනේරු තාක්ෂණවේදය

අනෙකුත් ලිපි