රබර් වගාව

රබර් වගාව                                                                                   

-: හැදින්වීම :-

දකුණු ආසියාතික රටවල බහුලව වගා කරන මහත් ආර්ථික වටිනාකමක් ඇති රබර් ශාකයේ හට ගැනීම දකුණු ඇමරිකාවේ ඇමේසන් වනාන්තර තුළ සිදු වී ඇත. එනම් බ්‍රසීලයේය. රබර් කිරි හරහා විවිධ නිෂ්පාදන සිදු කරන අතර, කිරි වලට අමතරව රබර් ශාකය දැව වශයෙන් ගෙන විවිධ නිර්මානයන් (ගෘහ භාණ්ඩ වැනි ) සිදු කරන අතර ඉන්ධන වශයෙන්ද භාවිතයට ගනී.

එවැනි වටිනාකමක් සහිත රබර් ශාකය පළමු වරට ශ්‍රී ලංකාවට හදුන්වාදුන්නේ Sir Henri Wickham විසිනි. ඒ 1876 දීය. ශ්‍රී ලංකාවේ රබර් වගාවේ වැඩි දායකත්වයක් උසුලන්නේ කුඩා පරිමාණ රබර් වතු හිමියන් විසිනි. එය මුළු රබර් ප්‍රමාණයෙන් 70 % ක් පමණ වේ. රබර් වගා කරන දකුණු ආසියාතික රටවල් අතර ශ්‍රී ලංකාවට අමතරව මැලේසියාව, තායිලන්තය, ඉන්දුනීසියාව, චීනය, පැපුවා, නිව්ගිනියා යන රටවල්ද දැක්විය හැකිය. මේ සෑම රටක්ම Association Of Natural Rubber Producing Countries නැතිනම් ( ANRPC ) හී සාමාජිකයෝ වෙති.

Euphorbiaceal කුළයට Hevea ගණයට හා Hevea Brasiliensis විශේෂයට අයත් රබර් ශාකය සාමාන්‍යයෙන් වසර 100 ක් පමණ ජීවත් වෙයි. නමුත් මෙපමණ කලක් ජීවත් උවද ආර්ථික අස්වැන්න ලබා ගත හැක්කේ වසර 30 ක් පමණය. පැළ සිටුවා සාමාන්‍යයන් වසර 5 කින් අස්වැන්න ලබා ගැනීම ආරම්භ කෙරේ. මෙය වියළි කලාපයේ වසර 6 ක් පමණ යන අවස්ථාද ඇත. තෙත් කලාපයේ නිරිතදිග ප්‍රදේශය ශ්‍රී ලංකාවේ රබර් වගා කරන විශාලතම ප්‍රදේශය වේ.

-:රබර් ප්‍රභේද :-

 දශක 10 කට අධික කාලයක් පුරා ක්ලෝන වැඩිදියුණු කිරීම තුළින් වාර්ෂික රබර් අස්වැන්න හෙක්ටයාරයකට 3000 Kg ත් 4000 Kg ත් අතර ඉහල අගයක් දක්වා වැඩිකර ගැනීමට නව ප්‍රභේදයන් හදුන්වාදෙන ලදී. දැනට නිර්දේශිත ක්ලෝන 40 ක් පමණ ඇත. පැළ බද්ධ කිරීමේදී නව ක්ලෝන නැතිනම් නව ප්‍රභේද භාවිතා කරයි. මෙම ක්ලෝන කාණ්ඩ 3 ක් යටතේ වර්‍ග කෙරේ. ඒවා පහත පරිදි වේ.                              

මෙම ඉහත දැක්වූ ක්ලෝනයන් කුඩා පරිමාණ වගා කරුවන් සදහා සහ මහා පරිමාණ වගාකරුවන් සදහා යනාදී ලෙසින් හොදින් අස්වැන්න ලබා ගත හැකි පරිදි වර්‍ගකොට ඇත.

-: පැළ නිපදවීම :-

 රබර් වගාවේදී ක්ෂේත්‍රයේ සිටුවීම සදහා පැළ ලබා ගන්නේ ඉහළ අස්වැන්නක් සහිත ක්ලෝන බද්ධ කර ලබාගත් පැළ මගිනි. මෙලෙස ක්ලෝන බද්ධ කිරීම සදහා අවශ්‍ය පැළ ලබා ගැනීම වෙනුවෙන් වෙනමම බීජ ලබා ගන්නා රබර් ඉඩම් ඇත. එම ඉඩම් වලින් අහුලාගත් බීජ භාවිතා කොට බද්ධ කිරීම සදහා අවශ්‍ය පැළ ලබා ගනී. පැළ 5000 ක් අවශ්‍යවේනම් ඒ සදහා බීජ 10000 ක් තවාන් කරයි. මෙලෙස තවාන් කරන ලද බීජ වලින් ප්‍රරෝහණය වූ බීජ දිනක් හැර දිනක් ලෙස දෙවන සතිය තුළදී ලබාගනී. බීජ තවාන් කරන්නේ පැළ උදුරාගත හැකි පරිදි වැලි තවානක් මතය. හොද ඇට තෝරාගනු ලබන්නේ වතුරට දමා උඩඑන ඇට පමණි. එම ප්‍රරෝහණය වූ බීජ පැල 13 cm ක වට ප්‍රමාණය ඇති 7 cm ක් උස ඉටිරෙදි බදුනක රෝපණය වීමට සලස්වා මාස තුනකින් පසු බද්ධ කරනු ලබයි. එම බද්ධ කරන අවස්ථාව වනවිට පැලයෙහි කදෙහි ප්‍රමාණය පැන්සලක ප්‍රමාණයට සමාන වට ප්‍රමාණයකින් තිබිය යුතුය.

එලෙස සාදාගත් පැලය 45 % ක ආනතියට කපා වැඩි දියුණු කරන ලද ක්ලෝනයක් එමපැලයට බද්ධ කරණු ලැබේ. මෙලෙස බද්ධ කොට වර්‍ෂා ජලය ඇතුළුවීම වැලැක්වීම සදහා පොලිතීන් කැබැල්ලකින් ඉහළ සිට පහලට එම ස්ථානය වෙලිය යුතුය. දින 21 කින් පසුව පොලිතීන් කැබැල්ල ඉවත්කර බලයි. එහිදී බද්ධ අංකුරය කොළ පැහැතිව තිබේ නම් බද්ධය සර්ථකය. මෙලෙස ඉහත ආකාරයට පැල නිපධවා ගත හැකිවේ.

-: පැල සිටුවීම :-

 මෙලෙස සකසාගත් රබර් පැලය ක්ෂේත්‍රයේ සිටුවීම සදහා පරිනත විය යුතුය. එනම් ශාකයේ කොළමාල 2 ක් පරිනත විය යුතුය. ‍මෙලෙස පරිනත වූ පැල හෙක්ටයාර් එකකට 500 ක් පමණ අවශ්‍ය වෙයි. එම පැල ක්ෂේත්‍රයේ සිටුවීමේදී පහත සදහන් ආකාරයට පහත සදහන් පරතරයන්ට අනුව සිටවනු ලැබේ.

සමචතුරස්‍රාකාර ක්‍රමයට පැල සිටුවීමේදී පේළි අතර අඩි 15 ක්ද පැල අතර අඩි 14 ක්ද තිබිය යුතුය.

බෑවුම් සහිත තැනිතලා වල පැල සිටුවීමේදී පේළි අතර අඩි 18 ක්ද පැල අතර අඩි 12 ක්ද තිබිය යුතුය.

අතුරු බෝග සමග පැල සිටුවීමේදී පේළි අතර අඩි 27 ක්ද පැල අතර අඩි 08 ක්ද තිබිය යුතුය.

ඒ වගේම පැල සිටුවීම සදහා භාවිතා කරන වල ගැනද සැළකිලිමත් විය යුතුය. එයද පහත පරිදි වේ.

දිග     - 60 cm

පළල - 60 cm

උස     - 75 cm

මෙම වල මතුපිට පස් හා පොහොර වර්‍ග යොදා නැවත පුරවනු ලැබේ. (15 cm- 20 cm ක් පමණ ඉතිරි කර ).මෙලෙස සකසා ගත් වලෙහි වර්‍ෂා කාලයේ ආරම්භයත් සමග සිටුවීම සිදු කරනු ලැබේ.එනම් මෝසම් වැසි ආරම්භයේදී සිටුවනු ලබයි. එහිදී බද්ධ කළ ස්ථානය පොළවට යටවන සේ පැලය ස්ථාපනය කෙරේ. ඊසාන දිගමෝසම් කාලය ඔක්තෝම්බර් සිට දෙසැම්බර් දක්වාද , නිරිත දිග මෝසම් කාලය මැයි සිට ජූනි දක්වාද බල පැවැත්වේ.

මෙලෙස ක්ෂේත්‍රයේ සිටුවන පැල කුමන හේතුවක් නිසා හෝ මියගිය හොත් ඒවෙනුවට නැවත පැල සිටුවිය යුතුය. තවද දුර්‍වල පැල ඉවත් කොට ඒවෙනුවටද නැවත පැල සිටුවිය යුතුය. ඒසදහා අවුරුදු දෙක තුනක වයසැති පැල යොදා ගැනීමට සිදුවේ. මේ සදහා වගාව ආරම්භයේදීම වගාවේ ඇති ගස් ප්‍රමාණයෙන් 10 % ක් පමණ වූ අමතර පැල සංඛ්‍යාවක් කාණුපැල ලෙස නඩත්තු කළ යුතුවේ. මේවා මුහුකුරාගිය බද්ධ පැල හෙවත් STUMPED BUDDINGS ලෙස හදුන්වයි. ශාකයේ වැදගත්ම අවධිය පැල සිටුවීමේ සිට අස්වැන්න ලබා ගන්නා අවුරුදු 5 දක්වා වූ අපරිනිත කාලයයි. මේ කාලය තුළ කදෙහි වට ප්‍රමාණය වසරකට අවම වශයෙන් 10 cm කින් වැඩිකර ගැනීම සදහා කළයුතු සියළු කාර්‍ය්‍යන් / ආයෝජණයන් / කැපකිරීම් කළ යුතුය.

-:පොහොර යෙදීම :-

පොහොර යෙදීම යනු ශාකයට අවශ්‍ය පෝෂ්‍ය පදාර්ථ බාහිරව කෘතිමව ලබාදීමයි. රබර් ශාකයේ වර්‍ධනය සදහා විශේෂයෙන් අවශ්‍ය පෝෂ්‍ය පදාර්ථ ලෙස විශේෂයෙන් N, P, K සහ Mg දැක්විය හැකිය. මෙම පොහොර යෙදීම රබර් වගා කරන ප්‍රදේශ සදහා පස අනුව විවිධ ප්‍රමාණයන් නිර්දේශ කොට තිබේ. එපමණක් නොව එම නිර්දේශය ගසේ වයස අනුව වසරින් වසර වෙනස් වේ. කෙසේ හෝ අදාල පොහොර මිශ්‍රණය තෝරාගත යුත්තේ අදාල ප්‍රදේශයේ ඇති පාංශු දර්‍ශකය අනුවය. එය පහත සදහන් පරිදි දැක්විය හැකිය.

R/YB = SAP/ DAP/ SOP/ CES

                                                               SAP = Sulphate Of Amonia

                                                               DAP = Dai Amoniam Posphate

                                                               SOP = Sulphate Of Poteciam

                                                              CES = Commercial Epson Salt

R/U = UREA/ ERP or IRP/ MOP         Urea

                                                               Eppawala Rock Posphate or Imported Rock Posphate

                                                              Murate Of Potesh

R/SA = SA/ ERP or IRP/ MOP/ KIE     Amoniam Sulphat

                                                               Keeserrite

පරිනත වගාවන් සදහා පොහොර යෙදීමේදී එය සිදු කරනුයේ විශේෂිත ආකාරයකටය. එම කාර්‍ය්‍යද රබර් වගා කරන ප්‍රදේශය අනුව එහි ඇති පාංශු ශ්‍රේණිය සැළකිල්ලට ගෙන පොහොර යොදයි. එය පහත සදහන් පරිදි වගුවක් ලෙස ඉදිරිපත් කළ හැකිය. මෙය විශේෂ වනුයේ කුඩා රබර් වතු හිමියන්ටය. අන් අය සදහා පාංශු හා ශාක පෝෂත්ව දෙපාර්තමේන්තුව මගින් වසර තුනකට වරක් පත්‍ර හා පාංශු විශ්ලේෂණය මගින් පොහොර නිර්දේශ කරයි. එය පහත පරිදිය.

ඉහත සදහන් පොහොර වර්‍ග ඒ ඒ ප්‍රමාණයන් නිවැරදි ලෙස භාවිතා කිරීමේදී ඒවා භාවිතා කළ යුතු නිවැරදි කාලයක්ද ඇත.එනම්,

• තද වැසි කාලය මග හැරිය යුතුය. තද වැසි නිසා පොහොර සේදී යා හැකිය.
• නියං කාල මගහැරිය යුතුය.
• හරිත වගාවන් සදහා දළුලෑමෙන් මසකට පසු යෙදිය යුතුය.
• තෙත් කලාප‍යේනම් ජූනි මාසයට පෙර පොහොර යෙදීම අවසන් කළ යුතුය.
• පොහොර දැමීමට පෙර ගස වටා අඩි 3 – 4 ක අරයක් සහිත වට ප්‍රමාණයක වල් මර්‍ධනය කළ යුතුය.
• මුල්ලු කිරීම මගින් පස තුළට පොහොර යෙදිය යුතුය.කිසි විටෙකත් පස මත පොහොර විසිරවීම නොකළ යුතුය.
• පැල සිටුවා මුල් අවුරුද්ද තුල මුල සිට අඩියක් දුරින් මුල්ලු කිරීම සමග පොහොර යෙදිය යුතුය.
• ගස පරිනත වන විට ටිකෙන් ටික ගසේ අරය වැඩිකොට පරිනත වූ පසු අඩි 3 – 4 ක අරයක් පොහොර දැමීම සදහා භාවිතා කළ යුතුය.
• පොහොර යොදා වසුන් යෙදීම ( පිදුරු/ කොළ අතු ) ශාකයේ වර්‍ධනයට සහ පසේ තෙතමනය රදවා ගැනීමට මනා පිටුවහලක් වේ.

මීට අමතරව හැකි සෑම අවස්ථාකදීම ඉහත නිර්දේශයන්ට අමතරව කාබණික පොහොර යෙදීම ඉතා වැදගත්ය. ඒ සදහා ගොම/ කුකුල් පොහොර/ කොම්ෆොස්ට් භාවිතා කළ හැකිය. පරිනත ගසක් සදහා එක් වරකට කාබණික පොහොර 5 Kg ප්‍රමාණවත්ය. ඉහත පොහොර මිශ්‍රණ හා කාබණික පොහොර රබර් ගසට පළමු හා දෙවන වසර වල හතර වරක්ද, ( වසරකට අදාල ප්‍රමාණය 4 ට බෙදා ) ඉන් එහාට කිරි කපන තෙක් වාර තුන බැගින්ද යෙදීම වඩාත් සුදුසුය.

-: පස හා පාංශු සංරක්ෂණය :-

රබර් වගාවේදී පමණක් නොව සෑම වගාවකදීම පස හා පාංශු සංරක්ෂණය පිළිබද අවධානය යොමු කිරීම ඉතා වැදගත් වේ. පස පිළිබදව සළකා බැලීමේදී බහුලව ආම්ලික පසේ රබර් වගා කරයි. රබර් වගාවට සුදුසු පස් කාණ්ඩ 4 ක් පවතී.

1. රතු කහ පොඩ්සොලික් පස
2. රතු දුඹුරු පස සහ අපරිනිත දුඹුරු පස
3. රතු දුඹුරු ලැටසෝල් පස
4. රොගසෝල්ස් සහ ඇලුවියල් පස

      තවද ශ්‍රී ලංකාවේ රබර් වගා කරන භූමිය පාංශු පැතිකඩෙහි රූපීය ලක්ෂණ හා මාතෘ ද්‍රව්‍යවල ස්වභාවය අනුව පස් ශ්‍රේණි අටකට බෙදා දක්වයි. එනම්,

1. පාරම්බේ ශ්‍රේණිය
2. හෝමාගම ශ්‍රේණිය
3. අගලවත්ත ශ්‍රේණිය
4. රත්නපුර ශ්‍රේණිය
5. මාතලේ ශ්‍රේණිය
6. බෝරල ශ්‍රේණිය
7. මාදම්පේ ශ්‍රේණිය
8. ගංගා සහ දෙණිය ශ්‍රේණිය         ලෙසයි.

ඉහත දැක්වූ මිල කල නොහැකි ස්වභාවික සම්පතක් වන පස සංරක්ෂණය කළ යුතුය. සුළග හා ජලය මගින් ඛාදනයට ලක් වේ. ඒ සදහා පිළියම් යෙදිය යුතුය. එය පාංශු සංරක්ෂණයයි. රබර වගා ඉඩම් වලින් අඩකටත් වඩා වැඩි ප්‍රමාණයක ඵලදායිතාවය අඩුවීම කෙරෙහි මතුපිට පාංශු ඛාදනය බලපා ඇත. මෙම තත්ත්වය අවම කර ගැනීම සදහා රබර් වගාවේදී ,

• මතුපිට පස වැහි බිංදු වලට නිරාවරණය වීම වැලැක්විය යුතුය. එනම් මුකුණා, පියුරේරියා, ඩෙස්මෝඩියම් වැනි ආවරණවැල් වගාවන් සංස්ථාපණය කළ යුතුය.
• ඉවුරු මතුපිට හා වැටවල් ආසන්නයේ ඇති වල් පැලෑටි ඉවත් නොකළ යුතුය. එම ස්ථාන වල වල් පැලෑටි වීසි කැති ගැසීම කල යුතුය. ආවරණ වැල් වගාවේ මුල් මගින් පසේ බැදීමක් ඇති කරයි.
• කාණු කැපීම. මෙහිදී ප්‍රධාන කාණු හා පාර්ශවික කාණු වෙනවෙනම කැපිය යුතුය. ඉන් පාර්ශවික කාණු මගින් ප්‍රධාන කාණු වෙත ජලය ගෙන එන අතර ප්‍රධාන කාණුවේ බාධක මගින් ජලයෙහි ගලා බැසීමේ වේගය අඩු කරයි.
• ගල් වැටි දැමීම. අධික ගල් සහිත භූමිවල සමෝච්ච ගල් වැටි දැමීම මගින් රබර් වගාවේ පාං පසේ බැදීමක් ඇති කරයි.
• කාණු කැපීම. මෙහිදී ප්‍රධාන කාණු හා පාර්ශවික කාණු වෙනවෙනම කැපිය යුතුය. ඉන් පාර්ශවික කාණු මගින් ප්‍රධාන කාණු වෙත ජලය ගෙන එන අතර ප්‍රධාන කාණුවේ බාධක මගින් ජලයෙහි ගලා බැසීමේ වේගය අඩු කරයි.
• ගල් වැටි දැමීම. අධික ගල් සහිත භූමිවල සමෝච්ච ගල් වැටි දැමීම මගින් රබර් වගාවේ පාංශු ඛාදනය වළකා ගත හැකිය.

-: රෝග හා පළිබෝධ :-

සුදු මුල් රෝගය

රබර් වගාවේදී දැකිය හැකි ප්‍රධානතම රෝගය වනුයේ සුදුමුල් රෝගයයි. මින් රබර් වගාවට තදබල හානියක් සිදුවීමට පුළුවන. ඉන් අස්වැන්න අඩු වේ. මෙය පාළනය කළ යුතු තත්ත්වයකි. රිජිඩොපෝරස් මයික්‍රොපෝරස් නැමති දිලීරය නිසා හට ගනී. සාමාන්‍යයෙන් මතුපිට පස් සථරය ආසන්නයේ ඇතිධාරක මුල් මත දිලීරය සිහින් සුදු පැහැති සූත්‍රිකා ලෙස එකිනෙක මත වෙලී දිලීර මූලිකා ලෙස වර්‍ධනය වේ. හොදින් වැඩුණු දිලීර මූලිකා වලින් තෙත් කාලයේදී හතු හටගන්නා අතර ඒවායේ පැහැය තැඹිලි හෝ රතු දුඹුරු පැහැයක් ගනී. රෝගය බෝවන්නේ පැරණි වගාවේ තිබූ රෝගය සෑදුනු මුල් ක්ෂේත්‍රෙය් ඉතිරිව පැවතීමෙනි. තවද රෝගී මුල් කැබලි අළුත් වගාවක් හරහා ගෙනයාමේදීද ඒවා ක්ෂේත්‍රයට වැටීමෙන් අළුත් වගාවකට රෝගය බෝවිය හැකිය.ආසාදනය වූ රබර් ශාකයන්හී මේරූ පත්‍ර තරමක් අවර්‍ණවී යටි අතට හැකිලීයන අතර ලපටි පත්‍ර තරමක කහ පැහැයක් ගනී. තවද සමහර ක්ලෝනවල අකාලයේ මල් හට ගැනීමද සිදුවේ. මෙම තත්ත්වය උග්‍ර වීමෙන් රබර් ශාකය මිය යාමටද පුළුවන.  

පාළනය සදහා

පැරණි වගාව ඉවත් කිරීමට පෙර ආසාදිත ගස් ලකුණු කොට සියළුම මුල් සම්පූර්‍ණෙයන්ම ගලවා ඉවත් කළ යුතු වේ. මෙම කර්‍ය්‍ය අනිවාර්‍ය්‍යෙයන්ම අධීක්ෂණයට ලක් කළ යුතු අතර නැතිනම් රෝගී මුල් පසේ ඉතිරිවීමෙන් අළුත් වගාවටද රෝගය බෝවිය හැකිය. තවද අළුත් වගාවේ පැල පේළි පැරණි වගාවේ පේළිවලින් වෙනස් කොට සිටුවිය යුතුය. තවද නිසි කලට ආවරණ වගාව හොදින් ස්ථාපිත කළයුතු අතර මෙමගින් රෝගී මුල් කැබලි පසේ ඉතිරිව ඇත්නම් ඒවා දිරායාම පහසු කරයි.කෙසේ හෝ රබර් ශාකයේ මුල ප්‍රදේශයේ පොත්තේ/පටකයේ 50 % කට වඩා වැඩි ප්‍රමාණයකට හානි සිදුවී ඇත්නම් එම ගස් සම්පූර්‍ණෙයන්ම උදුරා ඉවත් කොට එම ස්ථානයට ගෙන්දගම් ග්‍රෑම් 200 ක් යොදා මාස දෙකක් පමණ එම ස්ථානය නිදහසේ තැබිය යුතුය.රසායනික ක්‍රම අතර දිලීර නාශක යොදා මෙම රෝගී තත්ත්වය පාළනය කළ හැකිය. එනම් රෝගය මුල් අවධියේදීම හොදින් හදුනාගෙන ප්‍රතිකාර කළ යුතුවේ. ට්‍රෙබියුකොනසෝල් හෝ හෙක්සකොනසෝල් අඩංගු දිලීර නාශකයක් ගෙන මුල් වලට වත්කල යුතුය. මාස තුනකට පසුව නැවතත් දිලීර නාශකය යෙදිම වඩාත් සුදුසුය.

 දුඹුරු සිවිය / පොත්ත රෝගය  

මෙය භෞතික රෝගී තත්වයකි. කිරි කැපුම් තලයේ වියලි දුඹුරු කබොළු පවතී. මෙම වියලි ස්වභාවය කිරි කැපුම් පෘෂ්ඨය ඔස්සේ ව්‍යාප්ත වේ. ඉන් අස්වැන්න අඩුවී ගසට හානි සිදුවිය හැකිය.

පාළනය සදහා

මෙම තත්ත්වය පාළනය කිරීම සදහා රෝගය දක්නට ඇති ශාකයට මාස තුනක විවේකයක් ලබාදිය යුතුවේ.

-: අස්වනු නෙලීම :-

රබර් ශාකයේ කදෙහි වට ප්‍රමාණය 45 cm හෝ ඊට වැඩි අවස්ථාවේදී සහ මුළු රබර් ප්‍රමාණයෙන් 60 % ක අවස්ථාවේදී කිරි කැපීම සිදු කරයි. රබැ් ශාකයට වසර 5 ක් වන විට මේ තත්ත්වයට පරිනත වේ. උස අඩි 5 ක, 5.5 ක පමණ සිට බිම දක්වා කිරි කපයි. කිරි කැපීම කරනු ලබන්නේ රබර් ශාකයේ එක් පැත්තක පමණි. එක් පැත්තකින් වසර 6 ක් කිරි අස්වැන්න ලබා ගත හැකි අතර එම පැත්තේ පොත්ත/පටක නැවත ලියලන තුරු අනෙක් පැත්ත කිරි කැපීම සදහා යොදාගත හැකිවේ. එම පැත්තෙන්ද වසර 6 ක් යන තුරු කිරි කපා ගත හැක. මෙය චක්‍රයක් ලෙස සිදුවේ. කිරි කැපීම සිදු කරන්නේද යම් ක්‍රමයකටය. කිරි කට්ටය සාදන්නේ පොයි කාණුවේ සිට නෙත්ති කාණුව දක්වාය. එය 30⁰ ක ඇලයකට කපනු ලැබේ. කැපුම දිගේ නෙත්ති කාණුවට රබර් කිරි ගලයි. එම නෙත්ති කාණුව හරහා එන කිරි පොල් කටුවකට/ භාජණයකට එකතුවීමට සළස්වයි. ඒවා පිරිසිදුව ලබාගත යුතුය. කිරි කැපීමේදී නැතිනම් අස්වනු නෙලීමේදී කිරි කට්ටයේ ගැඹුර ගැනද සැළකිලිමත් විය යුතුය. කිරි කට්ටයේ ගැඹුර ක්ලෝනය, ප්‍රදේශය හා ශාකයේ වයස මත වෙනස් වේ. කිරි කැපුම් පෘෂඨය හැකි තරම් කදේ කැම්බියටම ආසන්න විය යුතු අතර නමුත් කැම්බියමේ ශෛලවලට කිසිදු හානියක් වීමට ඉඩ නොතැබිය යුතුය. මෙසේ කිරි කැපීමේදී එක් කිරි කට්ටයකට කදෙහි 0.125 ක් වැයවේ. වාර්ෂිකව දින 320 ක් කද පරිභෝජණය කළ හැකිය. එක් පුද්ගලයෙකුට දිනකට ගස් 250 ක 300 ක පමණ කිරි කැපිය හැකි අතර ඒ සදහා සුදුසුම කාලය උදෑසන කාලයයි. කදක කිරි පෑස්සීම සාමාන්‍යයෙන් පැය 3- 4 කින් නවතී. කිරි වෑස්සීම නැවතුන විගස කිරි එකතු කළ යුතුය. රබර් කිරි ගස තුලින් එළියට එද්දී එය පිරිසිදු සුදු පැහැති දියරයකි. එහි රබර් වලට අමතරව ප්‍රෝටීන්, කාබොහයිට්‍රේට්, ලිපිඩ හා ලෝහ අයනද අන්තර්ගත වේ. අස්වැන්න ලබා ගැනීමේදී රබර් ගසේ එක් පැත්තක සිට අනෙක් පැත්ත වෙත මාරුවීමට ප්‍රථමව සෑම පැනලයක්ම කපා අවසන් කලයුතු වේ. වර්‍ථමානයේ කිරි කැපීමේ අළුත් ක්‍රමයක් ලෙස විදුම් සිදුකර කිරි කැපීමද දක්නට ලැබේ. එහිදී මීටර් එකක පමණ ඇලියක් මතුකොට එම ඇලිය කොටස් පහකට බෙදා එහි සිදුරු සාදනු ලැබේ. මේ මගින් කිරි අස්වැන්න ලබා ගනී. ඉහත දැක්වූ ආකාරවලට රබර් කිරි අස්වැන්න ලබා ගැනීමේදී භාවිතා කරන උපකරණ කිහිපයක්ද ඇත. ඒවා අතර මිචිගොලේජ් පිහිය, ජෙබොග් පිහිය, සිදුරු සාදන උපකරණ යනාදිය වැදගත් වේ. මෙම ලබා ගන්නා අස්වනු ප්‍රමාණය වැඩි කිරීම සදහා ( 25 % කින් 30 % කින් පමණ ) එත්රල් නැමති හෝමෝනයද භාවිතා කරයි. එය බුරුසුවක ආධාරයෙන් කදට ආලේප කෙරේ. තවද රබර් ශාකයෙන් පිරිසිදු කිරි ලබා ගැනීම සදහා භාවිතා කල යුතු වැදගත් කරුණු කිහිපයක් ඇත.

-පහතරට තෙත් කලාපීය ප්‍රදේශවල වැසි අධික නිසා රබර් කදට වැසි ආවරණ යෙදිය යුතුය. නැතිනම් වැසි ජලය හා අපද්‍රව්‍ය කද දිගේ විත් කිරිවලට එකතුවිය හැකිය.

. -: රබර් නිෂ්පාදනය :-

මෙය ක්‍රේප් රබර් හා දුම්ගැසූ ෂීට් රබර් ලෙස කොටස් දෙකකි. වෙළදපොලේ දැනට පවත්නා ස්වභාවික රබර් අතුරින් වඩාත්ම පිරිසිදු රබර් වර්‍ගය වනුයේ ක්‍රේප් රබර්ය. වියලි රබර් ආශ්‍රිතව නිපධවන නමි භාණ්ඩ වන සෞඛ්‍යාරක්ෂිත ශල්‍ය වෛද්‍ය උපකරණ, ආහාර ද්‍රව්‍ය සමග ස්පර්‍ශවන රබර් නිෂ්පාදනයන් හා ගම් වර්‍ග පිළියෙල කිරීමේදී මේ ක්‍රේප් රබර් අමුද්‍රව්‍ය වශයෙන් යොදාගනී. මානවයාගේ උපතේ සිට මරණය දක්වා අවශ්‍යවන රබර් ඉතා වැදගත් අමුද්‍රව්‍යයකි. ක්‍රේප් රබර් නිෂ්පාදනයේ පියවරයන් පහත පරිදි සටහනකින් දැක්විය හැකිය.

  මෙලෙස වියලාගත් ලේස් තවත් රෝලක් හරහා යවා 325 mm – 900 mm ප්‍රමාණයේ සෝල් ලෙස කපා ගනී.

දුම්ගැසූ ෂීට් රබර් නිෂ්පාදනය

ශ්‍රී ලංකාවේ නිෂ්පාදනය කරනු ලබන සාම්ප්‍රදායික හා පැරණිතම රබර් වර්‍ගය වනුයේ ෂීට් රබර්ය. දේශීය සුළු රබර් නිෂ්පාදනයෙන්හරි අඩකට වැඩි ප්‍රමාණයක් නිපධවනු ලබන්නේ ෂීට් රබර් ලෙසය. කුඩා හා මධ්‍ය පරිමාන රබර් වතු හිමියන්ට ෂීට් රබර් නිෂ්පාදනයේ මූලිකත්වය හිමිවේ. මෙම ෂීට් රබර් අමුද්‍රව්‍යක් ලෙස සෑම නිෂ්පාදනයකදීම යොදා ගනී. එනම් සෙරෙප්පුවේ, බයිසිකල් ටයරයේ සිට ගුවන් යානා රෝදය නිපධවීම දක්වා යොදා ගනී. මෙම ෂීට් රබර් නිෂ්පාදනයේ පියවරයන් පහත පරිදි දැක්වීමට පුළුවන.                                                                                                                                                                            

 ඉහත ආකාරයට ෂීට් රබර් නිෂ්පාදනය කර ගත හැකිය.

අතුරු බෝග වගාව

විශේෂයෙන් අමතර ආදායමක් ලෙස රබර් වගාවේ අපරනිත අවස්ථාවේදීත් ආදායමක් ලබාගත හැකි අතර රබර් වගාවට සමගාමීව රබර් ශාකය පරිනත අවස්ථාවේදීත් රබර් ආදායමත් සමග අතුරු බෝග වගාවෙන් අමතර ආදායමක් ලැබිය හැකිවේ. එහිදී භූමිය උපරිම ලෙස ප්‍රෙයෝජණයට ගැනීම සිදුවේ. අතුරු බෝග වගා කිරීමේ අදහසක් ඇතිනම් ඒ සදහා ක්ෂේත්‍රයේ රබර් සිටුවීමටපෙර සිතා බැලිය යුතුය. පැල අතර හා පේළි අතර පරතරය පිළිබදව විශේෂයෙන් සිතා බැලිය යුතුවේ. සාමාන්‍යයෙන් පැල අතර අඩි 8 ක් සහ පේලි අතර අඩි 27 ක්වන ලෙස රබර් ස්ථාපනය කිරීම මෙහිදී වැදගත්ය. ඒ වගේම අතුරු බෝගය තෝරා ගැනීමේදීද සිතා බැලිය යුතු කාරණා කිහිපයක් පවතී. එනම් අඩු තරගකාරිත්වය, ශ්‍රමය අඩුවෙන් භාවිතා වීම, රබර් වගාවට බළපාන රෝග වලින් තොරවිය යුතු බෝගයක් වීම, පහසුවෙන් අලෙවිකර ගැනීමට ඇති හැකියාව, එම කාරණා අතර ඇත. ඒ සදහා නිර්දේශිත අතුරු බෝග අතර කෙටි කාලීන, දිගු කාලීන හා වාර්ෂික බෝගද ඇත. ඒවා පහත පරිදි වේ.