01: පසුගිය විභාග රචනා සහ ව්‍යවූහගත රචනා ප්‍රශ්න (Essays

ව්‍යවූහගත රචනා ප්‍රශ්න (Structured essay questions) - පළමු පාඩමට සම්බන්ධය

(2011 AL – 4.C. ) සමාගමක වැටුප් ලැයිස්තු පද්ධතියෙහි ගනුදෙනු ගොනුවේ (Transaction file) සේවක අංකය, වැඩකළ පැය ගණන, දෙපාර්තමේන්තු කේතය හා සති අංකය අඩංගු වේ. පද්ධතියෙහි “Employee master”හා “Department master” යන වගු පවතී යැයි උපකල්පනය කරන්න. පහත වගුවේ එක් එක් දත්ත අයිතමය සඳහා වඩාත්ම සුදුසු සප්‍රමාණතා පිරික්සුම (Validation check) රවුම් කර දක්වන්න.

(2011 AL – 4.d.) "වීඩියෝ සම්මන්ත්‍රණ පැවැත්වීම" (Video Conferencing) සහ "කර්තෘ හිමිකම" (Copyright) යන පද විස්තර කරන්න.

(2012 AL – 4.a) “පෞද්ගලිකත්වය “(privacy) සහ” මෘදුකාංග කොල්ලය “(software piracy) යන පදවලින් ඔබ අදහස් කරන්නේ කුමක් ද?

(2012 AL – 4.b) “ජංගම ආගණනය “(mobile computing) යන පදය විස්තර කරන්න.

(2012 AL – 4.c) පහත දැක්වෙන සංසිද්ධිය සලක බලන්න.

අර්ධ සන්නායක (semiconductor) නිෂ්පාදන සමාගමකට ජපානයෙහි සහ ඇමරිකා එක්සත් ජනපදයෙහි ශාඛා තිබේ. වර්තමානයේ දී සංවර්ධන කණ්ඩායමේ නියෝජිතයන්ට ඔවුන්ගේ තාක්ෂණික ගැටලු සාකච්ජා කිරීම සඳහා සමාගමෙහි අනෙකුත් ශාඛා වලට නිරතුරුව යාමට සිදුවී තිබේ. මෙම යාන්ත්‍රණය බොහෝ වියදම් සහිත සහ කාලය වැයවන සුළු බව වර්ෂ ගණනාවක සිට මෙම සමාගම හඳුනාගෙන ඇත.

1. අනෙකුත් ශාඛා වලට ගමන් කිරීමෙන් තොරව ඔවුනට මෙම තාක්ෂණ විමසුම් රැස්වීම් පැවැත්වීම සඳහා තොරතුරු හා සන්නිවේදන තාක්ෂණය (ICT) පදනම් කරගත් ක්‍රමයක්,  ICT විෂය හදාරන සිසුවකු ලෙස ඔබ යෝජනා කරන්න.

2. ඉහත 1 කොටසෙහි යෝජිත ක්‍රමය සඳහා අත්‍යවශ්‍ය "තොරතුරු හා සන්නිවේදන තාක්ෂණ" උපක්‍රම (ICT Devices) තුනක් නම් කරන්න.

රචනා ප්‍රශ්න (Essay type questions)

(2011 AL – 1.a) ආකෘතික පරිගණකයක (Typical computer) මධ්‍ය සැකසුම් ඒකකයේ (CPU) ප්‍රධාන සංරචක තුන මොනවා ද?මෙම සංරචක තුනෙහි ප්‍රධාන කාර්යයන් ලැයිස්තු ගත කරන්න.

(2012 AL – 1.a)

1. දත්ත සහ තොරතුරු අතර ප්‍රධාන වෙනස සුදුසු පද්ධතියක් අනුසාරයෙන් විස්තර කරන්න.

2. විශාල පරිමාණයෙන් දත්ත පරිහරණය කිරීමේ දී අත්යුරු (Manual) ක්‍රම යොදා ගැනීමේ අඩුපාඩු තුනක් දක්වන්න.

3. නිදසුන් යොදා ගනිමින් දෘඩාංග (Hardware), මෘදුකාංග (Software) සහ ස්ථිරාංග (Firmware) යන පද විස්තර කරන්න.

සැ.යු: ඉහත සියළුම ප්‍රශ්න වල අයිතිය ශ්‍රී ලංකා විභාග දෙපාර්තමේන්තුව සතු වන අතර මා කරන ලද්දේ සුළු විශ්ලේශණයක් පමණි. අ.පො.ස උසස් පෙළ තොරතුරු සන්නිවේදන තාක්ෂණ විෂයෙහි පළමු පාඩමට සම්බන්ධ ප්‍රශ්න (2011 - 2014) දක්වා සියල්ල ගොනු කර දවා ඇත.

අනුමාන ප්‍රශ්න : 

1. තොරතුරු හා සන්නිවේදන තාක්ෂණ ඉතිහාසය බෙදනු ලබන කාල වකවානු (Time lines) මොනවාද?

2. පරිගණකයේ ඉතිහාසයට සම්බන්ධව වැදගත් සිදුවීම් සඳහන් කර ඒ හා සම්බන්ධ වූ පුද්ගලයන් ලැයිස්තු ගත කරන්න.

3. පස්වන පරම්පරාව / පරිගණක තාක්ෂණයේ අනාගත දිශානති / අභිමතාර්ථ සම්බන්ධව කෙටි පැහැදිලි කිරීමක් කරන්න.

4. පරිගණක වර්ගීකරණය කළ හැකි ආකාර මොනවාද?

5. ක්ෂුද්‍ර පරිගණක කාණ්ඩයට වැටෙන පුද්ගල පරිගණක මොනවාද?

6. බස් මාර්ග යන්න පහදා එහි ආකාර 3 ලියා දක්වන්න. එක් එක් ආකාරයන්හි සුවිශේෂී කාර්යයන් පැහැදිලිව දක්වන්න.

7. සකසනයක හෝරා සීග්‍රතාවය (Clock speed) සහ වදනක ප්‍රමාණය (word size) යන්න පහදන්න.

8. මධ්‍ය සැකසුම් ඒකකයේ කොටස් නම් කර එක් එක් කොටස් මගින් ඉටු වන කාර්යයන් පැහැදිලි කරන්න.

9. ශ්‍රේණිගත දත්ත සන්නිවේදනය (Serial Data communication) සහ සමාන්තරගත දත්ත සන්නිවේදනය (Parellel Data communication) අතර වෙනස පැහැදිලි කරන්න.

10.වර්ථමාන පරිගණක පරිශීලක අවශ්‍යතා සපුරාලීම සඳහා යුනිකේත (Unicode) ක්‍රමයේ ඇති වැදගත්කම පිළිබඳව කෙටි සටහනක් ලියන්න.

පිළිතුරු පසු ලිපි මගින් බලාපොරොත්තු වන්න....