තොරතුරු සන්නිවේදන තාක්ෂණයේ ඉතිහාසය

තොරතුරු සන්නිවේදන තාක්ෂණයේ ඉතිහාසය

තොරතුරු සන්නිවේදන තාක්ෂණ ඉතිහාසය පහත ප්‍රධාන කාල වකවානු වලට බෙදා දැක්විය හැකි ය.

පෙර යාන්ත්‍රික යුගය (1450 ට පෙර)

මෙම කාල වකවානුවේදී ඇබකසය නම් උපාංගය භාවිතා කර ගණනය කිරීම් සිදු කරන ලදී. ඒය වසර පන්දහසකට පමණ පෙර භාවිතා කළ ගණිතමය කටයුතු පහසුවෙන් කර ගැනීම සඳහා භාවිතා කර ඇත.

යාන්ත්‍රික යුගය (1450-1840)

ගණිත කර්ම සරල කර ගැනීමට මෙම යුගයේ දී විවිධ උපාංග නිර්මාණය කරන ලදී.

1. pascaline පැස්කලයින්

1642-1644 යන කාලයේ දී ප්‍රංශ ජාතික ගණිතඥයෙක් යූ බ්ලේස් පැස්කල් විසින් නිර්මාණය කරන ලදී. මේ පැස්කල්ගේ ආකලන යන්ත්‍රය ලෙස ද හඳුන්වයි. මෙම උපකරණය එකතු කිරීම හා අඩු කිරීම පමණක් කළ හැකි ය. ප්‍රථම යාන්ත්‍රික කැල්කියුලේටරය මෙය වේ.

2. ස්ටෙප් රෙකනර් setp reckoner

ගොඩ්ප්‍රිඩ් විල්හෙල්ම් වොන් ලිබ්නිට්ස් විසින් පැස්කල්ගේ ආකලන යන්ත්‍රය පාදක කර ගනිමින් ස්ටෙප් රෙක්නර් නම් උපකරණය නිර්මාණය කර ඇත. මෙයට එකතු කිරීම ට අඩු කිරීමට අමතරව ගුණ කිරීම සහ බෙදීම ද කල හැක.1672 දී ආරම්භ කළ මෙය 1694 දී වැඩ අවසන් කර ඇත.

3. සිදුරුපත් සංකල්ප ය. (Punch Card Concept)

සිදුරුපත් සංකල්පය ප්‍රංශ ජාතික ජෝශප් ජැකුවාඩ් විසින් හඳුන්වා දී ඇත. සිදුරුපත් භාවිතා කර රෙදි වල විවිධ රටා මැවීම සිදු කර ඇත.

4. විශ්ලේෂක එන්ජිම Analytical Engine

ඉංග්‍රීසි ජාතික චාල්ස් බැබේජ් විසින් 1833 දී විශ්ලේශක එන්ජිම නිර්මාණය කර ඇත. මෙහි විශේෂත්වය වන්නේ දත්ත ආදානය, තැන්පත් කිරීම, සකස් කිරීම සහ ප්‍රතිදාන යන කාර්යන් සිදු කිරීම සඳහා අවශ්‍ය උපාංග වෙන වෙනම තිබීමයි. පසු කාලීනව නිර්මාණය කරන ලද සියලු පරිගණක වල මෙම සංකල්පය භාවිතා කරන ලදී. චාල්ස් බැබේජ් පරිගණකයේ පියා ලෙස හඳුන්වයි.
විශ්ලේෂක එන්ජිමට අවශ්‍ය වූ පරිගණක වැඩසටහන නිර්මාණය කරන ලද්දේ ඇඩා ඔගස්ටා ලව්ලේස් විසින් වෙයි. ලොව ප්‍රථම පරිගණක ලේඛිකාව ඇය වේ.

විද්‍යුත් යාන්ත්‍රික යුගය (1840-1940)

1. ස්වයංක්‍රීය අනුක්‍රම පාලන ගණක යන්ත්‍රය

හාවර්ඩ් එයිකන් විසින් 1939 දී හාවර්ඩ් විශ්ව විද්‍යාලයේ දී ස්වංක්‍රීය අනුක්‍රම පාලක ගණක යන්ත්‍රය සොයා ගන්නා ලදී. මෙය මාර්ක් 1  ලෙසද හඳුන්වයි. මෙය ප්‍රථම ස්වංක්‍රීය  පරිගණක යන්ත්‍ර ලෙස ද නම් කරන ලදී.

විද්‍යුත් යුගය (1940-1989)
මෙම යුගයේ පරිගණක භාවිතා කරන ලද තාක්ෂණ අනුව  පරම්පරා හතරකට බෙදයි.

1.පළමු පරම්පරාවේ පරිගණක 1940-1956

පළමු පරම්පරාවේ පරිගණකවල භාවිතා වූ තාක්ෂණය වන්නේ රික්තක නල වේ. නමුත් මෙම පරිගණකවල ප්‍රධාන දුර්වලතා කිහිපයක් ඇත.
   *ප්‍රමාණයෙන් ඉතා විශාල වීම
   *අධික තාපයක් පිට වීම
   *රිත්තක නල නිතර නිතර දැවීයාම
   *අධික විදුලි බලයක් වැය වීම
   *පරිගණකවල වේගය හා කාර්යක්ෂමතාව ඉතා අඩු වීම

උදාහරණ

1. ABC Atanasoff Berry Computer
    ජෝන් වින්ස්ටන් අටානාසොෆ් හා ක්ලිෆඩ් බෙරි විසින් නිර්මාණය කරන ලදී. මෙය අර්ධ වශයෙන් නිර්මාණය වූ පරිගණකයක් වේ.

2. ENIAC Electrical Numerical Integrator And Calculator
    1946 දී ජෝන් වොච්ලි සහ ප්‍රෙස්පර් එයිකන් විසින් නිර්මාණය කරන ලදී. මෙහි රිත්තක නල භාවිතා විය. පළමු විද්‍යුත් සංඛ්‍යාංක පරිගණකය ලෙස හඳුන්වයි. මෙහි රිත්තක නල 18000 ක් පමණ භාවිතා කර ඇත.

3.EDVAC Electronic Discrete Variable Automatic Computer
   ජෝන් වොච්ලි සහ ජෝන් ප්‍රෙස්පර් එයිකන් විසින් 1948 දී නිර්මාණය කරන ලදී. මෙයද වොන් නියුමන් සංකල්පය මත නිර්මාණය කරන ලද පරිගණකයක් වේ.

4. EDSAC Electronic Delay Storage Automatic Calculator
    එංගලන්තයේ කේම්බ්‍රිජ් විශ්ව විද්‍යාලයේ නිර්මාණයකි.
    john von neumann ගේ ආචායන සංකල්පයට අනුව 1941 දී Morise විසින් නිර්මාණය කරන ලදී. ලොව ප්‍රථම ආචායන ක්‍රමලේඛ පරිගණකය වෙයි.

5. UNIVAC Universal Automatic Computer
මෙම පරිගණකය රෙමින්ටන් රැන් සමාගම විසින් නිර්මාණය කරන ලදී. ලොව ප්‍රථම වාණිජමය පරිගණකය ලෙස හඳුන්වයි.

2. දෙවන පරම්පරාවේ පරිගණක 1956-1963

දෙවන පරම්පරාවේ පරිගණක වල භාවිතා වූ තාක්ෂණය වන්නේ ට්‍රාන්සිස්ටර් වේ. ඇමරිකාවේ බෙල් විද්‍යාගාරයේ දී ට්‍රාන්සිස්ටරය සොයා ගන්නා ලදී. දෙවන පරම්පරාවේ පරිගණක ප්‍රමාණයෙන් කුඩා විය. භාවිතා කළ විදුලි බලය අඩු විය. පිටකළ තාපය අඩු විය.
උදාහරණ 
IBM 1620
IBM 7094
CDC 1604
CDC 3600
UNIVAC 1108

3.  තෙවන පරම්පරාවේ පරිගණක  1963-1975

තෙවන පරම්පරාවේ පරිගණක වල භාවිතා වූ තාක්ෂණය වන්නේ අනුකලිත පරිපථ වේ. මෙම පරිගණක වල කාර්යක්ෂමතාව වැඩි විය. ප්‍රමාණය කුඩා විය. භාවිතා කළ විදුලිබලය අඩු විය.

උදාහරණ
IBM 360
TDC 316
PDP

4. සිවුවන පරම්පරාවේ පරිගණක 1975-1989

LSI, VLSI ආකාරයට නිර්මාණය කර ඇති ක්ෂුද්‍ර පරිගණක භාවිතා කළ හතරවන පරම්පරාවේ පරිගණක නිර්මාණය කළ ඇත. මේවා ප්‍රමාණයෙන් ඉතා කුඩා විය. කාර්යක්ෂමතාව ඉතා වැඩිය. භාවිතා කළ විදුලි බලය ද අඩු වෙයි.
උදාහරණ
DEC10
PDP 11
STAR 1000

5. පස්වන පරම්පරාවේ පරිගනක (1989 සිට අද දක්වා)

ULSI පරිපථ ඉතා විශාල සංඛ්‍යාවක් භාවිතා කරමින් සිලිකන් චිපයක් තුල ක්ෂුද්‍ර සකසන නිර්මාණය කර ඇත.

මෙම පරිගණක වල කෘතිම බුද්ධිය වැනි තාක්ෂණයන් ද භාවිතා වේ. කාර්යක්ෂමතාව ඉතා වැඩිය වේගය ඉතාම වැඩිය. ප්‍රමාණය ඉතා කුඩා වේ.

උදාහරණ
desktop
laptop
notebook
Ultrabook