11.0: තොරතුරු පද්ධති (Information Systems) - අනුමාන ප්‍රශ්න සහ පිළිතුරු 3

26. පරිගණක ආශ්‍රිත තොරතුරු පද්ධති (Computerized Information Systems) යනු මොනවාද?

තොරතුරු රැස් කිරීම, නැවත ලබා ගැනීම, සැකසීම, ගබඩා කිරීම සහ බෙදා හැරීම යන කාර්යයන් පරිගණකය ඇසුරින් සිදු කරනු ලබන පද්ධති වේ. එනම් පරිගණක තාක්ෂණය අන්තර්ගත වූ පද්ධති වේ. උදාහරණයක් ලෙස ස්වයංක්‍රීය ටෙලර් යන්ත්‍රය (ATM – Automatic Teller Machine) පෙන්වා දිය හැකිය.
 

27. හස්තීය තොරතුරු පද්ධති (Manual Information Systems) වලට සාපේක්ෂව පරිගණක ආශ්‍රිත තොරතුරු පද්ධති (Computerized Information Systems) වල වාසි මොනවාද?

• නිරවද්‍යතාවය ඉහළයි.
• කාර්‍යක්ෂමතාවය ඉහළයි.
• වේගවත්ය.
• මිනිස් ශ්‍රමයක් අවශ්‍ය නොවීම.
• මූලික වියදම පමණයි.

28. පරිගණක තාක්ෂණය උපයෝගී කර නොගන්නා තොරතුරු පද්ධති (Information Systems) භාවිතයේදී ඇතිවන ගැටළු නිරාකරණය කරගැනීම සඳහා මිනිසා විසින් පරිගණක තාක්ෂණය යොදාගන්නා තොරතුරු පද්ධති නිර්මාණය කරනු ලබයි.මෙම තොරතුරු පද්ධති නිපදවීමේදී සෑම විටම එක්තරා අරමුණක් හෝ අවශ්‍යතාවක් ඉටුකර ගැනීම සඳහා අවදානය යොමු කර ඇත.ඒ අතරින්  පුද්ගල සම්බන්දතාවකින් තොරව ක්‍රියාත්මක වීම සඳහා ස්වයංක්‍රීය තොරතුරු පද්ධති නිපදවා තිබේ. මිනිසා විසින් නිපදවා ඇති තොරතුරු පද්ධති වර්ග කිහිපයක් නම් කරන්න.

ස්වයංක්‍රීය කළ පද්ධති (Automated systems)
කළමනාකරණ සහාය පද්ධති (Management support systems)
භූගෝලීය තොරතුරු පද්ධති (Geographical Information systems)
දැනුම් කළමනාකරණ පද්ධති (Knowledge Management systems)
අන්තර්ගත කළමනාකරණ පද්ධති (Content Management systems)
ව්‍යවසාය සම්පත් සැලසුම් පද්ධති (Enterprise Resource Planning systems)
ප්‍රවීන පද්ධති (Expert systems)
නිහිත පද්ධති (Embedded systems)

29. ස්වයංකෘත පද්ධතියක් (Automated System) යනු කුමක්ද?

ස්වයංකෘත පද්ධතියක් මෙහෙයවීම සඳහා පුද්ගල මැදිහත් වීමක් අවශ්‍ය වන්නේ නැත.මෙවැනි පද්ධති මෙහෙයවීම සඳහා පරිගණක යොදා ගනු ලබයි.

උදා : ස්වයංක්‍රීය රෙදි සෝදන යන්ත්‍රය (Fully automatic washing machine)

30. ස්වයංකෘත පද්ධතියක් (Automated System) ලෙස ස්වයංක්‍රීය රෙදි සෝදන යන්ත්‍රයෙහි (Fully automatic washing machine) ක්‍රියාකාරීත්වය පැහැදිලි කරන්න.

ස්වයංක්‍රීය රෙදි සෝදන යන්ත්‍රයක සවි කර ඇති ක්ෂුද්‍ර චිපයක් (Microchip) මගින් යන්ත්‍රයට ලබා දෙන ජලය ප්‍රමාණය, කැරකෙවෙන වාර ගණන සහ වේලන කොටස තුළ උෂ්ණත්වය යනාදී සියල්ලම පාලනය කරනු ලබයි. එම නිසා මෙය ස්වයංකෘත පද්ධතියක් ලෙස සැලකිය හැකිය.

31. මිනිසා විසින් සාදන ලද විවිධ වර්ග වල ස්වයංකෘත පද්ධතීන් (Automated Systems) සඳහා උදාහරණ 2 ක් දෙන්න.

කාර්යාලීය ස්වයංකෘත පද්ධති (Office Automation Systems)
ගණුදෙණු සැකසුම් පද්ධති (Transaction Processing Systems)

32. කාර්යාලීය ස්වයංක්‍රීය පද්ධති (OAS – Office Automation System) යනු මොනවාද?

සංඛ්‍යාංක හෙවත් අංකිත ආකාරයට නිර්මාණය කළ , රැස් කරගත් , සමාලෝචනය කළ සහ ගබඩා කළ ආයතනික දත්ත මූලික කාර්යයක් සඳහා හෝ යොදා ගැනීමට සකස් කළ පද්ධතීන් වේ. පරිගණක ආශ්‍රිත උපාංග මගින් ක්‍රියාත්මක වේ.

33. කාර්යාලීය ස්වයංක්‍රීය පද්ධති (OAS – Office Automation System) වල භාවිතයට ගන්නා පුද්ගල සන්නිවේදන ක්‍රමවේදයන් මොනවාද?

විද්‍යුත් තැපෑල (e mail) සහ ස්වර තැපෑල (voice mail)

34. තොරතුරු සන්නිවේදන තාක්ෂණයේ දී ගනුදෙනුවක් (Transaction) ලෙස හඳුන්වන්නේ කුමන ආකාරයේ ක්‍රියාවක් ද? උදාහරණ දෙන්න.

දත්ත සමුදායක් (Database) වැනි තොරතුරු පද්ධතියක් (Information system) සමග අනෙයෝන්‍ය වශයෙන් බාහිරව හෝ අභ්‍යන්තරව සිදුවන සන්නිවේදනයේ දී අනුක්‍රමිකව හුවමාරු වන වැඩ ඒකක වේ. උදාහරණයක් ලෙස එදිනෙදා බැංකු කරයුතු වලදී සිශු කරනු ලබන මුදල් ගණු දෙණු පෙන්වා දිය හැකිය.

35. ගනුදෙනු සකස් කිරීමක් (Transaction processing) යනු කුමක්ද?

තොරතුරු සකස් කිරීමක් ය. තොරතුරු තනි තනි ඒකක වලට බෙදා එකිනෙකට නොපෙනෙන ලෙස අනෙයෝන්‍ය හැදියාවෙන් යුක්තව සිදු කිරීමක් ගණු දෙණු සකස් කිරීමක් වේ.

 

තවත් කොටසක් බලාපොරොත්තු වන්න.