පසුගිය විභාග සහ අනුමාන බහුවරණ ප්‍රශ්න - 6 කොටස
51. වර්තමානයේ දත්ත එක් රැස් කිරීම සඳහා විවිධ තාක්ෂණික උපාංග භාවිතා කරයි. මෙසේ භාවිතා කළ හැකි උපාංගයක් නොවන්නේ,
- උකුල් පරිගණක (Laptop Computers)
- අත්ල මත තබාගෙන වැඩ කල හැකි පරිගණක යන්ත්‍ර (Palmtop Computers) / PDA
- තීරු කේත කියවන (Bar Code Readers)
- චුම්භකිත අනු ලක්ෂණ කියවනය (MICR – Magnetic Ink Character Reader)
- ෆැක්ස් යන්ත්‍රය (Fax Machine)
52. නූතන ක්‍රම හෙවත් පරිගණක ආශ්‍රිත ක්‍රම (Computerized methods) භාවිතයෙන් දත්ත, තොරතුරු සැකසීමේ ඇති වාසියක් වනුයේ,
- දත්ත හා තොරතුරු වල ආරක්ෂාව අඩුයි.
- ස්වභාවික උපද්‍රව, ගින්නෙන් සහ විනාශකාරී සතුන් ගෙන් සිදු වන හානි වැඩිය.
- නිරවද්‍යතාවය ඉතාම ඉහළයි.
- ගබඩා කිරීමේදී සුරක්ෂිත භාවය අඩුයි.
- මිනිස් ශ්‍රමය විශාල ලෙස අත්‍යවශ්‍ය වේ.
53. දත්ත සංචාලනය හෙවත් හැසිරවීම සම්බන්ධයෙන් අසත්‍ය ප්‍රකාශය වන්නේ,
- දත්ත සංචාලනය යනු දත්ත වල ස්වරූපය වෙනස් කිරීම හෝ පැරණි දත්ත භාවිතයෙන් නව දත්ත නිර්මාණය කිරීමයි.
- මෙහිදී එකතු කිරීම්, අඩු කිරීම්, ගුණ කිරීම් සහ බෙදීම් වැනි ගණිතමය ක්‍රියාකාරකම් (Arithmetic Operations)
භාවිතා කළ හැකිය. - දත්ත අනුපෙළිවෙලට සැක්සීම (Sort) එනම් ආරෝහණ (Ascending Order) ආකාරයට හෝ අවරෝහණ (Descending Order) ආකාරයට සිදු කළ හැකිවේ.
- මේ සඳහා විද්‍යුත් පැතුරුම්පත් මෘදුකාංග (Electronic Spreadsheet Software) උපයෝගී කරගනියි.
- මෙහි ආකාර දෙක වන්නේ අතින් සැකසීම හෙවත් අත්යුරු ක්‍රමය (Manual Method) සහ ස්වයංක්‍රීය (Automatic) ක්‍රමයයි.
54. පරිගණක පද්ධතියක මූලික සංරචක සම්බන්ධයෙන් පහත වගන්ති අතුරෙන් අසත්‍ය ප්‍රකාශය වන්නේ,
- දෘඩාංග (Hardware) යනු පරිගණක පද්ධතියක භෞතික උපාංගයි. මේවා පහසුවෙන් වෙනස් කළ නොහැකිවේ.
- මෘදුකාංග (Software) යනු යම් අරමුණක් කරා පරිගණක පද්ධතියක් මෙහෙයවීම සඳහා පිළිවෙලකට ලබා දී ඇති උපදෙස් මාලා සමූහයයි.
- පරිගණක පද්ධතියක සමාරම්භය සඳහා මූලිකවම අවශ්‍ය වන ක්‍රමලේඛ ස්ථිරාංග (Firmware) නම් වේ.
- පරිගණක යන්ත්‍රයක් ක්‍රියාත්මක කිරීම සඳහා දෘඩාංග, මෘදුකාංග සහ ස්ථිරාංග යන සියල්ලම අත්‍යවශ්‍ය වේ.
- පරිගණකය පරිශීලනය කරන තැනැත්තා ජීවාංග (Live ware) ලෙස හඳුන්වයි.
55. පරිගණක පද්ධතියක සමාරම්භය සඳහා මූලිකවම අවශ්‍ය වන ක්‍රමලේඛ ස්ථිරාංග (Firm ware) නම් වේ. ස්ථිරාංග සඳහා උදාහරණයක් නොවන්නේ,
- පරිගණකයේ පඨන මාත්‍ර මතකය
- පරිගණකයේ සසම්භාවී පිවිසුම් මතකය
- රෙදි සෝදන යන්ත්‍රය
- ක්ෂුද්‍ර තරංග උඳුන
- ජංගම දුරකථනය
56. පහත උපාංග අතුරින් ආදාන උපාංගයක් (Input Device) නොවන්නේ,
- සුපරීක්ෂකය/ ස්කෑනරය (Scanner)
- තීරු කේත කියවනය (Bar Code Reader)
- ප්‍රක්ෂේපන යන්ත්‍රය (Projector)
- සංඛ්‍යාංක කැමරාව (Digital Camera)
- මාර්ග ගුලාව (Track Ball)
57. පරිගණකයට දත්ත හා උපදෙස් ආදානය කරනු ලබන යතුරු පුවරුව සම්බන්ධයෙන් අසත්‍ය ප්‍රකාශය වනුයේ,
- යතුරු පුවරුවේ A සිට Z දක්වා a සිට z දක්වා ,0 සිට 9 දක්වා අනුලක්ෂණ (Characters) ඇති අතර ! @ # $ % ^ & * ( ) වැනි විශේෂ අනුලක්ෂණ (Special Characters) ද දැකිය හැකිවේ.
- මානව භාෂාවන්ගෙන් (Human Languages) සමන්විත අකුරු පරිගණකයට වටහා ගත හැකි භාෂාවන්ට (Machine Languages) පරිවර්ථනය කිරීම සඳහා යතුරුපුවරු විවිධ වූ කේත (Codes) ක්‍රම භාවිතා කරයි.
- ආදාන උපාංගයක් ලෙස සැලකෙන යතුරු පුවරුව ස්ථානීය උපාංගයක් (Pointing Device) ලෙස ද ක්‍රියා කළ හැකිය.
- මෙහි තිබෙන යතුරු තද කිරීම මගින් ඊට ආවේණික විදුලි සංඥාවක් (Electrical Signal) සකසනයට ලැබේ.
- අද වෙළඳ පොළෙන් රැහැන් සහිත මෙන්ම රැහැන් රහිත යතුරු පුවරු මිලදී ගත හැකිය.
58. අන්තර්ජාල දුරකථන සම්බන්ධතාවයක දී පුද්ගලයින් සජීවීව දිස්වීම සඳහා (Internet Telephony) සහ වීඩියෝ සම්මන්ත්‍රණ පැවැත්වීමට (Video Conferencing) යොදා ගත හැකි උපාංගය වන්නේ,
- මයික්‍රෆෝනය (Microphone)
- වෙබ් කැමරාව (Webcamera)
- සංඛ්‍යාංක කැමරාව (Digital Camera)
- ප්‍රක්ෂේපන යන්ත්‍රය (Projector)
- සුපරීක්ෂකය (Scanner)
59. පරිගණක ජාලයකදී, ජාලයට පරිගණක සවි කිරීම සඳහා අත්‍යවශ්‍ය උපාංගය වන්නේ,
- ජාලකරන අතුරු මුහුණත් කාඩ්පත (NIC – Network Interface Card)
- ජාලකරණ ස්විචය (Network Switch)
- ජාලකරණ නාභිය (Network Hub)
- රවුටරය (Router)
- මොඩම් උපකරණය (MODEM)
60. මුසිකයේ (Mouse) ක්‍රියාකාරිතවයට බොහෝ සෙයින් සමාන කර්සරය (Curser) එහා මෙහා ගෙනයාම සඳහා බෝලයක් සවිකර ඇත.පැරණි උකුල් පරිගණකවල (Laptop) බෙහෙවින් භාවිතා විය. මෙම උපාංගය වන්නේ,
- ආලෝක පෑන (Light Pen)
- මාර්ග ගුලාව (Track ball)
- ස්පර්ශක තිරය (Touch Pad / Touch Screen)
- යතුරු පුවරුව (Keyboard)
- සංඛ්‍යාංකකය (Digitizer)
විවරණ සහ පිළිතුරු පසු ලිපි මගින් බලාපොරොත්තු වන්න.
