02: පසුගිය විභාග බහුවරණ ප්‍රශ්න (MCQs) සහ ව්‍යවුහගත රචනා ප්‍රශ්න 2011 - 2014

2.0 : නූතන පරිගණක වල කාර්යයසාධනය විස්තර කොට සසඳා බලමින් පරිගණක පරිණාමය ගවේශණය කිරීම.

බහුවරණ ප්‍රශ්න (Multiple Choice Questions - MCQ)

01. විශ්ලේෂණාත්මක එන්ජිම (Analytical Engine) සොයා ගනු ලැබුවේ කවුරුන් විසින් ද? (2011 A/L, 1)

1. බ්ලේස් පැස්කල් (Blaise Pascal)
2. චාර්ල්ස් බැබේජ් (Charles Babbage)
3. ජෝන් වොන් නියුමාන් (John Von Neumann)
4. ජෝන්. වී. අටන්සොෆ්ට් (John V. Atanasoft)
5. ජෝන් ප්‍රෙස්පර් එකර්ට් (John Presper Eckert)

02. දෙවන පරම්පරාවේ (Second Generation) පරිගණක වල භාවිත වන්නේ පහත සඳහන් කවර තාක්ෂණය ද? (2011 A/L, 2)

1. අනුකලිත පරිපථ (Integrated Circuits (ICs))
2. මහා පරිමාණ අනුකල (Large Scale Integration (LSI))
3. ක්ෂුද්‍ර සකසන (Microprocessors)
4. ට්‍රන්සිස්ටර (Transistors)
5. රික්තක නල (Vacuum Tubes)

03. පහත දැක්වෙන ප්‍රකාශ සලකා බලන්න. (2011 A/L, 33)

1. මතකයෙන් කියවීමේ කාල පමාව (Latency) නොගිණිය හැකි යැයි උපකල්පනය කිරීම.
2. ධූරාවලි ස්මරණ ව්‍යවූහය (Hierarchical memory structure) භාවිත කිරීම.
3. සකසූ ස්පන්ද සංඛ්‍යාතයෙහි (Processor clock speed) සීමාව පූර්වයෙන් දැකීමට නොහැකි වීම.

වොන් නියුමාන් (Vonn Neumann) නිර්මාණකරණය ඉක්මවන සේ තාක්ෂණික වර්ධනය වළක්වන ලද්දේ ඉහත දැක්වෙන කවරක් විසින් ද?

1. A පමණි.                                          
2. B පමණි.                                          
3. A හා B පමණි.                                
4. A හා C පමණි
5. A හා C පමණි.

04. ප්‍රථම පරිගණක ක්‍රමලේඛකයා ලෙස සැලකෙන්නේ කවුරුන් ද? (2012 A/L, 1)

1. ජෝන් වොන් නියුමාන් (John Von Neumann)
2. බ්ලේස් පැස්කල් (Blaise Pascal)
3. චාල්ස් බැබේජ් (Charles Babbage)
4. ඇඩා ඔගස්ටා ලව්ලේස් (Ada Augesta Lovelace)
5. ජෝන් ප්‍රෙස්පර් එකර්ට් (John Presper Eckert)

05. තුන්වන පරම්පරාවේ පරිගණක වල භාවිතා කරන ලද්දේ පහත දැක්වෙන කුමන තාක්ෂණයද? (2012 A/L, 2)

1. අනුකලිත පරිපථ (Integrated Circuits (IC))
2. විශාල පරිමාණයේ අනුකලිත (LSI)
3. ක්ෂුද්‍ර සකසන (Microprocessor)
4. ට්‍රාන්සිස්ටර (Transistors)
5. රික්තක නල (Vacuum Tubes)

06. CPU තුළට ආහරණ (fetch) කරන ලද උපදෙස් විකේතනය (decode) කරනු ලබන සංරචකය හඳුන්වනු ලබන්නේ, (2012 A/L, 28)

1. ප්‍රාථමික මතකය (Primary Memory) නමිනි.                           
2. රෙජිස්තර ඒකකය (Register Unit) නමිනි.
3. පාලන ඒකකය (Control Unit) නමිනි.                                    
4. ALU (Arithmetic & Logic Unit) නමිනි.        
5. ක්‍රමලේඛ ගණකය (Program Counter) නමිනි.

07. ක්‍රියාකරවීම (execution) අතරතුර දී දත්ත හා උපදෙස් දරා ගනිමින්, ක්ෂුද්‍ර සකසනයේ (microprocessor) කොටසක් ලෙස පවතින, අධිවේගී තාවකාලික ආචයනයක් (high speed temporary storage) ...................... ලෙස හැඳින්වේ. ඉහත හිස්තැන පිරවීම සඳහා වඩාත්ම යෝග්‍ය පිළිතුර කුමක් ද? (2013 A/L, 03)

1. රෙජිස්තරය                           
2. RAM                                   
3. අතත්‍ය මතකය (Virtual memory)
4. EPROM                              
5. සැනෙලි මතකය (Flash memory)

08. බැබේජ්ගේ "Difference යන්ත්‍රය" පාදක වී ඇත්තේ ................ මත ය. (2013 A/L, 7)
ඉහත හිස්තැන පිරවීම සඳහා වඩාත්ම යෝග්‍ය පිළිතුර කුමක්ද?

1. යාන්ත්‍රික තාක්ෂණය                          
2. රික්තක නල තාක්ෂණය                     
3. ට්‍රාන්සිස්ටර තාක්ෂණය
4. අනුකලිත පරිපථ (IC) තාක්ෂණය        
5. ඉතා විශාල පරිමාණයේ අනුකලිත පරිපථ (VLSI) තාක්ෂණය

09. Electronic Numerical Integrator and Computer (ENIAC) පරිගණකයේ ප්‍රධාන නිපැයුම්කරුවකු වන්නේ, (2014 A/L, 1)

1. බ්ලේයිස් පැස්කල් (Blasé Pascal) ය.
2. චාල්ස් බැබේජ් (Charles Babbage) ය.
3. ජෝන් වොන් නියුමාන් (John Von Neumann) ය.
4. ඒඩා ඔගස්ටා ලෝවිලස් (Ada Augusta Lovelace) ය.
5. ජෝන් ප්‍රෙස්පර් එකර්ට් (John Presper Eckert) ය.

10. ආගණන උපක්‍රම (computing devices) වල පරිණාමය සම්බන්ධයෙන් නිවැරදි වන්නේ පහත සඳහන් කුමන වගන්තිය ද? (2014 A/L, 2)

1. රික්තක නල භාවිතයෙන් බ්ලේස් පැස්කල් විසින් පැස්කලීනය (Pascaline) නිපදවන ලදී.
2. පැස්කලීනය පළමු පරම්පරාවේ ආගණන උපක්‍රමයක් ලෙස සලකනු ලැබේ.
3. රික්තක නල භාවිතා කර නිපදවන ලද පරිගණක දෙවන පරම්පරාවේ පරිගණක ලෙස සළකනු ලැබේ.
4. Electronic Numerical Integrator and Computer (ENIAC) පරිගණකය නිපදවීම සඳහා රික්තක නල භාවිතා කරන ලදී.
5. ඇපල් 1 හා ඇපල් 11 දෙවන පරම්පරාවට අයත් පරිගණක සඳහා උදාහරණ දෙකකි.
   

ව්‍යවූහගත රචනා ප්‍රශ්න (Structured essay questions)

1. (2011 A/L, 1.a) ප්‍රථම පරිගණක පරම්පරා හතර සඳහා භාවිත කර ඇති ප්‍රධාන තාක්ෂණ සඳහන් කරන්න.

2. (2011 A/L, 1.b) ක්‍රමලේඛ ක්‍රියාත්මක වීමේ දී භාවිත වන ආහරන - ක්‍රියාකරවුම් චක්‍රය (Fetch – execute cycle) නිරූපණය කිරීමට රූපසටහනක් අඳින්න.

3. (2011 A/L, 4.b) දත්ත ගබඩා කිරීම / සමුද්ධරණය (Retrieve) සඳහා භාවිත වන මාධ්‍යය (Medium) පාදක කරගෙන පරිගණක ආචයන (Storage) පද්ධති ආකාර තුනකට වර්ග කල හැකිය. මෙම ආකාර තුන සඳහන් කර, එක් එක් ආකාරයට උදාහරණය බැගින් ලබා දෙන්න.

මෙම ප්‍රශ්න ශ්‍රී ලංකා විභාග දෙපාර්තමෙන්තුව මගින් නිකුත් කල පසුගිය විභාග ප්‍රශ්න පත්‍ර මගින් උපුටා ගන්නා ලද අතර මා විසින් සිදු කර ඇත්තේ කෙටි විශ්ලේශණයක්ම පමණි. අ.පො.ස (උ.පෙළ ) තොරතුරු සන්නිවේදන තාක්ෂණය විෂය මාලාවේ 2 වන පාඩමට අයත් ප්‍රශ්න මෙහි ගොනු කර දක්වා ඇත්තේ පරිශීලකයාගේ පහසුව තකා පමණක් බව කරුණාවෙන් සලකන්න.

විවරණය සහ පිළිතුරු පසු ලිපි මගින් බලාපොරොත්තු වන්න....