ගඩොල් බැමි

ගඩොල් බැම්මක් යන තැනුම් ඒකක කිසියම් රටාවක ට තබා කරනු ලබන බැදීමකි. මෙහි දී බැම්මක ඉදිකිරීමට යොදා ගන්නා රටාව ඉතා වැදගත් වේ. ගඩොල් බැම්මක් බැඳීමේදී ගඩොල් අතර ඇති මුට්ටු එක එල්ලේ නොපිහිටන පරිදි බැම්ම බැඳී යුතුය. ගඩොල් එක එල්ලේ පිහිටන පරිදි බැම්ම බැඳීමෙන් බැම්මට යොදන භාරය යාබද පේලි කරා පැතිර නොගොස් එක එල්ලේ ක්‍රියා කිරීමෙන් දැන් මෙහි ස්ථායිතාවය හා ශක්තිය හීන වී බැම්ම ගැලවී යාම සිදු වේ. තවද මෙහි භාරය ක්‍රියාකරන වර්ගඵලය අඩු නිසා පතුලේ ගඩොල් මත වැඩි පීඩනයක් ඇති වීමෙන් ගිලාබැසීමක් ද ඇති වේ. මෙමඟින් ද බැම්ම දුර්වල වීම සිදු වේ. නමුත් සිරස් කුස්තුර එක එල්ලේ නොපිහිටන පරිදි යම්කිසි රටාවකට බැම්මක් මගින් ඉහලට ගඩොලක් මත යෙදෙන බාරය ක්‍රමානුකූලව බිත්තිය මත විසිර ගොස් භාරය ක්‍රියා කරන වර්ගඵලය වැඩි කරයි. මේ නිසා බැම්ම ගැලවී යාමේ හැකියාව නැතිවී ස්ථායි ශක්තිමත් බැම්මක් නිර්මාණය කිරීමට හැකි වේ.

                                                                                                  

ඉදිකිරීම් ක්ෂේත්රයේ භාවිතා කරන බැමි වර්ග කිහිපයකි

                 * ඔලු ගල් බැම්ම
                 * බඩ ගල් බැම්ම
                 * ඉංග්‍රීසි බැම්ම
                 * ෆ්ලෙමිශ් බැම්ම

ඔලු ගල් බැම්ම

ඔලු ගල් බැමි ක්‍රමයේදී සෑම වරියක්ම ඔලු ගල්වලින් නිර්මාණය වෙයි. ඔලු ගල් බැමි ක්‍රමයෙහි දී වරියක් කර වරියක් ආරම්භ කරනුයේ 3/4 ගඩොල් දෙකක් බඩ ගල් ආකාරයට යොදා ගනිමින් කුස්තුර මාරු කර ගැනීමෙනි. අඩු ගල් බැමි ක්‍රමය ලිං බැඳීම ආරුක්කු බැඳීමට යොදා ගනී. මෙම බිත්තියේ අවම පළල 220 mm වේ. මම නම් ගඩොලක දිග වෙයි.

                                                                                             

බඩ ගල් බැම්ම

ගඩොලක බඩ මුහුණත ඉදිරියට පෙනෙන පරිදි නිර්මාණය කරනු ලබන බැමි ක්‍රමය බඩ ගල් බැම්ම වේ. ඉදිකිරීම් ක්ෂෙත්‍රයේ දි පළලින් අඩුම බැමි වර්ගය බඩ ගල් බැම්ම වෙයි. මෙහි පළල ගඩොලක පළල වෙයි. මෙම බැම්මට  වෙනත් විශාල භාර දැරීමට හැකියාව අඩු අතර ස්වයංභාර  දැරීමට හැකියාවක් ඇත. බැම්මේ සිරස් කුස්තුර දෙකක් අතර දුර  ගඩොලක දිගින් හරි අඩක් වෙයි. මෙම බැමි ක්‍රමයේදී පලල අඩු නිසා බැම්මක් බැදීමේදී බැම්ම ස්ථාවරව තබා ගැනීමට නම් 2.4m ත් 3m අතර කුළුණු යොදා නිර්මාණය කළ යුතුය. එසේ බැම්මේ උස ද කිසිදු ආධාරකයන් නොමැති නම් 1.5m වඩා නිර්මාණය නොකළ යුතු ය. මෙම බැමි ක්‍රමය මායිම් තාප්ප වෙන්කිරීමේ බිත්ති සියලු කෙටි බිත්ති සඳහා යොදා ගනී.

ඉංග්‍රීසි බැම්ම

ඉංග්‍රීසි බැමි ක්‍රමය බර දරන බිත්ති බැඳීම සඳහා යොදා ගැනේ. ඊට හේතුව වන්නේ මෙම බැම්මේ පළල වැඩි නිසා බැම්ම මත භාරය ක්‍රියා කරන වර්ගඵලය වැඩි වීමෙන් ඉහළ ගඩොල් මත යෙදෙන භාරය ගඩොල් මත විසිර යාම නිසා පහලට ක්‍රියා කරන පීඩනය අඩු වීමයි. මෙම බැම්මේ අවම පළල ගඩොලක දිග වේ. එහෙත් ඉංග්‍රීසි බැම්මේ පළල ගඩොලක දිග මෙන් 1 1/2 ,2 ලෙස වැඩි කර ගත හැකිය. මෙම බැමි ක්‍රමයෙහි විශේෂත්වය වනුයේ,
* එකම බිත්තියේ එක් වරියක් වරියක් බඩ ගල් ද ඊළඟ වරිය ඔළු ගල්ද ලෙස පිහිටීම.
* ඔලු ගල් වරිය පළවෙනි ඔලු ගලට යාබදව ආන බාන්දුවක්  යොදා ගනි.
* බැම්මක අවසානය සිදු කරන විටදී ද අවසාන ඔලුගලට පෙර ආනබාන්දුවක් යොදා ගැනේ.

ෆ්ලෙමිස් බැම්ම

මෙය විසිතුරු බැමි වර්ග ලෙස හඳුන්වයි. මෙම එබැවින් ක්‍රමයේ විශේෂ ලක්ෂණ වන්නේ ,
* එකම වරියෙහි පිළිවෙලින් බඩ ගලක් හා ඔලු ගලක් මාරුවෙන් මාරුවට පිහිටීමයි.
* එක වරියක ඔලු ගලක් ඊට යාබදව ඉහළින් සහ පහළින් පිහිටි බඩ ගල් අතර හරි මැදින් පිහිටයි.
* ඔලු ගල් වලින් ආරම්භ වන සෑම පේලියක් සඳහාම සඳහාම ආනබාන්දුවක් පිහිටයි.
මෙම බැමි ක්‍රමය ඉංග්‍රීසි බැමි රටාවට වඩා ශක්තියෙන් දුර්වල ය. බිත්තියේ ඉදිරි පෙනුම අලංකාරයට යොදා ගනි.