පසුගිය විභාග සහ අනුමාන බහුවරණ ප්‍රශ්න - 18 කොටස

171. ශ්‍රේණිගත දත්ත සම්ප්‍රේෂණය (Serial Data Transmission) පිළිබඳ අසත්‍ය ප්‍රකාශය තෝරන්න,

1. මෙහිදී දත්ත සම්ප්‍රේෂණය වන්නේ දත්ත එකක් පිටුපස එකක් ලෙසයි.
2. ශ්‍රේණිගත උපාංග (Serial Devices) පරිගණකයට සම්බන්ධ කිරීම සඳහා ශ්‍රේණිගත කෙවෙණි (Serial Ports) භාවිතා කෙරේ.
3. දත්ත සම්ප්‍රේෂණ සීග්‍රතාවය (Data transmission speed) වැඩිය.
4. දත්ත මහා පරිමාණයෙන් පරිගණකය හා සම්ප්‍රේෂණය නොවන උපාංග පරිගණකය හා සම්බන්ධ කිරීමට ශ්‍රේණිගත කෙවෙණි යොදා ගනියි.
5. බාහිරින් සවිකරනු ලබන මොඩම් යන්ත්‍ර (MODEM), අතීතයේදී භාවිතා කළ මූසික (Mouse), ශ්‍රේණිගත උපාංග සඳහා උදාහරණ වේ.

172. සමාන්තරගත දත්ත සම්ප්‍රේෂණය (Parallel Data Transmission) සම්බන්ධයෙන් අසත්‍ය ප්‍රකාශය වනුයේ,

1. මුද්‍රණ යන්ත්‍ර (Printers) සහ ස්කෑනර යන්ත්‍ර (Scanners) එනම් පරිගණකයට සමාන්තර ආකාරයට සම්බන්ධ වන උපකරණ සම්බන්ධ කිරීම සඳහා සමාන්තරගත කෙවෙනි භාවිතා කරයි.
2. දත්ත මහා පරිමාණයෙන් පරිගණකය හා සම්ප්‍රේෂණය නොවන උපාංග පරිගණකය හා සම්බන්ධ කිරීමට සමාන්තරගත කෙවෙණි (Parallel Ports) යොදා ගනියි.
3. මුද්‍රණ යන්ත්‍රය සවිවන කෙවෙනිය Printer Port ලෙස හඳුන්වන අතර එහි සම්බන්ධිත විවර 25 (25 Pins) කින් සමන්විත වේ.
4. සමාන්තරගත දත්ත සම්ප්‍රේෂණයේ දී සමාන්තරගත කෙවෙනි ඔස්සේ බිටු (Bits) එකකට වැඩි ප්‍රමාණයක් පරිගණකය හා අදාල උපාංගය සමග සම්ප්‍රේෂණය වේ.
5. දත්ත සම්ප්‍රේෂණ සීග්‍රතාවය (Data Transmission speed) ඉතාම ඉහළයි.

173. පස්වන පරම්පරාවේ පරිගණක වල ලක්ෂණයක් නොවන්නේ,

1. කෘතීම බුද්ධිය                                                                                                
2. වේගවත් නිවැරදි ප්‍රතිචාර දැක්වීම හා තීරණ ගැනීම
3. කටහඬ හඳුනා ගැනීම හා එයට නිසි ප්‍රතිචාර දැක්වීම                         
4. විධාන දීමට යන්ත්‍ර භාෂාව යොදා ගැනීම
5. ස්වයං ඉගෙනුම හෙවත් අත්දැකීම් මගින් ඉගෙනීම

174. වොන් නියුමාන් ආකෘතියේ (Von Neumann Architecture) අන්තර්ගත නොවූ උපාංගයක් / ඒකකයක් වන්නේ,

1. පාලන ඒකකය (Control Unit)                 
2. ප්‍රධාන මතකය (Main Memory)                             
3. අතත්‍ය මතකය (Virtual Memory)
4. ආදානය හා ප්‍රතිදානය                                
5. අංක ගණිතමය හා තාර්කික ඒකකය (Arithmetic & Logic Unit)

175. මධ්‍ය සැකසුම් ඒකකය තුළ පිහිටා ඇති පාලන ඒකකය (Control Unit) මගින් සිදු කරනු ලබන කාර්යයක් නොවන්නේ,

1. නැවතීමේ උපදෙස් ලැබෙන තෙක් නොකඩවා ක්‍රියාත්මක වීම.
2. පරිගණකයේ තාර්කික මෙහෙයුම් සිදුකිරීම.
3. ඊලඟට ක්‍රියාත්මක කරවීමට අවශ්‍ය දත්ත, උපදෙස් හෝ තොරතුරු මතකයෙන් ලබා ගැනීම.
4. හෝරා ස්ඵන්ද (Clock Pulses) ජනනය
5. පරිගණකයේ සෑම උපාංගයක් සමගම සම්බන්ධ වී පාලන කටයුතු සිදු කිරීම.

176. රෙජිස්තර මතකය (Register Memory) යනු,

1. ස්ථීර මතකයකි.                                            
2. නෂ්‍ය නොවන මතකයකි.                                           
3. තාවකාලික මතකයකි.
4. ඉක්මනින් ක්ෂ‍ය නොවන මතකයකි.      
5. වාරක මතකය හෝ නිහිත මතකයට කියනු ලබන වෙනත් නමකි.

177. මධ්‍ය සැකසුම් ඒකකය තුළ ඇති විශේෂිත වූ මතක උපාංගයකි රෙජිස්තර මතකය. මෙය ගණිත කර්ම හා විවිධ සැකසුම් වලට ලක් වන දත්ත තාවකාලිකව ගබඩා කර තබා ගනියි. මේවායේ දත්ත ලිවීම හා කියවීම ඉතාම වේගවත්ය. රෙජිස්තර වර්ග සඳහා උදාහරණ අඩංගු පිළිතුර වන්නේ,

1. Instruction Register (IR), Program Counter (PC), Accumulator
2. Instruction Register (IR), Control Bus, Accumulator
3. Accumulator, Instruction Register (IR), ALU
4. ALU, Program Counter (PC), Accumulator
5. Instruction Register (IR), Program Counter (PC), Cache

178. මතක ධූරාවලියේ (Memory Hierarchy) ඉහළින්ම පිහිටි මධ්‍ය සැකසුම් ඒකකය තුළ පිහිටා ඇති උපාංගය වන්නේ,

1. L1 වාරක මතකය                                          
2. L2 වාරක මතකය                                          
3. ප්‍රධාන මතකය (Main Memory)
4. රෙජිස්තර මතකය (Register Memory)  
5. අංක ගණිතමය හා තාර්කික ඒකකය (Arithmetic & Logic Unit)

179. මතක ධූරාවලියේ (Memory Hierarchy) මතකයන් පිළිබඳව නිවැරදි අනුපිළිවෙල අඩංගු පිළිතුර වන්නේ,

1. L1 වාරක මතකය, L2 වාරක මතකය, රෙජිස්තර මතකය (Register Memory), ප්‍රධාන මතකය (Main Memory), සහායක මතකය
2. රෙජිස්තර මතකය (Register Memory), ප්‍රධාන මතකය (Main Memory), සහායක මතකය, L1 වාරක මතකය, L2 වාරක මතකය
3. L1 වාරක මතකය, L2 වාරක මතකය, ප්‍රධාන මතකය (Main Memory), රෙජිස්තර මතකය (Register Memory), සහායක මතකය
4. රෙජිස්තර මතකය (Register Memory), L1 වාරක මතකය, L2 වාරක මතකය, ප්‍රධාන මතකය (Main Memory), සහායක මතකය
5. L2 වාරක මතකය, L1 වාරක මතකය, රෙජිස්තර මතකය (Register Memory), ප්‍රධාන මතකය (Main Memory), සහායක මතකය

180. මතක ධූරාවලියේ (Memory Hierarchy) මතකයන්හි ධාරිතාවය (Capacity) අඩුවන අනුපිළිවෙල දැක්වෙන පිළිතුර වන්නේ,

1. රෙජිස්තර මතකය (Register Memory), L1 වාරක මතකය, L2 වාරක මතකය, ප්‍රධාන මතකය (Main Memory), සහායක මතකය
2. සහායක මතකය, ප්‍රධාන මතකය (Main Memory), L2 වාරක මතකය, L1 වාරක මතකය, රෙජිස්තර මතකය (Register Memory)
3. රෙජිස්තර මතකය (Register Memory), L1 වාරක මතකය, L2 වාරක මතකය, සහායක මතකය, ප්‍රධාන මතකය (Main Memory)
4. සහායක මතකය, ප්‍රධාන මතකය (Main Memory), L2 වාරක මතකය, L1 වාරක මතකය, රෙජිස්තර මතකය (Register Memory)
5. රෙජිස්තර මතකය (Register Memory), L2 වාරක මතකය, ප්‍රධාන මතකය (Main Memory), සහායක මතකය, L1 වාරක මතකය

විවරණ සහ පිළිතුරු පසු ලිපි මගින් බලාපොරොත්තු වන්න...