1.2 : සාම්ප්‍රදායික ක්‍රම භාවිතයෙන් දත්ත හා තොරතුරු සැකසීම, ගබඩා කිරීම
සාම්ප්‍රදායික ක්‍රම භාවිතයෙන් දත්ත හා තොරතුරු සැකසීම, ගබඩා කිරීම
සාමාන්‍ය ජන ජීවිතයේ දී මෙන්ම පරිපාලන කටයුතු වලදී ද මිනිසා,
දත්ත රැස් කිරීමටත්
ගබඩා කිරීමටත්
පසු කාලීනව ප්‍රයෝජනයට ගැනීමටත් පෙළඹී සිටියේය.
රැස් කරගනු ලබන දත්ත පුද්ගලයාගෙන් පුද්ගලයාට තම අවශ්‍යතාව, රාජකාරීමය අවශ්‍යතාවය යනාදී කරුණු අනුව වෙනස් ස්වරූප ගනී. දත්ත රැස්කර තබා ගැනීමෙන් ඉතා ප්‍රයෝජනවත් තොරතුරු රැසක් සම්පාදනය කර ගත හැකිවේ.
දත්ත විශාල ප්‍රමාණයක් සැකසීමේදී අතින් කරනු ලබන ක්‍රම (Manual Method) ඈත අතීතයේ විශාල ලෙස රාජ්‍ය ආයතන (Government Companies) සහ පෞද්ගලික ආයතනවල (Private Companies) දැකිය හැකි විය.
(Image Source: www.infolanka.com)
දත්ත අතින් සැකසීමේ (Manual methods) දී මුහුණපාන ගැටළු සහ අභියෝග
1. කාර්‍යක්ෂමතාවය අඩුය.
2. නිරවද්‍යතාවය අඩුය.
3. විශාල කාලයක් ගත වීම.
4. විශ්වාසනීයත්වය අඩුය.
5. දත්ත විශ්ලේෂණය අඩුය.
6. ආදානය කළ අනුපිළිවෙලින්ම සටහන් කිරීමට සිදුවීම.
7. අනවශ්‍ය දත්ත මැකීමට (ඉවත් කිරීම) අපහසුය.
8. දත්ත යාවත්කාලීන කිරීම අපහසුය.
9. තැන්පත් කිරීම සඳහා වැඩි ඉඩක් අවශ්‍ය වීම.
10. මිනිස් ශ්‍රමය විශාල ලෙස අවශ්‍ය වීම.
11. ස්වාභාවික ආපදා, සතුන්ගෙන් වන හානි, ගින්නෙන් සිදුවන හානි වැනි ආකාර මගින් විනාශ වීමේ ඉඩකඩ ද වැඩිවිය. 
සාම්ප්‍රදායික ක්‍රම භාවිතයෙන් දත්ත හා තොරතුරු මහා පරිමාණයෙන් සංචාලනය වන විට සිදුවන පසුබෑම (Slowness)
අතීතයේ දත්ත සහ තොරතුරු රැස්කර තබා ගන්නා ලද්දේ මුද්‍රිත මාධ්‍ය වල සහ අතින් ලියන ලද කඩදාසිවලයි. මේ සඳහා නිසි තාක්ෂණික උපකරණ නොමැතිවීම ප්‍රධානතම ගැටළුවයි. දත්ත විශාල ප්‍රමාණයක් එක් රැස් කිරීමේදී සහ සැකසීමේදී අතින් සකසන ක්‍රම භාවිතයේදී විශාල ලෙස කාලය ගතවේ.සැකසූ තොරතුරු ගබඩා කිරීම සඳහා නිසි තාක්ෂණික උපකරණ නොමැතිවීමෙන් තොරතුරු වල සුරක්ෂිත භාවයද අඩුවිය.අතීතයේ අවුරුදු මාස ගණන් ගතවු ඇතැම් කාර්යයන් අද වනවිට සති ගණනකින් සැකසීමට හැකි වනුයේ තොරතුරු තාක්ෂණයේ දියුණුව නිසාවෙනි.
උදා:
අ.පො.ස සාමාන්‍ය පෙළ, උසස් පෙළ වැනි විභාග පිලිතුරු පත්‍ර පරීක්ෂා කිරීම සහ ප්‍රතිඵල නිකුත් කිරීම.
ජාතික හැඳුනුම්පත එක් දිනයකින් ලබා දීම.
රියඳුරු බලපත්‍ර ක්ෂණිකව ලබාදීම.
ශ්‍රී ලංකාවේ වසර 10 කට වරක් පවත්වනු ලබන ජන සංගණනය.
වර්තමානයේ දත්ත එක් රැස් කිරීම සඳහා විවිධ තාක්ෂණික උපාංග භාවිතා කරයි. පරිගණක යන්ත්‍ර යොදාගන්න මෙම උපකරණ තොරතුරු සන්නිවේදන තාක්ෂණික මෙවලම් (ICT Tools) ලෙස හැඳින්වේ. මේවා සමහරක් පහත දැක්වේ.
උකුල් පරිගණක (Laptop Computers)
අත්ල මත තබාගෙන වැඩ කල හැකි පරිගණක යන්ත්‍ර (Palmtop Computers/ PDA – Personal Digital Assistant )
තීරු කේත කියවන (Bar Code Readers)
චුම්භකිත තීන්ත අනුලක්ෂණ කියවනය (MICR – Magnetic Ink Character Reader)
ප්‍රකාශ අනුලක්ෂණ කියවනය (OMR – Optical Mark Reader)
(Image Sources : www.cimco.com / www. guardianpay.com)
තොරතුරු නිර්මාණය කිරීමේදී දත්ත වර්ග කිරීම, අවශ්‍ය විටකදී සොයා ගැනීම, අනුපිළිවෙලට සැකසීම (ආරෝහණ , අවරෝහණ ) වැනි ක්‍රියාකාරකම් සිදුකළ යුතුවේ. ඇතැම් කාර්යයන් සඳහා විවිධ ගණිතමය ක්‍රියාකාරකම්ද සිදු කළ යුතුවේ. මේ ආකාරයට ඉහත සඳහන් කළ ක්‍රියාකාරකම් අතින් සිදු කිරීමේදී (Manual Method) විශාල කාලයක් ගතවන අතර වැරදි සිදුවීමට ඇති ඉඩකඩ වැඩිය. දත්ත එක් රැස් කිරීම, පිටපත් කිරීම වැනි කාර්යයන්හිදී පුද්ගලයින් විශාල පිරිසක් සහභාගී වීම නිසා දෝෂ ඇතිවිය හැකි ඉඩකඩ වැඩිය. මේ නිසා නිරවද්‍යතාවය පිළිබඳව සෑහීමකට පත්විය නොහැක. ගණනය කිරීම් කටයුතු වලදී දිගින් දිගටම මිනිස් මොළය වෙහෙසීම නිසා ඇතිවන මානසික විඩාව මගින් ඇතැම් දෝෂ සිදුවීමේ අවස්ථාව වැඩිය.
පරිගණක යන්ත්‍ර මගින් තොරතුරු සකස් කිරීමේදී ගතවන කාලය අඩුවන අතර නිරවද්‍යතාවය ඉතාම ඉහළයි. තොරතුරු සන්නිවේදන තාක්ෂණයේ දියුණුවත් සමගම ඇත්වූ දත්ත සමුදාය (Database) සංකල්පය මගින් දත්ත විශාල ප්‍රමාණයක් පහසුවෙන් හසුරුවා ගත හැකිවේ. දත්ත වර්ග කිරීම (Grouping), දත්ත අළුතින් එකතු කිරීම (Insert Data), සෙවීම (Search), යාවත්කාලීන කිරීම (Update), ඉවත්කිරීම (Remove) වැනි කටයුතු ඉතාම පහසුවෙන් සිදු කරගැනීමට හැකිවී තිබෙනුයේ තාක්ෂණික උපකරණ භාවිතය නිසාවෙනි. නූතන තාක්ෂණයේ දියුණුවත් සමගම ඇතිවූ මෙම තත්ත්වය නිසා දත්ත හා තොරතුරු මහා පරිමාණයෙන් සංචාලනය (Manipulation) වන අවස්ථාවේදී සිදුවන මන්දගාමී තත්ත්වය පහව ගොස් ඇත.
සාම්ප්‍රදායික ක්‍රම භාවිතයෙන් දත්ත හා තොරතුරු මහා පරිමාණයෙන් සංචාලනය වන විට සිදුවන පසුබෑමේ දී පහත කරුණු වැදගත් වේ.
මන්දගාමීත්වය.
විශ්වාසනීයත්වයෙන් තොර වීම.
නිවැරදි නොවන බව.
තවත් ලිපියක් පසුව බලාපොරොත්තු වන්න.
