පසුගිය විභාග සහ අනුමාන බහුවරණ ප්‍රශ්න - 10 කොටස

91. එක්තරා ආචයන උපාංගයක් (Storage Device) මෙගා බයිට (Megabyte) කිහිපයක සිට ගිගා බයිට (Giga byte) ගණනාවක් දක්වා ඉතා ඉහළ ධාරිතාවයකින් (High Capacity) යුක්තව දත්ත සටහන් කිරීම සඳහා චුම්භක හිසක් (Magnetic Head) භාවිතා කරයි. සාමාන්‍ය පිවිසුම් වේගය (Access Speed) ඉතාම ඉහලයි. මෙම උපාංගය විය හැක්කේ,

1. Hard Disk            
2. CD ROM                                        
3. DVD ROM                          
4. Magnetic Tape                                 
5. Random Access Memory (RAM) 

92. පුද්ගල පරිගණකයක මතකයට මෙහෙයුම් පද්ධතිය (Operating System) පූර්ණය (Loading) කිරීම කුමන නමකින් හැදින්වේද,

1. බූට් කිරීම (Booting)
2. ඩිබගින් (Debugging)
3. සම්පාදනය කිරීම (Compiling)                                                                       
4. අර්ථ වින්යාසය කිරීම (Interpreting)
5. ධාවනය (Executing)

93. නිවැරදි වගන්තිය තෝරන්න,

1. Digital Versatile Disk (DVD) එකකට සංයුක්ත තැටි (Compact Disk - CD) එකක ධාරිතාවයක් ඇත.
2. Pen Drive/ Flash Drive එකකට දත්ත ලිවිය හැක්කේ එක් වරක් පමණි.
3. Magnetic Tape (චුම්භක පටි) වල විශාල ප්‍රමාණ වලින් දත්ත ගබඩා කල හැකි අතර ඒවා උපස්ථ ආචයනයන් (Backing Storage) ලෙස වඩාත් සුදුසු වේ.
4. දෘඩ තැටිය (Hard Disk) පරියගණකයේ ප්‍රධාන මතකයක් ලෙස ක්‍රියා කරයි.
5. නම්‍ය තැටියක (Floppy Disk) දත්ත ගබඩා කිරීමට යොදා ගනුයේ ප්‍රකාශ තාක්ෂණයයි.

94. පරිගණකය මගින් ඉටු කරනු ලබන ප්‍රධාන කාර්යයන් 5 කි. ඒවා අනුපිළිවෙලින් ලියා ඇත්තේ කුමන පිළිතුරෙහිද,

1. ප්‍රතිදානය, සැකසීම, ආදානය, ආචයනය, පාලනය
2. ආචයනය, පාලනය, ආදානය, සැකසීම, ප්‍රතිතිදානය
3. ආදානය, සැකසීම, ප්‍රතිදානය, ආචයනය, පාලනය
4. පාලනය, ආදානය, සැකසීම, ප්‍රතිතිදානය, ආචයනය
5. ආදානය, ආචයනය, ප්‍රතිදානය, සැකසීම, පාලනය

95. පරිගණක පද්ධතියක අඩංගු ප්‍රධාන ඒකක 4 කි. ඒවා නිවැරදිව දක්වා ඇති පිළිතුර වනුයේ,

1. ආදාන ඒකකය, ප්‍රතිදාන ඒකකය, මධ්‍ය සැකසුම් ඒකකය, ආචයන ඒකකය
2. ආදාන ඒකකය, ජව සැපයුම් ඒකකය, ප්‍රතිදාන ඒකකය, ආචයන ඒකකය
3. සසම්භාවී පිවිසුම් මතකය, මධ්‍ය සැකසුම් ඒකකය, ආචයන ඒකකය, ප්‍රතිදාන ඒකකය
4. පඨන මාත්‍ර මතකය, සසම්භාවී පිවිසුම් මතකය, ආදාන ඒකකය, ප්‍රතිදාන ඒකකය
5. ආදාන ඒකකය, සැකසුම් ඒකකය, ප්‍රතිදාන ඒකකය, ආචයන ඒකකය

97. මයික්රොසොෆ්ට් වින්ඩෝස් XP (Microsoft Windows XP) යනු,

1. යෙදුම් මෘදුකාංගයක් (Application Software)
2. පද්ධති මෘදුකාංගයක් (System Software)
3. පද්ධති උපයෝගීතාවයක් (System Utility)                                          
4. චිත්‍රක පරිශීලක අතුරු මුහුණතක් (GUI)
5. විධාන රේඛා අතුරුමුහුණතක් (CLI)

98. අංකිත කැමරාවක් (Digital Camera) භාවිතයෙන් පුද්ගලයෙකු ජායාරූපයක් ගනියි. අනතුරුව ඔහු කැමරාවේ ඇති සංදර්ශනය (Screen) මගින් එම ජායාරූපය ඔහුගේ මිතුරකුට පෙන්වනු ලබයි. මෙම සංසිද්ධියේ දී අංකිත කැමරවේ කාර්යය වනුයේ,

1. ආදාන උපාංගයක් (Input Device) ලෙස පමණි.
2. ප්‍රතිදාන උපාංගයක් (Output Device) ලෙස පමණි.
3. සන්නිවේදන උපාංගයක් (Communication Device) ලෙස පමණි.
4. ආදාන හා ප්‍රතිදාන උපාංගයක් (Input / Output Device) ලෙසයි.
5. ආචයන උපාංගයක් (Storage Device) ලෙසයි.

99. පාසල් විද්‍යාගාරයක් තුළ ඇති පරිගණක දෙකක් භාවිත කරමින් සිසුන් දෙදෙනකු එකම වෙබ් අඩවියකට ප්‍රවේශ වේ. මෙම පරිගණක දෙකෙහි කුමක් වෙනස්ව පැවතිය යුතු ද?

1. වෙබ් බ්රවුසර් (Web Browsers)                                                
2. IP ලිපින (IP Addresses)
3. අන්තර්ජාල සේවා සැපයුම් කරුවෝ (Internet Service Providers - ISPs)
4. මෙහෙයුම් පද්ධති (Operating Systems)
5. පරිශීලක නාමයන් (User names) සහ මුරපද (Passwords)

100. පහත දැක්වෙන ප්‍රකාශ අතුරින් සත්‍ය වන්නේ කවර ඒවාද?

1. බිටු (bit) යනු පරිගණකයට සැකසිය හැකි තොරතුරු වල කුඩාම ඒකකයයි.
2. බයිට් (byte) යනු පරිගණකයට සැකසිය හැකි තොරතුරු වල කුඩාම ඒකකයයි.
3. බිට් (bit) එකක බයිට් (bytes) 8 ක් අඩංගු වේ.
4. බයිට් (byte) එකක බිට්ස් (bits) 8 ක් අඩංගු වේ.

ඉහත ප්‍රකාශ වලින් සත්‍ය වනුයේ,

1. a, c                         
2. a, d                        
3. b, c                         
4. b, d                          
5. a,c,d

විවරණ සහ පිළිතුරු පසු ලිපි මගින් බලාපොරොත්තු වන්න...