නව මාධ්‍යයයේ ගුණ අගුණ
සාම්ප්‍රදායිකත්වයෙන් ඔබ්බට ගිය නව මාධ්‍ය කලාවක් බිහි වන්නේ 20 වන සියවස මුල් භාගයේදීය. ක්‍රමිකව විකාශනය වෙමින් ආ නව මාධ්‍ය වර්තමානය වන විට ජනයාගේ අතැඹුලක් වී හමාරය. ලොව කොතැනක ජීවත් වුවත් ඕනෑම තොරතුරක් එසැනින් දැන ගැනීමේ හැකියාව පවතින්නේ නව නිසාය. මානවයා දූපත් මානසිකත්වයෙන් මුදා ලීම නව මාධ්‍ය ඇතිවීමේ ඵලයකි.
විශාල ග්‍රාහක ප්‍රජාවක් වෙත එකවර ළඟා වීමට සමත්, තාක්ෂණිකමය ස්වභාවයක් ගන්නා, අන්තර් ක්‍රියාකාරී සම්බන්ධතා පවත්වා ගැනීමට හැකි නව මාධ්‍ය මාධ්‍යන්හි සමාජීය බලපෑම පිළිබඳ විවිධ කතිකාවන් ගොඩ නැගී ඇත. නව මාධ්‍යෙය් සුබවාදී මෙන්ම අසුබවාදී බලපෑම් මේ අතර වේ. ගෝලීයකරණය ද නව මාධ්‍යයයේ ප්‍රතිඵලයක් බව පැවසෙන අතර ගෝලීයකරණය විසින් ලොව පුරා මිනිසුන් අතර ම්නිසුන් අතර ඇති දුර ප්‍රමාණය හකුළුවනු ලබයි. ලොව ඕනෑම තැනක සිටින අයෙකු හට පණිවිඩයක්දූ දීමට හැකි වන්නේ එබැවිනි. දූපත් මානසිකත්වයෙන් මිදුණු සමාජයකට මඟ පෙන්වන්නේ ද නව මාධ්‍යයි. තොරතුරු ප්‍රජාතන්ත්‍රීකරණය ද නව මාධ්‍යයයේ තවත් වාසිදායක පැත්තකි. නව මාධ්‍යයයේ බලපෑමට දැඩි ලෙස හසුවන ක්ෂේත්‍රයක් ලෙසින් මහජන සම්බන්ධතා ක්ෂේත්‍රය ද හඳුනාගත හැකිය. සාම්ප්‍රදායික ප්‍රවෘත්ති මාධ්‍යයයේ ආවරණය වඩාත් පුළුල් කිරීමක් සිදු කරන්නේ ද නව මාධ්‍යයි.
නව මාධ්‍ය බිහි වීමේ අරමුණ කෙසේ වෙතත් එය හසුරුවන්නාගේ වගකීමේ ස්වභාවය මත නව මාධ්‍යයයේ අයහපත් ඵල විපාක ද ලැබී ඇත. You tube, Twitter, Facebook, skype, Instagram, Snapchat ආදී සමාජ ජාල භාවිත කරන්නන් අනිටු විපාක වලට ගොදුරු වූ සිද්ධි රැසක් ලොව සෑම රටකින්ම දැක ගත හැකිය. නව මාධ්‍ය ඔස්සේ ප්‍රවේශම්කාරීව භාවිත කිරීම වගකීමකි. ජීවිත හානි සිදු කර ගැනීම්, බුද්ධිමය දේපල සොරා ගැනීම්, චරිත ඝාතනයන්, පුද්ගල හො ආයතන වලට අපහාස වීම්, අපයෝජනයන් ආදී විවිධ අනිටු ප්‍රතිඵල රැසකි.
නව මාධ්‍යට ඇබ්බැහි වූවෝ සිටිති. අන්තර්ජාලය ඔස්සේ ප්‍රචලිත වීඩියෝ ක්‍රීඩා, අසභ්‍ය ප්‍රකාශන(Pornography) ආදිය මෙම ඇබ්බැහිවීම් මේ අතර වේ. ගෝලීය වශයෙන් වැඩිම භාවිතයක් ඇත්තේ අසභ්‍ය ප්‍රකාශන සහිත වෙබ් අඩවිය. යම්තාක් දුරට පවතින සීමා කිරීම් පැවතිය ද අධ්‍යාපනය ලබන දරුවන් අනිටු විපාක වල ගොදුරු බවට පත් වීමේ සම්භාවිතාව වැඩිය. එහෙයින් නව මාධ්‍යයයේ ද අන්තර්ගතය හෝ ක්‍රියාකාරිත්වය පාලනය කිරීම උචිත බවට තර්ක කිරීමට හැකියාව පවතින බවට සක් සුදත් සේ පැහැදිලිය.
