පසුගිය විභාග සහ අනුමාන බහුවරණ ප්‍රශ්න - 7 කොටස

61. ප්‍රකාශ අක්ෂර කියවීමේ (OCR – Optical Character Recognition) තාක්ෂණය සම්බන්ධයෙන් අසත්‍ය ප්‍රකාශය වන්නේ,

1. මෙම තාක්ෂණය මගින් රූපක (Images) ලෙසින් ඇති ලේඛනයක අක්ෂර පහසුවෙන් කියවීම සිදු කළ හැකිය.
2. මෙම තාක්ෂණය යොදා ගනිමින් විවිධ උපාංග නිර්මාණය කළ හැකිය.
3. විභාග වල පිළිතුරු පත්‍ර පරීක්ෂා කිරීම සඳහා ප්‍රකාෂ අක්ෂර කියවනය (OMR – Optical Mark Reader) භාවිතා කළ හැකිය.
4. ප්‍රකාශ අක්ෂර කියවීමේ තාක්ෂණය මගින් දෘඩ පිටපතක ඇති අක්ෂර පහසුවෙන් හඳුනා ගත හැකිය.
5. යම් සුපරීක්ෂකයක ප්‍රකාශ අක්ෂර කියවීමේ (OCR – Optical Character Recognition) පහසුකම ඇත්නම් Times New Roman, Arial වැනි ඉංග්‍රීසි අක්ෂර භාවිත කර ඇති ලේඛණයක් (Document), රූපමය (Image) ආකාරයෙන් නොව ලේඛණ (Document) ආකාරයෙන්ම පරිගණක මතකයේ ගබඩා වේ.

62. ස්ථානීය උපාංගයක් (Pointing Device) නොවන්නේ,

1. මූසිකය (Mouse)
2. ස්පර්ශක තිරය (Touch Screen)                                    
3. මාර්ග ගුලාව (Track Ball)
4. යතුරු පුවරුව (Keyboard)                    
5. පාලන යටිය (Joystick)

63. බහුවරණ ප්‍රශ්න පත්‍රයක පිළිතුරු පත්‍රයක් කියවිය හැක්කේ, (2011 A/L , 3)

1. සංඛ්‍යාංකකය (Digitizer) මගිනි.
2. ආලෝක පෑන (Light Pen) මගිනි.
3. චුම්භක තීන්ත අනුලක්ෂණ කියවනය (MICR – Magnetic Ink Character Reader) මගිනි.
4. පරිලෝකකය (Scanner) මගිනි.
5. විකුණුම්පොළ (Point Of Sale) ටර්මිනලය මගිනි.

64. සංවිධානයක සේවකයින් අතර පෞද්ගලික සහ රහස්‍ය පණිවිඩ හා දැන්වීම් සම්ප්‍රේෂණය සඳහා වඩාත් පිරිමැසුම් දායක (Cost effective) හා අරාක්ෂිත වන්නේ පහත දැක්වෙන කවර ක්‍රමය ද? (2012 A/L, 31)

1. ඉලෙට්‍රොනික දැන්වීම් පුවරු                                                                      
2. ටෙලි සම්මන්ත්‍රණ පැවැත්වීම (Teleconferencing)
3. විද්‍යුත් තැපෑල (E - Mail)                                                                            
4. සමාජ ජාලයක් (A social network)
5. වෙබ් අඩවියක් (A website)

65. ආචයන උපාංග ප්‍රවේශ වේගය (Access Speed) අනුව අවරෝහණ ආකාරයට දක්වා ඇති පිළිතුර වන්නේ,

1. නම්‍ය තැටිය (Floppy Disk) < චුම්භකිත පටි ධාවක (Magnetic Tape Drivers) < සංගත තැටිය  (CD – Compact Disk)< සංඛ්‍යාංක බහුවිධ තැටිය (DVD – Digital Versatile Disk) < සැනෙලි මතක ධාවක (Flash Drivers) < දෘඩ තැටිය (HDD – Hard Disk)
2. දෘඩ තැටිය (HDD – Hard Disk)> සැනෙලි මතක ධාවක (Flash Drivers)> සංඛ්‍යාංක බහුවිධ තැටිය (DVD – Digital Versatile Disk)> සංගත තැටිය  (CD – Compact Disk)> චුම්භකිත පටි ධාවක (Magnetic Tape Drivers)> නම්‍ය තැටිය (Floppy Disk)
3. දෘඩ තැටිය (HDD – Hard Disk)> සැනෙලි මතක ධාවක (Flash Drivers)> සංඛ්‍යාංක බහුවිධ තැටිය (DVD – Digital Versatile Disk)> සංගත තැටිය  (CD – Compact Disk)> නම්‍ය තැටිය (Floppy Disk)> චුම්භකිත පටි ධාවක (Magnetic Tape Drivers)
4. නම්‍ය තැටිය (Floppy Disk) < චුම්භකිත පටි ධාවක (Magnetic Tape Drivers) < සංගත තැටිය  (CD – Compact Disk)< සැනෙලි මතක ධාවක (Flash Drivers) < දෘඩ තැටිය (HDD – Hard Disk)< සංඛ්‍යාංක බහුවිධ තැටිය (DVD – Digital Versatile Disk)
5. දෘඩ තැටිය (HDD – Hard Disk)> සැනෙලි මතක ධාවක (Flash Drivers)> සංඛ්‍යාංක බහුවිධ තැටිය (DVD – Digital Versatile Disk)> චුම්භකිත පටි ධාවක (Magnetic Tape Drivers)> නම්‍ය තැටිය (Floppy Disk)> සංගත තැටිය  (CD – Compact Disk)

66. "වීඩියෝ සම්මන්ත්‍රණ පැවැත්වීම (Video conferencing) යන්න, විවිධ ස්ථාන වල සිටින දෙදෙනකු හෝ කිහිප දෙනකු අතර ........................ හරහා සිදුවන ......................... සාකච්ජාවක් ලෙස වඩාත් හොඳින් විස්තර කෙරේ.” (2012 A/L, 35)
ඉහත ප්‍රකාශයෙහි හිස්තැන් පිරවීම සඳහා පිළිවෙලින් වඩාත් සුදුසු පිළිතුරු වන්නේ පහත දැක්වෙන කවර පද යුගලයද?

1. රූපවාහිනියක්, වීඩියෝ                                                               
2. දුරකථනයක්, ශ්‍රව්‍ය                                                       
3. ජාලයක්, ශ්‍රව්‍ය
4. රූපවාහිනියක්, ශ්‍රව්‍ය දෘශ්‍ය                                         
5. ජාලයක්, ශ්‍රව්‍ය දෘශ්‍ය

67. ලොව ජනප්‍රියතම පරිගණක නිශ්පාදන සමාගමක් වන IBM සමාගම බිහිවීමට මුල් වූ පුද්ගලයා වනුයේ,

1. චාල්ස් බැබේජ්                                                      
2. හර්මන් හොල්රීත්                                              
3. බේල්ස් පැස්කල්           
4. හෝවර්ඩ් එයිකන්                                      
5. ඇඩා ඔගස්ටා

68. විවිධ නිර්මාණ කාර්යයන්හි දී නිර්මාණ ශිල්පීන් භාවිතා කරනු ලබන යම් රූපයක් වැනි යමක් මෙම පැතලි තිරය මත විශේෂිත වූ පෑනෙන් ඇඳීමෙන් එය පරිගණකය තුළට ආදානය කල හැකිවේ. මෙම උපකරණය විය හැක්කේ,

1. ස්පර්ශක තිරය (Touch Pad)
2. සංඛ්‍යාංකකය (Digitizer)                                     
3. ආලෝක පෑන (Light Pen)
4. පාලන යටිය (Joystick)                                         
5. මාර්ග ගුලාව (Track Ball)

69. දත්ත ගබඩා කිරීමේ (Store) දී / සමුද්ධරණය (Retrieve) සඳහා භාවිතා වන මාධ්‍ය සහ ආචයන උපාංග පහත දී ඇත. මේවා අතුරින් නිවැරදි යුගල තෝරන්න.

a. චුම්භක මාධ්‍ය - සංගත තැටිය                                                               b. චුම්භක මාධ්‍ය - දෘඩ තැටිය
c. ප්‍රකාෂ මාධ්‍ය - සංඛ්‍යාංක බහුවිධ තැටිය                                                    d. සැනෙලි මාධ්‍ය - නම්‍ය තැටිය

1. a, d                         
2. a, b                         
3. b, c                         
4. c, d                         
5. a, b, c, d

70. පරිගණකයේ දත්ත ආචයනය සඳහා භාවිතා කරනු ලබන ඒකක වල විශාලත්වය ආරෝහණ ආකාරයට දැක්වෙනුයේ,

1. Bits < KB < Bytes < MB < GB < TB < PB                           
2. Bytes < Bits < KB < MB < TB < GB < PB
3. Bits < Bytes < KB < MB < GB < TB < PB                           
4. PB  < TB < GB < MB < KB < Bytes < Bits
5. Bits < Bytes < PB < MB < GB < TB < KB
   

විවරණ සහ පිළිතුරු පසු ලිපි මගින් බලාපොරොත්තු වන්න...