පරිගණක වර්ගීකරණය හා ජෝන් වොන් නියුමාන සංකල්පය

පරිගණක වර්ගීකරණය

පරිගණක වර්ගීකරණය කළ හැකි ආකාර කිහිපයකි.

       1. ප්‍රමාණය අනුව වර්ගීකරණය
     2. භාවිතා කරන ආකාරය අනුව වර්ගීකරණය
     3. තාක්ෂණය අනුව වර්ගීකරණය

 ප්‍රමාණය අනුව වර්ගීකරණය

1. සුපිරි පරිගණක supercomputers
2. මහා පරිගණක  Mainframe computer
3. මධ්‍ය පරිගණක mini computer
4. ක්ෂුද්‍ර පරිගණක  micro computer

සුපිරි පරිගණක
සුපිරි පරිගණක ලොව වේගවත්ම පරිගණක වෙයි. මතක ධාරිතාව ද ඉතා ඉහළ වේ. විද්‍යාත්මක ගවේෂණ කටයුතු, න්‍යෂ්ටික පර්යේෂණ කටයුතු වැනි විශේෂ සංකීර්ණ කාරණා සඳහා පමණක් මෙම පරිගණක භාවිතා කරයි. මිල ඉතා අධිකය. ලොව ප්‍රධාන පරීක්ෂණ ආයතනයන්හි භාවිතා කරයි.


මහා පරිගණක
පරිගණක ජාල වල ප්‍රධාන පරිගණකය ලෙස මහා පරීගණකය දැකිය හැක. ප්‍රමාණයෙන් විශාල ධාරිතාවෙන් වැඩි වේගයෙන් වැඩි පරිගණකයක් වන නමුත් සුපිරි පරිගණක තරම්ම ප්‍රමාණය, වේගය, හැකියාව වැඩි නො වේ. සුපිරි පරිගණක වලට වඩා මිල අඩු වේ. විශාල ප්‍රමාණයේ දත්ත හැසිරවීම සඳහා මෙම පරිගණක භාවිතා කරයි. බැංකු හා මූල්‍ය ආයතන වල මෙම පරිගණකය ප්‍රධාන පරිගණකය ලෙස යොදා ගනී. එකවර විශාල පරිශීලකයන් ප්‍රමාණයකට ප්‍රවේශනය කළ හැක.

මධ්‍ය පරිගණක
පරිගණක ජාල වල මෙම පරිගණක බහුලව භාවිතා කරයි. බැංකුව හා මූල්‍ය ආයතන වල මෙම පරිගණක භාවිතා කරයි. සේවාදායක පරිගණක සඳහා මෙම පරිගණක යොදා ගෙන එකවර කිහිප දෙනෙකුට භාවිතා කළ හැකි පරිගණකයකි.


ක්ෂුද්‍ර පරිගණක
ප්‍රමාණයෙන් ඉතා කුඩා පරිගණක වෙයි. අනෙක් පරිගණක වලට වඩා මිලෙන් අඩුයි. මෙම පරිගණක බහුලව භාවිතා වන්නේ පුද්ගල භාවිතය සඳහා ය. කුඩා ව්‍යාපාර වල ද දෛනික කටයුතු සඳහා  ද මෙම පරිගණක යොදා ගනී.

උදාහරණ
*personal computer
*laptop
*notebook
*smartphone
*tablet

භාවිතා කරන කාරණය අනුව වර්ගීකරනය

මෙය ආකාර දෙකකි.

1. පොදු කාර්යය පරිගණක (general purpose computer)

එදිනෙදා කටයුතු සඳහා භාවිතා කරන පරිගණක පොදුකාර්ය පරිගණක ලෙස හඳුන්වයි.

2. විශේෂ කාර්ය පරිගණක (special purpose computer)

මෙම පරිගණක භාවිතා වන්නේ තනි එක් විශේෂ කාර්යයක් හෝ සඳහා පමණි.

උදාහරණ
*ATM machine

තාක්ෂණය අනුව වර්ගීකරණය
    මෙය ආකාර තුනකි.
  

1. ප්‍රතිසම පරිගණක (Analog Computers)

උෂ්ණත්වය පීඩනය වේගය යන භෞතික සාධක නොකඩවා ලබා දීමෙන් ඒවායේ වෙනස් කම් පැහැදිලිව නිරූපණය කිරීමට මෙම පරිගණක භාවිතා කරයි. මෙම පරිගණක තනි අරමුණු උපක්‍රම බැවින් මිල අඩුයි. වැඩසටහන් සකස් කිරීම ද පහසු ය. නමුත් මෙම පරිගණක වල නිවැරදි භාවය අඩුය.

උදාහරණ
*වේග මාපක කාළගුණික මිනුම් යන්ත්‍රය

*වෝල්ට් මීටරය

2. අංකිත පරිගණක (Digital Computer)

වෝල්ටීයතාවයට අනුව සංඥා දෙකක් භාවිතා කරමින් දත්ත හඳුනාගැනීම මෙම පරිගණකයේ දී සිදු වෙයි. එම නිසා ද්වීමය සංඛ්‍යා සංකල්පය භාවිතා වන පරිගණක ලෙස හඳුන්වා ඇත. කාර්යක්ෂමතාවය ඉතා ඉහළ ය. නිවැරදි බව ද ඉතා වැඩි ය.

3. දෙමුහුම් පරිගණක (Hybrid Computer)

ප්‍රතිසම සහ අංකිත යන තාක්ෂණයන් දෙකම භාවිතයෙන් මෙම පරිගණක නිෂ්පාදනය කර ඇත. එමනිසා ආංකිත ගණනය කිරීම් සහ ප්‍රතිසම ගණනය කිරීම් යන දෙවර්ගයම සදහාම භාවිතා කරයි.

උදාහරණ
*ECG machine


                                                             ජෝන් වොන් නියුමාන සංකල්පය

ජෝන් වොන් නියුමාන සංකල්පය 1945 දී ඉදිරිපත් කරන ලදී. මෙම සංකල්පයට අනුව එක් පරිගණකයක් විවිධ වූ කාර්යයන් එහි තැන්පත් කළ වැඩසටහනක් මගින් සිදු කළ හැකිය. කිසිදු භෞතික හෝ කොටසක් වෙනස් කළ යුතු නොවේ. මෙම සංකල්පය අනුව නිර්මාණය කරන ලද පළමු පරිගණකය EDSAC ලෙස හඳුන්වයි.

                                                                                                               

වොන් නියුමාන් ආකෘතියේ පහත උපාංග පවතී.

1. මධ්‍ය සැකසුම් ඒකකය Central Processing Unit
       පාලන ඒකකය - මෙම ඒකකය විසින් පරිගණකයේ සියලු උපාංග සංඥා මගින් පාලනය කරයි.
       ගණිතමය හා තාර්කික ඒකකය - ගණිතමය හා තාර්කික කටයුතු සිදු කරයි

2. මතකය Memory
       පරිශීලකයා ලබාදෙන දත්ත මෙන්ම පරිගණක වැඩ සටහනට අදාල දත්ත හා උපදෙස් ද ගබඩා කර තැබිය හැකි ය. නවීන පරිගණක වල මේ සසම්භාවී ප්‍රවේශ මතකය ලෙස හඳුන්වයි.

3. ආදාන ප්‍රතිදාන Input Output
       දත්ත ආදානය ට හා ප්‍රතිදානය ට වෙන වෙනම උපාංග සම්බන්ධ කළ හැකිය.

4. පත Bus
       සංඥා ගමන් කිරීම සඳහා භාවිතා කරන මාර්ගය .